• 瀏覽: 4,489
  • 回覆: 100
  • 追帖: 2
[隱藏]
認真帖,希望巴打絲打不灌水不揶揄,回覆請盡量理性正能量,謝謝。

邂逅:11月8日晚社會動盪尖沙咀大混戰,樓主揸緊uber,每條街一個小角落都有五六十人截唔到車,攪低窗詢問了幾個,見女主角特別有誠意,輕鬆不焦慮,隨便索價200元車了女主角過海,女主角猶疑了一兩秒,第一句對話是哎呀之前有個的士老伯伯都係200蚊,150蚊唔得咩?樓主說200蚊好平㗎喇快啲上唔上冇車,女主角感覺係肯聽意見配合嘅人,即上了車,期間順路還有數百人,隨便問了十個,女主角沒有反言攻擊,間中還在笑覺得樓主好funny。只有一個順路,女主角有主動坐去右邊座位,騰空左邊座位配合並接受拼車。因那人不是香港人是鄰近北面的人,以及當時樓主真的覺得女主角不是麻煩友,覺得他願意付款就希望他早點可以返到屋企,於是拒絕了那個第二個路人,單獨送女主角過海回家算數。期間樓主不斷尬聊,有啲煩有啲操控女主角,女依然沒有脾氣。那時的感覺對女有初步好感,下車前藉口是這樣說的:往後兩三個月社會還會動盪,我哋交換電話啦到時你一定用得著我我會接你。女沒有猶豫。

第二天樓主whatsapp隨便打招呼,女主角回應是你搞到我要食一個禮拜麵包啦。其後隨便聊天,女主角對話也算多,有聆聽也有主動反饋。但是沒有主動找樓主,樓主出話題女主角就應。事後4,5日左右,夜晚十二點半約佢出嚟請佢飲嘢,佢話沒化妝已經上咗床準備瞓覺,樓主話期間甜言蜜語話佢皮膚好之类。傾兩傾佢出嚟,糖水舖食肆全部都閂曬門,接咗佢去非常差的茶餐廳在他家附近,他完全不介意。第一次約會之前他應該有推過一兩次。約佢出嚟畀番50蚊佢嘅堅持唔收。

女主角享受交新朋友,性格隨和,說不喜歡壓力,識幾多人,但不會很多係深交。大家新相識他已很強調朋友和他共患難,朋友是最好的。他很強調現在沒有壓力,不想有壓力。食飯飲嘢佢堅持全部aa制,但其實我有意無意畀多少少。

女主角和前度拍拖9年,分手四個月,仍然抽離唔到。第二次的約會,完全由女帶隊,佢一時一樣無情白事話我應該幫佢燒啲嘢食,佢話啲女仔friend都會幫佢燒,咁我有燒,傾兩傾佢喊,同我講日日都有諗下前度,初初前度追佢對佢好,到最後變成俾前度食,當佢工人奴隸之类吧,樣樣嘢都要幫前度做,連佢超速一個massage到,都要幫佢頂包,因為女主角夠分前度冇晒分。他說一齊捱過窮,前度而家身家二千萬,之前女主角逢人只講三分話,話唔夾,後來佢又話個渣男係識咗個後生嫩口d北面女仔唔要佢,叫我每日幫女主角落咒咒佢快啲破產。

女主角真性情對人溫和,好渴望身邊嘅人幫佢,一定要幫咗佢先搵到安全感,其實佢品格幾好會即刻幫你燒番啲嘢食,或者幫返你其他嘢,但係就不主動。最後送他返屋企他說可以不送,結果只能跟在後面。但事後女主角會說多謝我送佢返屋企。女主角樣樣都話唔慣,但唔肯講真心話唔知係咪口是心非。

樓主最touching位,就係當佢對住樓主喊,樓主沒有預期女主角吧佢當作信任對象。看到他喊訴苦,知道自己鐘意左女主角。其後樓主沒有營造氣氛沒有找合適時機表白了,錯了。

第三次約會女主角第一次出現情緒化,去食拉麵但又說自己幾個小時都沒有胃口,佢食咗半碗,見面45分鐘,女主角說有個更加重要的女性朋友要陪,朋友很需要他,樓主跟在後面遠距離看到兩位女性碰面就黯然走了。事後whatsapp樓主變得負面語調,自此女主角whatsapp數量和內容少左D,女主角一向都不秒答,成日好攰好忙,喜歡答就答。樓主越嚟越急,換來的就是女主角說不想給你有期望讓你失望。
這個的階段11月尾,對話已經去到:你有啲難追喎!女主角會說:我得閒就會約你。但其實直至今日女主角有沒有主動約過我一次!女主角叫我唔好chur住佢,好攰。

這個階段我已經有啲控制唔到自己,成日守住whatsapp秒覆。

見面少左,有啲挨打。第四次約會,係我攝佢時間,佢話死黨生日,原本請死黨睇戲然後八點半食晚飯。同我講好激氣死黨竟然話好攰喺屋企瞓番陣先唔睇戲,我剪剪下頭髮即刻走咗去陪佢,期間搞到我有氣冇訂抖,互相分配工作好快手接咗佢睇五點半,佢第一次盛裝(因約了死黨)但係好好笑,黑迷你皮裙又唔似真皮,黑高踭鞋係老土款,上面一件鬆身大黃色冷衫,勁似一個北姑:),成件事老土到笑!佢話套戲好長時間,我話其實冇嘢嘅咁我帶定多啲衫怕你凍同埋買定嘢食嘢飲,幾長時間都冇問題啦。佢唔信我講嘅嘢,但結果佢真係口渴同埋超級凍,我除咗外套蓋住佢對腳自己死頂,臨走我問佢我想拖你隻手一陣,佢話唔得。我照拖咗十秒,佢輕輕力想鬆開,我沒有勉強,放開咗。

攝完時間佢去正經約會,我問佢攞咗卡拉ok佢個會員編號,自己唱咗八個鐘頭K,我喊了。自此我的情緒很波動。很容易喊。但是那天心情是很開心的。

自此對話依然是我比較主動。佢去旅行有求其send兩張相畀我。我成日讚佢著衫好好睇,其實我身型都好好睇,我哋兩個都係高嘅。佢就將佢手機wallpaper一個年青韓星嘅相send畀我,同埋一啲所謂型男熟男,我話,明了我照執。事後佢同我講鍾意我著得young啲....

進入12月女主角百足咁多爪,我也有啲灰心,大時大節嗰十零日我約唔到佢,亦冇主動約過佢。總結返whatsapp內容,佢放假之前嗰晚,就會放鬆啲同埋多嘢复,佢有同我講工作壓力大。要跑數。

到呢個階段其實佢對我依然係冇興趣,佢好需要朋友。我響呢個時候講咗我嘅情史畀佢聽,我一樣係一個情傷嘅人。輸咗名譽地位金錢自信尊嚴。佢話我想過去嗰段11年嘅感情係一個蠢人。我將我成長背景和家庭背景一一交代清楚,並表白我鍾意佢。有誠意真心發展,並且因為佢夾到而我青春有限,冇條件再去花心。答案大家也估到啦!brotherhood!! 自此我幫自己改咗個名叫做兄。

女主角的答覆(cap左):

我明示啦,我依家每日都會諗起個個衰人,所以呢個moment 我中意自己一個,我啱啱係個井爬出黎。搞到我又諗起個衰人,希望佢快啲執笠。

講完呢啲嘢之後,第二朝佢又會回饋返我,佢內心有啲矛盾!我估計佢係一個好善良,唔好意思傷害到人,其實佢有表示唔討厭我。

兩個幾禮拜後,要迫佢,約咗佢食晚飯,我第一次揸主意去咗雲咸街扮鬼佬,佢英文冇我咁好,但係佢社交係乜都唔驚嘅人,食飯我請,之後我就跟住佢再去酒吧飲酒,佢埋單。酒精之後嘅佢放鬆咗少少,佢好鍾意聽我吹水。大家沒有肢體接觸,我比較冷淡。呢個階段我已經三四日會喊一次。送咗佢返屋企,佢話多謝。之前幾次一樣,都會關心下我食得飽唔飽,早啲返屋企啦問我返到屋企未。

呢段時間佢工作好忙因為大節日,我好緊張佢同埋佢嘅回覆,回復越慢越少,我越焦慮,我同佢講史無前例嘅辛苦,佢笑笑口話咁咪鬼鍾意我啦:)。之前佢問我有冇ig。我同佢講我而家開咗個ig,一直加你,佢就唔肯畀我加。佢嘅理論就係當時係唔熟嘅朋友,梗係邀請我我加佢ig,而家唔准加。

呢個階段我好辛苦不斷加力,不斷push,佢就話我好煩。日日見唔到佢,佢有三四晚都同friend周圍去飲酒,有男有女,我話半夜兩三點你走,我揸車接你,佢應該唔係收兵嘅人。有時講咗幾日後佢自己嘅行程,我話攝時間接佢走,佢話到時睇下點,結果全部都係飛機,話畀我聽走咗啦。

女仔就係咁?唔順暢矛盾咁囉。無情白事佢又話啲friend全部都唔肯借架車畀佢揸,咁我話我借架波子畀你揸,花心機安排好曬,要問得好清楚先明白,要我講佢先肯答其實佢係想過手癮操車,唔知係咪我問多咗兩句你幾耐冇揸過車,出到嚟佢又唔肯渣。

1月頭女主角得閒返啲,佢仍然沒有拉黑我,因為我死纏爛打,佢第一次(被)主動約我,食一間佢想食好耐嘅嘢。我第一次嘗試用佢嘅方法拖拖拉拉,結論效果係幾好嘅!我開始有番少少尊嚴同埋原來我都矜貴嘅!我玩吊高嚟賣,叫佢尊重我,佢有照做。埋單我請,我話佢眼闊肚窄,其後佢就半嬲半講笑,扮曬唔肯點嘢因為會畀人投訴眼闊肚窄。食完嘢又去酒吧飲酒,我請。我唔對住佢坐,佢話我古怪,佢就我對返住我坐。傾偈,佢又好鍾意睇到我滔滔不絕吹水。我哋玩簡單嘅遊戲,幾好笑。一樣嘅情景,佢放咗工有咗酒精,個人輕鬆開心咗,送咗佢返屋企,佢有口頭上多謝關心下我都早啲返屋企。不知道和我全部付款有沒有關係,返到屋企是他第一次主動whatsapp我:
多謝你今日陪我,哈哈。

呢啲對話我唔識處理,結果我仍然是做蠢仔,說你反轉嚟講嘅,我多謝你陪我就真。當晚我送咗個打火機畀佢,佢好鍾意。

第二日佢問我個打火機會唔會爆,我好嬲,我同佢講你唔送嘢畀我,冇資格踩我送畀你嘅嘢。佢詞不達意,因為佢每件事都會google下,咁就以偏概全帶向負面。我話要收返個打火機,佢好似個細路女咁,話你送畀我嘅嘢就係我嘅,我覺得佢好靚好鍾意,我唔會畀番你㗎!

之後佢傷風,我話陪佢睇醫生買成藥畀佢,佢全部都唔要。我關心佢,能夠感覺到病嘅時候需要我關心。佢開心嘅。

之後佢去旅行,我話全程為你打氣,我話你每十分鐘就send一張相過嚟啦哈哈,結果佢有主動send過一兩次。我原本想去機場海關出口嗰度畀個驚喜佢,但係因為佢同一個女仔friend去, 同埋佢勁壓抑令我覺得咁樣做只會令佢冇安全感,所以想去中環機鐵接佢,結果都失敗咗,結果我在佢屋企樓下落的士位,接佢。見到我,港女嘅言語技巧係比較差,當然唔會驚喜,更不會擁抱,又是小小埋怨,嘩好驚囉有個人喺佢屋企樓下。我問佢有乜嘢最需要佢話要食煙,我買咗包煙畀佢。

直至前幾日暫時最後一次見面,佢話學緊打桌球,我揸咗架車接佢放工,打桌球他很開心,佢話有個師父五十幾歲有仔女嘅大叔和他打過唔超過十次。我問佢你係想我教你,還是想我陪你玩輕鬆帶些歡樂給你。佢好認真話想從基本功學。咁我教佢,佢係接收到一兩成嘅,有兩樣嘢佢就學到足好有滿足感。結論係我唔識教人但係我叻嘅,佢師傅因為有細路,比較識得教人。請完佢打波之後,又係食好嘢。佢花好多錢響社交同食晚飯嗰度,其他嘢相對比較慳。我搶住埋單,佢畀返一半嘅晚飯錢加少少桌球錢我。

教打桌球時,有非常多的身體接觸,我鬼仔性格有同佢解釋過,做到件事就得啦。佢真係好港女亞洲女性,佢做嘢係因循一啲好守舊嘅框架,冇乜突破性。我解釋畀佢聽右邊hip位下盤一定要穩,手部腰部下巴配合,我捉住佢呢啲部位解釋同練習,佢冇hard feelings.

我哋之前都有傾邊度邊度旅行咁樣嘅。佢都叫我去下旅行,我話一個人去我呢個年紀好冇癮,我很需要好夾嘅旅行伴侶,一個人對於你嚟講好爽我就孤苦伶仃。我話如果去旅行都想抽一啲你日日都要返工好忙嘅時間我去。佢話兩樣嘢有鬼關係咩。結果我畀錢訂嘢之前再問清楚佢,我去㗎啦你係咪應承我,唔會好似之前鍾意就覆whatsapp,如果冇你磅住我去到好戇居。佢應承ok盡量覆。結果佢有做到。不過期間我又喊,間唔中諗起情傷,或者諗到佢有幾段時間當我臭四,我會負面情緒,對於佢嚟講,佢5 like我負面情緒,係完全唔會幫到件事,佢只會唔覆。但係佢有啲犯賤性格,佢太隨和反應比較慢,我好少強勢逼佢,但係如果我迫佢佢係完全受嘅,佢唔係包頂頸嗰啲人。佢成日都喺個圈套裏面事後想追返,之前唔夠聰明而失去嘅嘢。

1月開始,女主角whatsapp嘅對話覆得快好多,同埋多咗關心樓主嘅內容。
。。。。。。。。。。。。。
有認真傾過三次,在酒吧中,在車裏面
。。。。。。。。。。。。。
樓主問女主角最後點睇,女主角話鍾意叻嘅人。50%信任樓主。樓主有表示退出求解脫,兩個月前女主角表示也可以,如果真係頂唔順就斷絕來往。近呢一個月,答覆就係唔介意樓主繼續追,身邊其實只有十五個朋友,五個係男性,舊同事居多,樓主可以追佢,係有機會嘅。我哋最後嘅結論係傾到,我繼續追佢,或者完全唔追佢都得。今年6月,睇下到時女主角對樓主有冇feel,冇就冇辦法。

女方:
30歲,唔係貪錢,已經有少少師奶仔,但係以為自己仲係好多時間青春少艾。誠實坦白內心無毒,隨和,學歷低,中六讀私校,十八九歲cafe做店務員,然後轉過下工,而家響三線品牌名店做冇底薪sales。對時裝有興趣,理論上有專業知識,但其實品味一般般。

時辰未到,想單身多半年,只認識三個月亦未有可能咁快有feel。

女主角表示樓主係叻人嚟嘅。女的前度係好叻嘅,而家搏一搏發咗跡,炒樓及做生意有2000萬身家,29歲。,女主角口口聲聲話此刻對樓未有feel, 但係叻嘅人,就到人,反應快,好順暢。

樓主:
40零歲,基礎好成績好,大學畢業,唔貪錢,成就一般,思想傳統有愛暖男,對身邊的人太緊張要求高。經歷完11年感情嚴重重傷,包括地位尊嚴和金錢損失。想搵個work嘅人過埋下半生。認識咗女主角之後,有放棄過追求另外一個性格冇咁溫和,但事業比較進取貪便宜嘅女仔。

[ 本帖最後由 海邊回收的手袋 於 2020-2-22 09:07 AM 編輯 ]



熱賣及精選
去跑全馬啦


引用:
原帖由 海邊回收的手袋 於 2020-1-16 03:04 PM 發表

認真帖,希望巴打絲打不灌水不揶揄,回覆請盡量理性正能量,謝謝。

邂逅:11月8日晚社會動盪尖沙咀大混戰,樓主揸緊uber,每條街一個小角落都有五六十人截唔到車,攪低窗詢問了幾個,見女主角特別有誠意,輕鬆不焦慮,隨便索價200元車了女主角過海,女主角猶疑了一兩秒,第一句對話是哎呀之前有個的士老伯伯都係200蚊,150蚊唔得咩?樓主說200蚊好平㗎喇快啲上唔上冇車,女主角感覺係肯聽意見配合嘅人,即上 ...
長很到呢…


40零歲,基礎好成績好,大學畢業,唔貪錢

第一句對話是哎呀之前有個的士老伯伯都係200蚊,150蚊唔得咩?樓主說200蚊好平㗎喇

咁都夠膽屎講話唔貪錢…



有誠意嘅帖!!

我好辛苦,求援助求意見,謝謝大家 :)



[隱藏]
提示: 作者被禁止或刪除 內容自動屏蔽
睇到文章大量稱呼自己做"樓主"跟住笑咗


花生者清,當局者迷-y( ̄Д ̄)。oO○
沒有永遠的朋友,也沒有永遠的敵人,只有永遠的利益。
滅團先兆: 唔怕神一樣嘅對手,最怕豬一樣嘅隊長
引用:
原帖由 productdesigner 於 2020-1-16 04:39 PM 發表

睇到文章大量稱呼自己做"樓主"跟住笑咗
諗住容易明啲咋,哈哈



回覆 引用 TOP

情感嘅世界好複雜,鍾意就係鍾意,最慘係真嘅。鍾意佢乜?可能性格我唔肯定。但係佢能力比較低,唔主動唔順暢,有啲kick kick哋


回覆 引用 TOP

引用:
原帖由 巧鬆啲 於 2020-1-16 03:24 PM 發表




長很到呢…


40零歲,基礎好成績好,大學畢業,唔貪錢

第一句對話是哎呀之前有個的士老伯伯都係200蚊,150蚊唔得咩?樓主說200蚊好平㗎喇

咁都夠膽屎講話唔貪錢… ...
哦,你覺得係就係啦。會唔會係慳錢?或者講係貪50蚊嘅人??50蚊好少錢咋喎。



[隱藏]
引用:
原帖由 海邊回收的手袋 於 2020-1-16 07:45 PM 發表




哦,你覺得係就係啦。會唔會係慳錢?或者講係貪50蚊嘅人??50蚊好少錢咋喎。
你話唔係就唔係啦~



引用:
原帖由 巧鬆啲 於 2020-1-16 07:49 PM 發表




你話唔係就唔係啦~
實情係我同你都唔知!佢自己先知



回覆 引用 TOP

引用:
原帖由 印度凸警 於 2020-1-16 03:21 PM 發表

去跑全馬啦
可能太長。有心人😊😊



回覆 引用 TOP

引用:
原帖由 海邊回收的手袋 於 2020-1-16 03:04 PM 發表

認真帖,希望巴打絲打不灌水不揶揄,回覆請盡量理性正能量,謝謝。

邂逅:11月8日晚社會動盪尖沙咀大混戰,樓主揸緊uber,每條街一個小角落都有五六十人截唔到車,攪低窗詢問了幾個,見女主角特別有誠意,輕鬆不焦慮,隨便索價200元車了女主角過海,女主角猶疑了一兩秒,第一句對話是哎呀之前有個的士老伯伯都係200蚊,150蚊唔得咩?樓主說200蚊好平㗎喇快啲上唔上冇車,女主角感覺係肯聽意見配合嘅人,即上 ...
甘勁寫甘長,你想問咩可以10個字內話我知



引用:
原帖由 晴晴晴晴晴晴 於 2020-1-16 10:53 PM 發表




甘勁寫甘長,你想問咩可以10個字內話我知
辛苦囉,對情感我誠實佢唔誠實。我可以點?



[隱藏]
引用:
原帖由 晴晴晴晴晴晴 於 2020-1-16 10:53 PM 發表




甘勁寫甘長,你想問咩可以10個字內話我知
妳又想岀嚟害人呀!?



提示:支持鍵盤翻頁左 右
[按此隱藏 Google 建議的相符內容]