• 瀏覽: 14,611
  • 回覆: 92
  • 追帖: 8
[隱藏]
我一家四口,我家姐27歲,我24 歲。一直覺得自己冇人錫。我家姐由細至大係屋企都係一個公主。父母由細至大也偏心佢,例如: 
1) 父母從來不會叫家姐做家務 ( 次次也是我做 )
2) 我想吃飯,家姐想吃烏冬,媽媽一定煮烏冬
3) 每次家姐同媽媽吵架,媽媽會喊。我同媽媽吵架,媽媽只會不理我。
4)老豆由細到大都吾敢打家姐,但會打我。
由細到大,連D親戚都會話我父母偏心我家姐。有一次夜晩,我仲聽到我媽同外婆講電話,承認錫家姐多D,我傷心了一晚。
家姐細細個讀書叻,永遠是全班頭幾名,屋企好多表兄弟姐妹(十個左右),佢是唯一一個可以靠會考,高考上大學。家姐好懶,吃完飯個碗就咁放在桌,不會執,從來𣎴會洗碗。一年都吾知有冇掃一次地,摺衫又不摺,連人地幫佢摺完,叫佢放返去衣櫃也不會拎,去完廁所,用哂D廁紙又不換,簡直懶癌末期。一放假就攤在床一日,話自己工作壓力大,想飲水也要我拎入房比佢飲。
由細到大,我都比佢欺負。佢細個不喜歡飲奶粉沖的奶,媽媽又成日早上沖,佢就成日威脅我(我細個成日整爛屋企D野,比我家姐發現),叫我幫佢飲埋,搞到我日日要飲二杯奶。
吃雪糕,永遠吃剩一,二啖先比我吃,原因是佢不想丟垃圾。
打機永遠是我望住佢打,不會比我玩,也吾明以前細個點解可以日日望住佢打機!!
因為我地是住一間房,所以呢二十幾年,也是我執房,而且佢D衫周圍丟,也是我執,執完二日又亂哂。
而且從來用命令口吻,不會講吾該!
講到呢度,大家一定吾明點解我會咁犯賤,仲可以忍受到。就好似我家姐金句:「一個人對你衰十萬次,對你好幾次,你就好感動。」
細個屋企好窮,好似是負資產,小學個陣,爸爸要返二份工,媽媽好夜先返。得我同家姐二個在屋企。有一次我發燒,屋企冇大人,我家姐照顧左我一晚,成晚不斷幫我換毛巾退熱,一晚應該換左十幾廿次,直到媽媽凌晨1:00 放工回來。之後我家姐成日話: 如果冇我?你熱壞腦啦,我是你救命恩人。

中一的時候上體育課,比同學整到個眼,返屋企隻眼已經睜不大,紅哂。醫生話眼角膜花左,個陣我好驚,問家姐: 我會吾會盲,以後也睇吾到野? 我仲好清楚記得,我家姐答: 「不會,最多我捐眼角膜比你。」 我估不到平時連一支筆,一舊擦膠也同我計的家姐會咁講.........

我band 3 中學,我考DSE 也衰左,第一年報左asso 讀,GPA 得2.7 。我家姐同我講:「你呢個成績玩完了,浪費左屋企幾萬元,你冇可能上大學,你的將來只有做sales , 飲食,普通文員。」 果時,我覺得佢說話好賤,但我自己也知自己冇可能上到大學。後來家姐叫我做護士,佢:「你與其做sales 個D,不如做護士,你平時D家務都做得幾好,護士也2、30000 一個月,起碼養到自己,最重要是我遲D不用養你。」個時我個心好亂,就聽我家姐話。(其實由細至大,我也好易比佢擺佈- - )媽媽好反對我去讀護士,1) 之前那一年asso 等如白讀,我媽寧願我讀埋另外個一年出來搵工 , 2) 我媽覺得醫院好多菌,而且太多人死,又要輪班之類,怕我辛苦 。我記得因為呢件事,媽媽家姐吵大架,媽媽話不會比留位費。當時留位費要用信用卡比,我家姐搵同學借信用卡幫我比 (仲要佢出錢), 之後有一個登記護士文憑收我,我家姐勸掂我媽媽,我就去左讀護士 。我家姐直到今天,也會話「冇我?你而家食得屎。」雖然好乞人憎,但我反駁不到。
家姐成日出門口不帶鎖匙,有一次又要我帶去佢公司比佢,家姐一畢業就做銀行,我好記得個時我在佢房門口,聽住佢比客罵得好厲害,話要投訴見經理之類,我在門口聽到佢比人罵,覺得好嬲,但又做不到D咩。我家姐行出來,見到我,好冷靜咁同我講:「冇野,返屋企吾好亂講野,鎖匙呢?」我仲記得果日我忍不住哭左,同自己講,將來要搵好多$, 等家姐不好比人蝦,但直到今天,我家姐人工是我的2 倍 =_= 。
我家姐返工之後,就買左一份人壽保險,保額100 萬,我見到受益人媽媽70%,我30% ,我覺得好奇怪,問佢:點解我30%?你不寫哂比媽媽? 佢:「 我計好哂,你之后一年學費,實習費,生活費,如果我死Q左,媽媽不比你繼續讀護士,又要趕你出門口之類,你就拎住呢30 萬去交學費,租屋住,之後做護士應該也夠你自己養自己。但你之後也要比家用。不過,如果我未來一年冇死,我會改受益人,我一元也不會益比你,哈哈。」聽完,也不知應吾應該感動。

直到佢比佢男友求婚,可能下年就離開呢個家,我內心深處好不捨,應該是被虐狂,而且同時好擔心佢D性格,我同佢男友講「我家姐真係好懶,咁多年也是我幫佢做哂所有野,佢咩也不會做,你要忍受下」 我家姐仲好不屑地說:「請工人lor 」,佢也吾明我們幾擔心佢男友會頂吾順佢!



其實問題根本在你父母偏心,蹤到個大囡咁
第時有你姐夫受咪好囉



提示: 作者被禁止或刪除 內容自動屏蔽
你家姐好醒目,是你的榜樣,你應該向佢學習,可能這一刻你聽不懂!


[隱藏]
引用:
原帖由 iLove_穎兒 於 2019-12-23 07:38 AM 發表

其實問題根本在你父母偏心,蹤到個大囡咁
第時有你姐夫受咪好囉
我擔心佢再咁懶,遲D我姐夫未必頂到佢,但我又不知點同我家姐講。我家姐金句「我全部識做,吾做only  」 ,另一個金句 「你也可以吾做,我冇叫你做」,想打爆佢。



引用:
原帖由 不基含情的豬豬 於 2019-12-23 11:34 AM 發表

其實問題根本在你父母偏心
父母偏心一早知,有時家姐也是串我話「丫爸丫媽係錫我多D」 -__- 
我家姐化完妝,連化妝品也吾執,次次也是丫媽執返。
而且又成日自己不用鎖匙開門,次次咁門鐘,因為連搵鎖匙也懶。丫媽話佢,佢就話「我覺得返工回來,有屋企人開門比我是一件好幸福的事,所以一定要禁門鐘,是家的感覺」 真係死都比佢兜返生。🙄明明就懶,次次也要人去開門比佢。



引用:
原帖由 yvesjoder 於 2019-12-23 12:59 PM 發表

你家姐好醒目,是你的榜樣,你應該向佢學習,可能這一刻你聽不懂!
我也承認佢是好聰明,但真係太懶!!



引用:
原帖由 酒店冰凍的壽包 於 2019-12-23 02:54 PM 發表



我也承認佢是好聰明,但真係太懶!!
其實你唔洗擔心你家姐,佢自有方法同你姐夫相處。
另外,可能你未必知,其實你家姐好錫你,有遠見又肯為你諗,只係唔係溺愛,再加少少毒舌。



提示: 作者被禁止或刪除 內容自動屏蔽
[隱藏]
引用:
原帖由 酒店冰凍的壽包 於 2019-12-23 02:50 PM 發表



父母偏心一早知,有時家姐也是串我話「丫爸丫媽係錫我多D」 -__- 
我家姐化完妝,連化妝品也吾執,次次也是丫媽執返。
而且又成日自己不用鎖匙開門,次次咁門鐘,因為連搵鎖匙也懶。丫媽話佢,佢就話「我覺得返工回來,有屋企人開門比我是一件好幸福的事,所以一定要禁門鐘,是家的感覺」 真係死都比佢兜返生。🙄明明就懶,次次也要人去開門比佢。 ...
唔係懶,係太幸福



回覆 引用 TOP

引用:
原帖由 樹懶阿閃 於 2019-12-23 05:12 PM 發表



其實你唔洗擔心你家姐,佢自有方法同你姐夫相處。
另外,可能你未必知,其實你家姐好錫你,有遠見又肯為你諗,只係唔係溺愛,再加少少毒舌。 ...
佢仲有懶 ...
連丫媽都話家姐叻,完全無視佢的缺點
我家姐仲好得戚話: 父母當然錫要成日擔心那個,我咩也吾識做,佢地咪吾會叫我做,我咩都識做,咪次次也要我做。
老豆吾識弄手機 ( iPhone ) , 叫我家姐弄,我家姐「我也吾識,叫丫妹,我次次也叫佢」。大佬,佢用了十幾年iPhone , 邊會吾識,最慘是老豆信。我發脾氣,話家姐懶,扮吾識,比人罵那個又是我。我家姐仲好面不改容話自己真係吾識!

而且家姐收入高,過年,父母生日就成日包一封$5000/ $10000 比父母,哄到父母好開心,我父母就會比説話我聽,話家姐孝順過我,有佢地心。 平時我做咁多家務又吾見話我孝順。

所以我有時也會懷疑佢係咪專登。



好 sweet 呀, 甘毒舌,話唔係親生家姐都沒人信。


Frances
佢比起你係好叻, 平時唔出手, 一出手就係人人都知, 什至係生死關頭都係靠佢,
佢的決定好準, 所以你都係受益者, 不過有時係受氣


佢老公如果係弱勢就...



引用:
原帖由 franceskwan2003 於 2019-12-24 07:44 AM 發表

好 sweet 呀, 甘毒舌,話唔係親生家姐都沒人信。
Sweet 係邊-3-



回覆 引用 TOP

[隱藏]
引用:
原帖由 streethunter380 於 2019-12-24 09:23 AM 發表

佢比起你係好叻, 平時唔出手, 一出手就係人人都知, 什至係生死關頭都係靠佢,
佢的決定好準, 所以你都係受益者, 不過有時係受氣


佢老公如果係弱勢就... ...
係,我家姐平時懶懶閒,但好強勢,而且又毒舌,成日把口不讓人,記性又好,D陳年往事也可以記得,死也拗番生。都擔心佢呢樣。



提示:支持鍵盤翻頁左 右
[按此隱藏 Google 建議的相符內容]