• 瀏覽: 5,441
  • 回覆: 55
  • 追帖: 1
[隱藏]
人生去到40,對身邊好多人和事都好感概,純粹想在這裡抒發一下,不喜莫插:

友情:人與人之間的感情很奇怪,無論當年幾friend 幾糖黐豆,但隨着歲月和各人際遇遭遇不同,久而久之,在無聲無息下就會漸漸越行越遠。女性之間的友誼特別脆弱,眼見身邊一啲做了二三十年朋友,可能因為一句說話,一個誤會或者大家政見不同,就反目成仇。仲有而家所謂嘅朋友,出親嚟食飯都係講飲講食,炫耀自己去邊度食好嘢去旅行;表面好似好正能量,其實話題都係好膚淺,個個講到自己有幾勁,其實個個自私精,永遠飲飲食食就有佢份,有事就第一個走夾唔唞。

乜唔係細個讀書時所謂嘅:「友誼永固,情比金堅」嘅咩?!

家人:自己係獨生女,單親家庭長大,本身已經冇乜親人,母親和長輩近年相繼離逝,過去幾年,姨媽,姨丈,舅父,表哥相繼患上癌症。我們全家都係虔誠天主教徒,尤其士我舅父,出名孝順,由細到大身兼父職,照顧我和母親。前幾年退休,走遍國內山區,積極行善,出$出力興建學校;去柬埔寨推行女性教育,積極推行禁止販賣人口等活動。之前姨媽姨丈表哥生癌症,他也出錢出力幫助他們,但到最後終於輪到佢自己😔

如果論因果:乜唔係好心有好報,點解一個好人,辛苦大半生,以為退休終於可以享下清福,做自己想做嘅嘢,點解落得如此下場呢?

婚姻:因為自小家庭環境貧困,所以揀了一個比較有事業的丈夫,而家睇無線嗰出「多功能老婆」其實都好有感觸。我的丈夫就係尚劍雄,一個在事業略上有成就的人,但係性格冷漠,自私,自我中心,睇錢大過天,除咗搵錢之外,其他乜嘢都唔理。在佢眼中只有錢,同呢種人生活,其實好痛苦,表面上生活比以前富裕,但內心比細個窮嗰時候更加冇安全感,因為你知道身邊那個是一個很現實的人,只會對錢講感情,對身邊父母老婆仔女好冷漠,話就話搵好多錢,但樣樣同你算住,多一個崩都唔益你。第日將來自己老左,他隨時話走就走,不留情⋯⋯。
自己亦都曾經遇過好似浩田啲所謂暖男,但係暖男通常都係冇錢冇事業,做事不切實際,仲窮過你,雖然嗰一刻好warm, 但係人總要生活,幾浪漫都冇用,尤其是喺香港,每日一擘大眼就要洗錢,唔通真係成家餐餐同你嗌麵包, 餐搵餐食餐餐清咩?


事業:早幾年因為生小朋友,比老闆藉故解僱,心灰意冷,於是自己創業,終於知道乜嘢叫做「人性」;你有利用價值,就同你稱兄道弟,講義氣。一遇到問題,就大難臨頭各自飛,理得你死;正確啲咁講係:佢驚死你唔死,你唔死邊個幫佢背隻黑鑊?
個生意partner夾帶私逃走咗路,我宜家官私纏身,都唔知過唔過到呢關...

總之:「有錢有得傾,冇錢冇感情」


暫時分享到呢度,總之覺得人生好無常,人算不如天算,回想後生的時候對人和事都很有憧憬期待,但係日子耐左,發覺好多嘢都唔係自己可以控制到。就算你搵幾多錢,冇健康,最後難逃一死。就算你有幾多親人和朋友,到最後都會逐個逐個離你而去,最後只係剩返自己一個。所以,我越覺得做人唔好太執着,對好多事情而家都睇化左,老左反而更加珍惜身邊嘅親人和僅有的友誼,而家好少同人嗌交,嗌贏咗又點?個世界都唔會因為你嗌嗌贏咗而改變,相反,應該珍惜眼前人,人生再世有緣相識是緣份。今日唔知聽日事,依家唔去關心愛護你身邊值得你愛的人,到時可能想見想做都冇機會了。

[ 本帖最後由 韓風中心的美媚 於 2019-12-12 12:48 AM 編輯 ]



熱賣及精選
如果你信因果。就會明白因果唔止叫今生。系講幾世既累積。。友情要建立系經歷。先得可靠。無經歷或地位出現變化時無論幾多年朋友。都只系鏡花水月


回覆 引用 TOP

如果要經常行埋先屬於朋友、邊有咁多時間去維繫咁多人
若果朋友用來消磨時間,咁圍埋除咗講廢話之外仲有咩好講,有都講咗啦



回覆 引用 TOP

人生就是這樣,  很多事都不能自己控制, 唯有隨心而行! 


 



回覆 引用 TOP

[隱藏]
期待下世活得比今世開心


既情深何必嘆緣淺,既缘淺何必種情深!

回覆 引用 TOP

呢啲咪叫人生,別高估自己,總之一念之差就會改變所有


回覆 引用 TOP

引用:
原帖由 韓風中心的美媚 於 2019-12-12 12:33 AM 發表

人生去到40,對身邊好多人和事都好感概,純粹想在這裡抒發一下,不喜莫插:

友情:人與人之間的感情很奇怪,無論當年幾friend 幾糖黐豆,但隨着歲月和各人際遇遭遇不同,久而久之,在無聲無息下就會漸漸越行越遠。女性之間的友誼特別脆弱,眼見身邊一啲做了二三十年朋友,可能因為一句說話,一個誤會或者大家政見不同,就反目成仇。仲有而家所謂嘅朋友,出親嚟食飯都係講飲講食,炫耀自己去邊度食好嘢去旅行;表面好似 ...
1.好心不會期望有好報
2.現今社會, 現實往往由社會迫成.
朋友排第幾? 人有了權力金錢後,朋友地位或者只會排到最後.
3.伴侶,唔多唔少都會互相影響的.

做人還是靠己比較實際好了



回覆 引用 TOP

😘


回覆 引用 TOP

我跟你的遭遇很多方面都相似,可以大家傾吓計


[隱藏]
如果閣下相信命理的話,全因風水及命運問題。🉑️惜閣下信教冇計,good luck


回覆 引用 TOP

引用:
原帖由 韓風中心的美媚 於 2019-12-12 12:33 AM 發表

人生去到40,對身邊好多人和事都好感概,純粹想在這裡抒發一下,不喜莫插:

友情:人與人之間的感情很奇怪,無論當年幾friend 幾糖黐豆,但隨着歲月和各人際遇遭遇不同,久而久之,在無聲無息下就會漸漸越行越遠。女性之間的友誼特別脆弱,眼見身邊一啲做了二三十年朋友,可能因為一句說話,一個誤會或者大家政見不同,就反目成仇。仲有而家所謂嘅朋友,出親嚟食飯都係講飲講食,炫耀自己去邊度食好嘢去旅行;表面好似 ...
人生喜樂參半,總有不如意事情,所謂你睇我好、我睇你好,儘量珍惜現在擁有,因為你擁有正可能是別人渴求,多些正能量,人會活得開心些,希望可以開解到你。



回覆 引用 TOP

其實你留意一下啊樓主,香港依家好多人一個食飯㗎,無論午餐,晚餐......

我諗自從有左what’s app Facebook, 啲人影張相晒兩句已不願出來見面了!依家好多孤獨的人......

如果你信佛....... 放下........ 好難做到但係重點!



回覆 引用 TOP

我係樓主,不知為什麼之前的戶口登入不到,所以用另外一個戶口。多謝大家的支持,今天也發生了幾件大事,待我晚點再和大家分享,想不到在網絡世界上也找到一點溫暖,多謝你們好彩有你


回覆 引用 TOP

我的合作夥伴走佬了,每天都收幾封律師信,這幾天還有差館,海關和廉政公署打電話過來。今天在街上忍不住痛哭,望電話簿,找不到一個可傾訴的對象。家人已經有幾個患癌症了,不想再煩了他們,有些朋友在上班,有些忙着湊仔,有些不是太熟也不想說。曾經有諗過打電話去殺瑪利亞自殺會,後來打開手機看見兒子的video,心情突然開朗返,現在還要趕去醫院探望癌症的姨媽。


[隱藏]
女人40一枝花
但我信,你點待人,人點待你,,
或者生命中好多過客,但留係你生命既都係你最重要既

[ 本帖最後由 cclia716 於 2019-12-18 06:23 PM 編輯 ]



提示:支持鍵盤翻頁左 右
[按此隱藏 Google 建議的相符內容]