• 瀏覽: 2,639
  • 追帖: 1
[隱藏]
我細佬之前係快餐店識左個大陸女仔好快就一齊左,到依家一齊左約2個月,個女仔知我細佬本身有女朋友都唔介意,叫我細佬同我媽講有佢存在。

話咁快個女仔依家就有左(堅係有左)個女仔話係安全期,射左入去一次咁多,咁就中左,細佬之前同女朋友一直係咁反而都冇事,佢知我細佬本身都冇諗住咁快要bb,話要結婚,等bb出世後又可以同佢離婚,依句説話大家點睇,會唔會呃膳養費嗰d,細佬冇物業,有架10幾萬既車,搵3,4萬一個月。

大陸女仔背景:爸媽其中一方係香港人,有3個子女,3年前佢爸媽幫佢搞假結婚來港(有身份證,非永久)但佢爸媽點解唔直接申請佢來港,要假結婚?

我知道細佬唔啱,但個女仔背景又有d可疑,又話結婚後可以離婚,咁點解要結?驚佢俾人呃,大家俾俾意見,個女仔真心定另有目的?

我細佬問個大陸女仔點解要結婚再離婚,佢話係因為知我細佬唔想要b,所以結完之後離婚係放左佢,又話如果唔結佢老豆同佢斷絕關係。

依家重玩野,send 依d説話俾我細佬,大家係未見過屋企人既。
(你唔出嚟,你以為我爸唔會搵人去刮你?)
(你要搞大件事?)
(如果你都係咁嘅方向態度,你直接叫伯母伯父出嚟傾,長輩要點傾係佢哋溝通。交代,你屋企係要畀我屋企一個交代。冇可避免。我唔想有一日,我親人去起你底,成群人去搵你。)

日日有新招,今日話要公審件事。

[ 本帖最後由 dreamyan 於 2019-11-15 09:07 AM 編輯 ]



回覆 引用 TOP

[按此隱藏 Google 建議的相符內容]