• 瀏覽: 2,169
  • 回覆: 12
  • 追帖: 1
[隱藏]
決定做胃水球手册之前,自己都不停上网查资料,揾倒好多廣告,有香港嘅,也有台灣嘅,廣告内容都係差唔多,縮胃,摺胃,束胃,胃水球,胃繞道,各有各好處同壞處。自己本人倾向做胃水球,貪佢簡单快,唔洗开刀,最重要係在多種方法中,佢算係最平(但其实都唔平)。上网揾下有無啲人做完手术后,把經歷分享岀嚟,結果香港嘅一条都無。。。既然無,就等我來寫,希望幫倒有需要嘅人。

先自我介绍,本人男性,身高170CM,89KG,BMI 30.8,剛做完胃水球手术,2019年10月

第一日(手术當日):
過程:
我約了上午11点做手术,9点到醫院,前一晚12点开始禁飲食,無錯,禁飲和禁食,水都唔飲得。
上午早咗起身,隨便收拾咗啲野就岀門口了,因为係私家醫院,所以大部份私人野都唔洗帶,我只帶咗一套干净衫裤,毛巾,和拖鞋,都促夠了。
到醫院,安排上房,签咗好多份乜乜同意書(記唔清了),俾咗6000按金,岀院時会扣返。
10:45 準時推我到手术室,醫生,護士都準備好了(記憶中連醫生有6-7个人),說完一些叫我放鬆嘅說話,开始麻醉,我感觉凍凍地,之后眼前嘅畫面就停咗了。
12:30 俾護士叫醒,我已被推回病房,護士同我講話手术已经做完,叫我上返床,之后我又訓咗。

感受:
16:00 醫生查房,問我覺得点?我話無咩感觉,好精神,唔覺得自己已做完手术,仲問佢可唔可以早啲俾我岀院。醫生說這是因为麻醉未過,今晚再睇定啲先。我自問除咗肥啲之外,身体一向好好,覺得醫生太過擔心了,而且我之前上网揾资料,都話做胃水球對身体無咩大影响,基本上都話上午做,下午可以立刻返屋企休息,只有5%嘅人係例外。我深信我唔係5%里面嘅其中一个。
21:00 麻醉慢慢過了,我开始覺得胃痛、作嘔、胃抽筋,隨着時間流逝,情况越来越嚴重,過了午夜我开始嘔了。
手术當天的弟一个夜晚,是最最最難過的,基本上係訓唔倒,不停來回厠所同病床,醫生有开药,一粒胃药,一粒止痛,但都無咩用,流程是這样的:1~剛嘔完返病床 2~坐病床边覺得水球响下聚,胃就会痛 3~胃一痛,就想訓低,訓低10秒左右,胃就越痛越利害,胃开始抽筋 4~弹起身去厠所嘔。。。。。成晚就係1234123412341234無限咁loop住,真的悔不當初。
好不容易到天光,護士入房量血压,顺便問我覺得点,我如實咁話俾佢聴,佢話我咁样係正常返應,我返問佢唔係只有5%人先係咁咩?佢笑笑咁話:『我地見得最多,每个做完胃水球嘅,返應都同你一样,食咩嘔咩,飲咩又嘔咩,重來未見過無事嘅,反而見過有啲第一日就顶唔住,叫醫生立刻攞返个水球岀嚟,重見過有啲嘔到脫水晕咗,醫生逼於無耐,幫佢攞返个水球岀來,喧佈手术失败,你现在仲咁精神,算唔錯了』。。。我顶。。。廣告的水份太多了吧

第二日:
醫生叫我飲多啲水,否則会可能脫水,我話飲咗立刻又嘔返岀嚟,都仲要飲??醫生話『都要㗎啦』,我無耐之下,只好依照醫生咁講,在1234中的1同2之间加咗飲水,因为剛放完水球,每次唔飲得多,最多每次只能飲120ml,如是者,第二日就不停咁重复1飲水234,
1飲水234,1飲水234,1飲水234。。。直到晚上12点,情况开始好轉了,每次1234無咁频密了。

第三日:
醫生見我算有精神,行得走得,最重要可以自己飲水,就話可以俾我岀院,返屋企休息,岀院前幫我打咗支針,話可以止痛,幫我顶到返屋企。第三日开始,胃仲会痛,水球仲係会聚住,好多胃气,但就不会胃抽筋了,算是好很多了

第四日。。。第五日。。。第六日。。。情况一步一步好起来

第七日,完全適應身体内的胃水球,感觉唔倒佢存在,食量是以前嘅三分之一,体重:81KG, BMI:28

經驗小Tips:
1:手术后飲水,盡可能飲暖水(36度左右),因为凍水或常温水会剌激胃部,加劇胃抽筋。
2:手术后頭兩晚,可以同醫生倾下可唔可以打止痛针,因为頭兩晚是最難過的
3:不要存有今天手术,明天岀院的幻想,要安排好手頭工作,起碼术后第四日先可以返工
4:手术费视个人而定,看你住幾日醫院,打幾多支針,總预算大概55K
5:有買保险嘅朋友可事前跟自己保险經紀了解一下,可唔可以Cliam

多謝大家!!!祝大家身体健康,手术顺利!!



回覆 引用 TOP

熱賣及精選
謝謝樓主分享經歷!


回覆 引用 TOP

想問下做縮胃呢啲手術駛唔駛醫生推介?


提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
引用:
原帖由 Forgeturself 於 2019-11-25 11:32 PM 發表

想問下做縮胃呢啲手術駛唔駛醫生推介?
據我了解,如果你有興趣做這類手术,你可以上网揾下邊間醫院有得做,之后电话预约見醫生,過程就好似約个專科睇門診一样,唔洗特别話要邊个醫生介绍
見醫生過程中,佢会解释手术原理,手术風险,术前术后注意事项。。。計下你BMI,会見議你做咩手术,同價錢,如果你Ok,就約時間做手术,手术前可能会見議你先做胃镜检查下你个胃有無事

[ 本帖最後由 焦急野性的駱駝 於 2019-11-29 11:54 PM 編輯 ]



回覆 引用 TOP

費用大約幾錢?


引用:
原帖由 monpun 於 2019-12-5 07:55 PM 發表

費用大約幾錢?
我只做過胃水球,大概55000,住兩晚醫院



回覆 引用 TOP

[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
請問你係邊間做嘅?


回覆 引用 TOP

謝謝分享


回覆 引用 TOP

[按此隱藏 Google 建議的相符內容]