• 瀏覽: 3,534
  • 回覆: 6
[隱藏]
原本係一件好長篇嘅故事,但長話短說!

99一個人,年紀唔細。我老公係細仔,自然要同99一齊住照顧佢。我哋結咗婚2年幾!之前拍拖時,都聽唔少99d衰嘢!但我覺得一個老人家又可以有幾衰呢?

結婚嘅時候,因為唔想大搞,想慳返d錢,所以只係普通屋企人食飯就算啦!點知99好大方咁話俾$5000我哋擺幾圍請佢d親戚朋友。我即場O晒咀。話佢知,唔想大搞!佢就繼續話「俾夠$8000夠唔夠?」玩嘢咩?得個講字,最後$1都無見到囉。呢個都算!

最經典係,佢買左對龍鳳鈪同金鍊俾我哋,仲好大聲話買左幾多錢,俾埋單我睇。跟住,我老公有日問我回贈返些少99,因為99無咩錢。果下我嬲到爆,我同我老公講無錢就唔好買,無人迫佢買架!加上我自己父母都無做野,無收入,咁佢哋送金器俾我,我又要回贈嘅,咁不如我自己買完俾佢哋「頒獎」咪得囉!

到左近排,因為而家嘅環境,我哋諗左好多改善大家生活嘅方法。但大前提都離唔開「錢」,所以諗住同99傾下加按層樓套現買樓 / 裝修等。點知99好大反應話唔可以按樓,因為佢年紀大,要留返養老。我哋同佢解釋話銀行都會俾按足10成,加上係我嘅兩公婆做借款人。

其實我身份尷尬,唔方便講太多嘢!我已經盡量控制住自己,唔同99開拖,俾足面。但佢步步進逼,不斷話佢個仔以前對佢好好,而家咩都聽晒我講,搞到佢變左外人。又話我哋兩公婆賺錢,係應該負責屋企內所有開支。(但佢不只一次口口聲聲話當我哋係租客)講真,屋企所有開支,包括水電煤、差餉管理費、電器等,全部都係我老公一個人俾晒,仲未計每月家用。乜租客要負責咁多嘢架咩?

要分幾次講!



引用:
原帖由 thy00155 於 2019-10-28 08:22 AM 發表

好心靠自己,唔好攪人層樓
層樓係我老公負責供架!只係當時寫左99個名咋!



引用:
原帖由 streethunter380 於 2019-10-28 02:45 PM 發表

住埋一齊, 又冇乜鬆動錢, 是你們的困境
係架!



回覆 引用 TOP

引用:
原帖由 黯の然 於 2019-10-28 02:45 PM 發表



家家都有本難唸的經! 趁而家冇細路仔努力搵錢啦! 有錢乜都好過冇錢, 講嘢嘅權利都冇
認同有錢就可以有講野嘅權利~ 只係覺得點解無當我地係一家人啫!



[隱藏]
引用:
原帖由 li-ion 於 2019-10-28 04:37 PM 發表


你系新移民? 嫁中年港佬?
有咩關係?如果係新移民嫁中坑港佬就唔會有呢個問題啦!



回覆 引用 TOP

重點係我99係一個好自私嘅人,只會想盡辦法喺我哋身上面攞著數!佢搵佢個仔笨,無問題呀!因為佢生佢出嚟!但佢連我都唔放過,覺得我嫁左入嚟,就要養埋佢。

坦白講,如果我有多餘錢,我唔介意俾些少。佢試過,我老公阿嫂買左架車,佢就四圍唱衰阿嫂,話點解唔車佢。



回覆 引用 TOP

引用:
原帖由 狂甩毛 於 2019-10-29 01:42 PM 發表

咁想請問......樓主你有冇返工 ?
有冇分擔家庭開支 ?
有返工,有分擔老公及娘家家庭開支。



回覆 引用 TOP

[按此隱藏 Google 建議的相符內容]