打印

結婚買樓,奶奶同兩個家姐都想搬入黎?

結婚買樓,奶奶同兩個家姐都想搬入黎? E-mail 此主題給朋友

[隱藏]
首先講下我同老公既背境(好很長),我屋企算係中產,我中學畢業後係香港做左都好多年野,之後想繼續進修,然後就的起心一個人去左外國留學,係外國見翻細細個就識既佢,即係依家既老公。之後一齊左六年,意外有左,啱啱好大學就快讀完畢業嘅時候發現有左bb,所以當時行畢業禮係大緊肚嘅。 之後我同老公結婚買樓,BB依家已經出左世,一個半月大!點解細個已經識係因為媽咪同奶奶係舊朋友,一開始當我一同我老公一齊,媽咪已經同奶奶炒大獲,大家都好憎恨對方個種,因為媽咪覺得老公讀吾成書,家境吾好,加上奶奶後生既一d事,令媽咪吾接受甘既親家,媽咪覺得做朋友無所謂,做親家就死都吾得個種。。。而奶奶亦好似好憎我的,所以至今都未搞婚禮,雙方無傾過,無過大禮無婚禮。而老公都話過大禮同金器,九成機會,佢都係要自己比錢奶奶買,所以我就吾想佢浪費錢買。有左bb後,媽咪知道左係好嬲一直吾理我既,直到bb出世先原諒我,不過仍然吾接受我老公屋企人。而我同老公剛一齊佢時,係打工仔一名,但係佢好上進,為左吾好比我媽咪睇吾起,三年前自己做生意,儲到筆錢,所以先可以有左bb即刻買樓。而奶奶佢係一個人既,好耐以前已經離左婚同移民,加上奶奶賺錢吾多又中意享受同旅遊所以無儲錢,陪養成老公細細個已經賺錢交租養媽媽,所以理所當然婚後一定要同奶奶住,就算奶奶吾中意我都要。。。而老公有兩個家姐係香港好多年無見過無一齊生活過的。大家姐已經結左婚有兩個bb,一個三歲,一個一歲。二家姐亦甘橋亦都有左bb,依家就黎出世。。。然後佢地依家等左十年可以移民了。不過大家姐未可以搞到老公過黎(吾知要幾多年),而二家姐又未結婚,bb又就出世。所以,佢地一年前二地兩邊走(因為老公男朋友係香港),因為吾穩定加上無收入,所以出入食飯都係老公車同負責埋單(一個人比哂甘多人)。當初我其實吾接受同奶奶住,不過因為我都無比錢買樓,我又生左bb要自己湊(認真mode奶奶肯都吾想佢湊),我又一d原因未甘快搞到有身份,就算大學畢咗業都賺吾到錢。如果又要供樓又要幫奶奶交租既話,老公實在太大負擔,所以我只可以比老公盡孝心同奶奶一齊住。我願意比地庫既一層奶奶住(奶奶都同意),吾放租,不過吾想佢會上去我住個層,希望佢比到私人空間我。但係當我同老公買左屋(間屋老公一個人比錢的)準備bb出世時,兩個家姐都想同埋bbs一齊入黎新屋住。。。因為佢地準備坐移民監(好多年個種,最多翻香港見一見bb既爸爸就會翻黎),佢地亦要湊bbs,同加上無收入,依度請babysitter係好很貴的,所以要奶奶幫手。因為我連坐月都無人幫過我手,我媽咪知道哂所有事已經更加嬲加上我媽咪知道左後極力反對,怕我會比人蝦死,怕我結婚買個樓會變左入住人地娘家甘。完


我心裏面,其實好吾願意,我覺得好大壓力,一黎,我慣左同老公自己住(一直我都同老公同居)我自己又有個新生bb,原本打算兩年內追多一個bb,但係家姐們會有三個bb一齊黎吾知想住幾多年,間屋亦吾係好大。。所以真係生多個諗下都驚。如果甘多人一齊住,就要一定住埋我個一層,奶奶就吾會乖乖地留係自己個層。家姐們亦吾係幾好相處。如果我淨係比奶奶住,吾比家姐佢地入新屋住係咪好衰?大家點睇?
救命我已經因為甘好多日訓吾到,就算湊bb好攰都訓吾到。Help!!!



真係好難搞
最好就梗係你一家三口自己住返
咁一定天天太平



回覆 引用 TOP

如果可以我都想。不過次次同佢一堆屋企人食飯,連d親戚都成日都會講d類似。嘩,到時搬左新屋孫仔孫女個個係齊度,就開心啦!或者,家姐你地到時就好啦,有哂地方住,吾洗怕無照應。。。唉,好似我同老公吾比就係衰仔甘。好似佢地大家都有共識都知姐夫們未搞到移民,無人問起關於依方面既事甘。。。


回覆 引用 TOP

提示: 作者被禁止或刪除 內容自動屏蔽
[隱藏]
老老實實,認命啦,同奶奶、姑奶搞好關係算啦。
開心又係要住埋一齊、唔開心都係住埋一齊,咁不如大家開開心心咁過啦。例如你唔想佢地走去你個層,呢個諗法真係迫死你自己架咋,睇開啲算啦。


正如你自己講,買樓既錢係你老公出晒,佢想同自己阿媽、家姐住,你真係冇say,你地至少都有兩層走盞吓,都算係咁啦。



回覆 引用 TOP

提示: 作者被禁止或刪除 內容自動屏蔽
nothing to say
咁樣好容易引發家庭矛盾噶!無論之前有幾好


回覆 引用 TOP

提示: 作者被禁止或刪除 內容自動屏蔽
容易引發家庭矛盾噶


回覆 引用 TOP

[隱藏]
你老公唔企硬講乜都晒氣
做男人 連自己老婆仔女都保護唔到照顧唔到 要佢係屋企受氣


外人唔會幫到你 你自己同你老公講清楚。



回覆 引用 TOP

自己攞嚟,最睇通事實係自己阿媽,偏偏個囡唔聽話。如果命令到就即趁住大肚叫老公趕晒佢地走,一定要開局夠狠,長住落嚟老公唔會再出聲,成家吸血鬼喊都無謂。


回覆 引用 TOP

就叫佢地攤分供樓


回覆 引用 TOP

引用:
原帖由 pp1123 於 2019-10-17 04:34 PM 發表

老老實實,認命啦,同奶奶、姑奶搞好關係算啦。
開心又係要住埋一齊、唔開心都係住埋一齊,咁不如大家開開心心咁過啦。例如你唔想佢地走去你個層,呢個諗法真係迫死你自己架咋,睇開啲算啦。


正如你自己講,買樓既錢係你老公出晒,佢想同自己阿媽、家姐住,你真係冇say,你地至少都有兩層走盞吓,都算係咁啦。 ...
講得好岩呀,根本唔到你選擇,唯有接受



回覆 引用 TOP

引用:
原帖由 47dogdog 於 2019-11-1 12:35 PM 發表

你老公唔企硬講乜都晒氣
做男人 連自己老婆仔女都保護唔到照顧唔到 要佢係屋企受氣


外人唔會幫到你 你自己同你老公講清楚。
媽媽,家姐算唔算屋企人?真係每個人理解不同?



回覆 引用 TOP

[隱藏]
我樓下個家人本來好靜,得兩公婆住,跟住多左個老公細佬個家人住,即多左一家四口,兩隻成日嘈既雀,一隻經常吠既中型狗,狗吠時人又跟住吠,個女時有彈琴,心情差又喊又大聲話呢又話路又話要跳樓
咁就住左幾年,講真本來個兩公婆咁清靜,突然咁嘈,唔好話一家人熱鬧左……係人都想佢地搬走



回覆 引用 TOP

 28 12
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。