打印

結婚買樓,家姐奶奶們一家搬入黎? 香討焦點

結婚買樓,家姐奶奶們一家搬入黎? E-mail 此主題給朋友

[隱藏]
首先講下我同老公既背境(好很長),我屋企算係中產,我中學畢業後係香港做左都好多年野,之後想繼續進修,然後就的起心一個人去左外國留學,係外國見翻細細個就識既佢,即係依家既老公。之後一齊左六年,意外有左,啱啱好大學就快讀完畢業嘅時候發現有左bb,所以當時行畢業禮係大緊肚嘅。 之後我同老公結婚買樓,BB依家已經出左世,一個半月大!點解細個已經識係因為媽咪同奶奶係舊朋友,一開始當我一同我老公一齊,媽咪已經同奶奶炒大獲,大家都好憎恨對方個種,因為媽咪覺得老公讀吾成書,家境吾好,加上奶奶後生既一d事,令媽咪吾接受甘既親家,媽咪覺得做朋友無所謂,做親家就死都吾得個種。。。而奶奶亦好似好憎我的,所以至今都未搞婚禮,雙方無傾過,無過大禮無婚禮。而老公都話過大禮同金器,九成機會,佢都係要自己比錢奶奶買,所以我就吾想佢浪費錢買。有左bb後,媽咪知道左係好嬲一直吾理我既,直到bb出世先原諒我,不過仍然吾接受我老公屋企人。而我同老公剛一齊佢時,係打工仔一名,但係佢好上進,為左吾好比我媽咪睇吾起,三年前自己做生意,儲到筆錢,所以先可以有左bb即刻買樓。而奶奶佢係一個人既,好耐以前已經離左婚同移民,加上奶奶賺錢吾多又中意享受同旅遊所以無儲錢,陪養成老公細細個已經賺錢交租養媽媽,所以理所當然婚後一定要同奶奶住,就算奶奶吾中意我都要。。。而老公有兩個家姐係香港好多年無見過無一齊生活過的。大家姐已經結左婚有兩個bb,一個三歲,一個一歲。二家姐亦甘橋亦都有左bb,依家就黎出世。。。然後佢地依家等左十年可以移民了。不過大家姐未可以搞到老公過黎(吾知要幾多年),而二家姐又未結婚,bb又就出世。所以,佢地一年前二地兩邊走(因為老公男朋友係香港),因為吾穩定加上無收入,所以出入食飯都係老公車同負責埋單(一個人比哂甘多人)。當初我其實吾接受同奶奶住,不過因為我都無比錢買樓,我又生左bb要自己湊(認真mode奶奶肯都吾想佢湊),我又一d原因未甘快搞到有身份,就算大學畢咗業都賺吾到錢。如果又要供樓又要幫奶奶交租既話,老公實在太大負擔,所以我只可以比老公盡孝心同奶奶一齊住。我願意比地庫既一層奶奶住,吾放租,不過吾想佢會上去我住個層,希望佢比到私人空間我。但係當我同老公買左屋(間屋老公一個人比錢的)準備bb出世時,兩個家姐都想同埋bbs一齊入黎新屋住。。。因為佢地準備坐移民監(好多年個種,最多翻香港見一見bb既爸爸就會翻黎),佢地亦要湊bbs,同加上無收入,依度請babysitter係好很貴的,所以要奶奶幫手。因為我連坐月都無人幫過我手,我媽咪知道哂所有事已經更加嬲加上我媽咪知道左後極力反對,怕我會比人蝦死,怕我結婚買個樓會變左入住人地娘家甘。完


我心裏面,其實好吾願意,我覺得好大壓力,一黎,我慣左同老公自己住(一直我都同老公同居)我自己又有個新生bb,原本打算兩年內追多一個bb,但係家姐們會有三個bb一齊黎吾知想住幾多年,間屋亦吾係好大。。所以真係生多個諗下都驚。如果甘多人一齊住,就要一定住埋我個一層,奶奶就吾會乖乖地留係自己個層。家姐們亦吾係幾好相處。如果我淨係比奶奶住,吾比家姐佢地入新屋住係咪好衰?大家點睇?
救命我已經因為甘好多日訓吾到,就算湊bb好攰都訓吾到。Help!!! 



熱賣及精選
你老公d 屋企真係自私。一齊住有排你受


你可能有產後抑鬱
同你老公講
唔好接收家姐,奶奶就應該要硬食啦
你話已經好大壓力
再落去頂唔住



引用:
原帖由 sillysillysily 於 2019-10-12 11:02 PM 發表

你老公d 屋企真係自私。一齊住有排你受
佢媽咪除左成日講說話我聽,仲要我bb百日宴同二家姐個bb一齊擺。。話我bb一百日家姐bb就岩岩好一個月,但係我地既朋友都吾識佢家姐,我係度諗甘樣咪要硬要朋友比double,兩封利事甘? 我都吾識分甘係重親情,定係自私。



[隱藏]
引用:
原帖由 惰性廢料 於 2019-10-13 02:39 AM 發表

你可能有產後抑鬱
同你老公講
唔好接收家姐,奶奶就應該要硬食啦
你話已經好大壓力
再落去頂唔住
唉,我都懷疑我有,諗起會想喊,又係甘懷疑係咪我先係有問題,係咪自己小心眼。
我老公媽咪又同曬親戚朋友講話佢地會"一家人"搬入黎,好似吾比佢地平分間屋就有罪甘,已經無辦法改變甘。我真係吾知點好。



引用:
原帖由 MsArias 於 2019-10-13 03:49 PM 發表



佢媽咪除左成日講說話我聽,仲要我bb百日宴同二家姐個bb一齊擺。。話我bb一百日家姐bb就岩岩好一個月,但係我地既朋友都吾識佢家姐,我係度諗甘樣咪要硬要朋友比double,兩封利事甘? 我都吾識分甘係重親情,定係自私。 ...
吾係你自私,係你老公一家太自私



回覆 引用 TOP

引用:
原帖由 MsArias 於 2019-10-13 03:53 PM 發表



唉,我都懷疑我有,諗起會想喊,又係甘懷疑係咪我先係有問題,係咪自己小心眼。
我老公媽咪又同曬親戚朋友講話佢地會"一家人"搬入黎,好似吾比佢地平分間屋就有罪甘,已經無辦法改變甘。我真係吾知點好。 ...
一定要企硬,否則後患無窮



問題係樓主又可以點企硬呢…


其實講到尾都係睇樓主老公, 佢唔企你果邊你真係冇野可以做......


[隱藏]
引用:
原帖由 angie_k 於 2019-10-14 02:12 AM 發表

其實講到尾都係睇樓主老公, 佢唔企你果邊你真係冇野可以做......
我老公係超大男人,又要面。佢地一家都係好中意幫親戚個d...今日又同老公傾,佢只係講,相處吾到先叫佢地搬,叫我吾好諗太多。下一年大家姐大仔要報幼稚園。。我地間屋係個島。叫佢搬我估到時又會話,仔仔吾方便轉校。奶奶又一定反對。。。死局甘。有無咩招數可以化解呢:'(



引用:
原帖由 sillysillysily 於 2019-10-13 10:21 PM 發表


一定要企硬,否則後患無窮
我講過好多次我接受吾到嫁!不過d親戚亞媽既群眾壓力,個個都一見就講,幾時搬新屋亞,間間房比家姐亞。老公自己好似諗得好簡單,佢又吾好意思拒絕。我都吾知可以點企硬,佢又落到台。。。



引用:
原帖由 喵喵星人 於 2019-10-14 01:53 AM 發表

問題係樓主又可以點企硬呢…
無錯亞,佢一家人吾知點營造到嗰種感覺我哋唔幫家姐就係衰仔衰女。。不過我都有男性朋友誇張到叫我比間屋佢地住幾年,話家姐點都要幫,佢地穩定會走。。。。太誇了



引用:
原帖由 MsArias 於 2019-10-14 05:38 AM 發表



我老公係超大男人,又要面。佢地一家都係好中意幫親戚個d...今日又同老公傾,佢只係講,相處吾到先叫佢地搬,叫我吾好諗太多。下一年大家姐大仔要報幼稚園。。我地間屋係個島。叫佢搬我估到時又會話,仔仔吾方便轉校。奶奶又一定反對。。。死局甘。有無咩招數可以化解呢:'( ...
得罪問句,層樓係邊個比錢買?現實問題

如果層樓係樓主比大份,你老公細份,話事權在你手!勇敢講出嚟!「層樓係我,唔好意思,我只想同老公bb一齊住,其他相處唔到!請離開!」完!

如果係相反,老實樓主要忍!忍到小學,功課堅多壓力勁大推晒比你99,要你99都頂唔順,佢就會走!但樓主要好冷血!因為要睇住亞b好慘都唔可以出手...

老人家,有新樓住有會所有工人有得享受邊有人會走?因為係享受係玩孫,重細嘛
但留得底要無工人要湊孫要幫手揹十二磅重大書包(小學),係人都走😂😂😂

無情都係咁話!因為佢只係你99,唔係你亞媽,你亞媽再睇小你,都係生你育你嘅人,但你99係從來無生過你、養過你、或者你病時都無照顧過你!所以真係有分別..咁囉🙄



你買一層同老公自己住,老公嗰層月供兩個家姐負擔,幾時搬走再到你哋接手


回覆 引用 TOP

[隱藏]
引用:
原帖由 MsArias 於 2019-10-14 05:45 發表



無錯亞,佢一家人吾知點營造到嗰種感覺我哋唔幫家姐就係衰仔衰女。。不過我都有男性朋友誇張到叫我比間屋佢地住幾年,話家姐點都要幫,佢地穩定會走。。。。太誇了 ...
我百份之二百肯定佢地入到黎住一定唔會走
難得有免費屋住,點會走呀

到時好似你咁講佢地更加大把藉口唔走

一係話同99果邊割蓆,你話只想一家3口一齊生活
睇下你老公點



無非想放下妳
還是掛念妳
誰又會及我傷悲

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。