打印

分遺產俾私生子女?

分遺產俾私生子女? E-mail 此主題給朋友

[隱藏]
育有一個5歲女兒, 因婆媳問題經常有拗撬, 最後協議和平離婚, 撫養權歸女方. 男方M一直負責女兒生活費, 但沒有跟法庭頒令給予贍養費, 女方F亦沒有追討.後來男方母親 (即前奶奶)過身, 矛盾消除, 兩人復合但沒有復婚, 惟一直對外宣稱二人是夫婦關係.

現M因工作去了外國生活, 寂寞難耐結識了女朋友G, F亦沒辦法. M承諾為補償F, 一定不會和G生兒育女, 將來所有遺產留給M&F 的女兒.

M父母雙亡, 有六位妹妹在世. 根據香港法例, M的遺產應會全數歸婚生女兒. 但若他的妹妹想爭, 有可能嗎?

萬一M不守承諾, 跟G生孩子(即私生子女). 於沒有遺囑的情況下, 他曾承諾遺產只留給F的女兒, 這點是否可推翻?

[ 本帖最後由 kalala1224 於 2019-10-4 01:07 AM 編輯 ]



人都未死!而家生前分好晒就得啦


如覺得有道理!幫忙按一下笑面公仔,謝謝
引用:
原帖由 bbq323 於 4-10-2019 02:30 發表

人都未死!而家生前分好晒就得啦
如果M肯立遺囑, F就唔使煩啦. 奈何M認為自己未有咁快死, 唔肯立. 但意外既野話唔埋嘛.



回覆 引用 TOP

有無人試過, 已故伴侶有私生子女?


回覆 引用 TOP

[隱藏]
就算立左遺囑,只要証實到係血緣既子女,好似都有權追討遺產。


愛國就應該對國家施政坦言直鍊,鞭策政府向前。苛愚奉承只會令國家墮落滅亡。
貪污、獨裁、濫權是歷代中國國亡之禍根。要斬盡殺絕國家才會豐盛富強。

回覆 引用 TOP

引用:
原帖由 kalala1224 於 2019-10-4 01:04 AM 發表

育有一個5歲女兒, 因婆媳問題經常有拗撬, 最後協議和平離婚, 撫養權歸女方. 男方M一直負責女兒生活費, 但沒有跟法庭頒令給予贍養費, 女方F亦沒有追討.後來男方母親 (即前奶奶)過身, 矛盾消除, 兩人復合但沒有復婚, 惟一直對外宣稱二人是夫婦關係.

現M因工作去了外國生活, 寂寞難耐結識了女朋友G, F亦沒辦法. M承諾為補償F, 一定不會和G生兒育女, 將來所有遺產留給M&F 的女兒. ...
唔係專業人士,只按常理咁答,唔排除有其他可能性,M同G依家唔結婚,將來有日可能會結婚,咁MG的仔女就唔係私生啦.
任何人都可以向法庭申索野(或者告你),只係最後告唔告得入咁解,即係MG第日私生仔女都可以追你遺產,同樣MF仔女都可以追你,成唔成功要睇當時各樣證供.
立遺囑一定係理想D,但到時唔排除一定有人都會推翻份遺囑.
有錯請指正!



事,不能做得太絕,否則,難以進退!

回覆 引用 TOP

香港法律 婚生同非婚生子女有同樣繼承權 


係無立遺囑之下 你個女分會同其他非婚生子女分到一樣嘅遺產


而喺有子女嘅情況下 兄弟無遺產繼承權


你唔好諗咁多 如果佢真係愛嗰個女人 無理由一啲野都唔留比佢同佢啲仔女


就算遺產唔留 在生時都會過比佢



回覆 引用 TOP

立好遺囑,分俾隻豬都可以。


回覆 引用 TOP

提示: 作者被禁止或刪除 內容自動屏蔽
[隱藏]
你唔擔心佢唔守承諾娶咗G? 咁到時你爭都冇得爭


回覆 引用 TOP

以下只是個人分享並不構成任何意見.

"有六位妹妹在世. 根據香港法例, M的遺產應會全數歸婚生女兒. 但若他的妹妹想爭, 有可能嗎?"

1. 在無遺囑下, 六位妹妹沒有得爭.
2. 在有遺囑下而女兒無份, 基於血緣及男方M有負責女兒生活費, 可入稟法庭追索.

"萬一M不守承諾, 跟G生孩子(即私生子女). 於沒有遺囑的情況下, 他曾承諾遺產只留給F的女兒, 這點是否可推翻?"

M作出相關承諾時因不乎合作口頭遺囑的條件(M並非處於危急), 他的承諾並不可看為遺囑.

他的承諾雖然可構成合約, 可是當他一死合約即時無效.
假設M跟G生孩子(無論是婚生或非婚生)及有遺囑下(女兒無份), 基於血緣及M有負責女兒生活費, 女兒仍可入稟法庭追索, 但需要在外地法庭追索, 外國法律跟香港未必一樣, 所以存在風險.

如果M願意設立遺囑保障女兒, 也要留意當M再婚時, 所立的遺囑就會失效.

M可以通過人壽保險保障女兒, 將女兒設定為不可撤銷受益人, 這方法較安全及有效.



回覆 引用 TOP

男人講既野, 唔好信到足~
你一係同佢復婚, 咁先係最大既保障~
TOUCHWOOD佢依家有咩冬瓜豆腐, 佢留低既應該係屬於你個女, 但若然佢再同人生左小朋友, 咁果位小朋友有權同你個女平分~
至於樓上網友仔講依家立定遺囑, 我只想講佢依家立左份, 將來都可以瞞住你立過份新, 所以你唔好以為立左遺囑你就有晒保障, 因為只要佢未死, 份遺囑都有可能會改~
當然, 遺囑任佢改, 可能隨時變成留晒俾佢六個妹, 亦可以改成為一個仙都唔俾你個女~
一紙婚書先係你最大既保障~



提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]
一千幾百立份遺囑就可以解決既事都唔去做,呢個M口講口賠既嘢根本信唔過。


[ [ [ Work Hard, Play Hard ] ] ]

回覆 引用 TOP

 18 12
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。