[按此打開]
[隱藏]
一年前，我因為花費大而欠下卡數六萬。當時又識到個男朋友中意出入高消費場所。我主張拍拖不要男仔比哂錢，所以一直死頂。後來終於頂唔順，分左手。而呢一年我搞左恆生免息分期，來緊十一月就還哂啲卡數啦。呢一年來都有儲落錢（月入二萬五）。所以都叫搞掂了。
係同高消費男友分左手後，幾個月後我同左另一個男仔一齊，佢係教書既，識左第二個星期佢已經帶我見哂佢啲朋友，見埋佢同事，佢成日都比我啲相比佢啲朋友睇，讚我好靚ETc。佢問左我一次可唔可以做佢女朋友，但因為係佢朋友面前我有啲唔好意思，所以無答。
過左一星期後，我覺得佢花唔夠多時期陪我，所以我就發左少少脾氣。跟住佢無覆我MSG，去到凌晨三點，佢先打左一大篇MSG覆我話，佢覺得佢自己未READY IN A RELATIONSHIP。佢係好中意我，但佢上個月先同Ex分手，佢話佢已經OVER左佢個EX，只係現時佢事業真係好忙，如果同我拍拖，佢覺得我會因為咁好唔開心。我真係挖哂頭，明明係佢問我可唔可以做佢女朋友。佢又話我以爲愛情好似電影咁會好浪漫，其實係好不切實際。跟住佢都有WHATSAPP我關心我，但已經兩星期無見面。
正當我唔開心緊既時候，我個高清費EX突然約我飲咖啡，我地分左手半年後再見面，好似咩都無變咁傾計。但佢有透露”he is seeing someone else now”。咁我以為見完一次就算啦，點知佢話等緊我COCKTAIL TASTING INVITATION（我學緊調酒），我話可以啊，佢話要等到十月尾先，可以上佢屋企調因為佢有哂啲SPIRIT。佢仲講左句，呢半年我成日唸點解係條街到都撞唔到你（我地都係中環返工）。其實佢係咪想復合？但佢又DATE緊第二個，同堆點解要等到十月尾？
