• 瀏覽: 5,372
  • 回覆: 20
[隱藏]
喺度我唔係講話過年過節嗰時俾啲親戚問長問短所以憎佢地嗰種

而係真真正正咁憎佢地憎到想佢地死

我父系親屬嗰邊以前都叫有啲錢,但係由於我阿嫲係一個好偏心的女人,佢只鍾意大仔同二仔,乜都分俾佢兩個,三仔同四仔(即係我阿爸)乜都無

其實咁都無所謂,我阿爸好叻,自己好早出左黎搵食,自己養自己

但我阿爸有個缺點,衰心軟,每次屋企有事要夾錢嗰時,嗰啲所謂兄弟都會搵佢返去,細佬細佬咁叫,然後問佢攞錢

好啦,慢慢大家都大左,有自己家庭,阿爺阿嫲一路都同大佬住,點知老左病啦,大佬一家嫌照顧佢麻煩,呢個時候阿嫲先諗起自己有個細仔,死求我阿爸阿媽返去同佢住

嗰時我阿媽已經大緊肚,成個家族公審迫我阿爸阿媽返去,最終都係焗住返左去住

點知住左幾個月,大佬一家生意失敗無曬錢,又話要返去同阿爺阿嫲住啦,於是呢個時候又要趕我阿爸阿媽走

頻頻撲撲之下我阿媽就小產,當時個肚已經講緊有成五六個月,身體好差,直至休養左五年之後先再有我

後黎大家慢慢疏遠,我地呢家人無財無勢當然無人理

細細個嗰時乜都唔識,阿爸阿媽過年過節帶我返去嗰時淨係覺得無乜人理我地

因為細個怕醜,過到去唔出聲成日俾啲伯父笑我自閉仔

直至有一日,因為我阿爸同我姑丈做埋同一間公司,突然我姑丈俾公司炒左

忽然間我阿爸成左罪人,喺一次家族聚會嗰時,我同我阿爸坐喺長枱主席位,成個家族大大聲咁鬧我阿爸,怪佢點解唔幫姑丈保住份工

我阿爸好尊重佢家姐,一聲唔出咁由佢地鬧

嗰次係我第一次覺得我阿爸好可憐,由細到大我阿爸喺屋企係嚴父,佢一發火我就驚

但嗰刻我見到我最怕的爸爸竟然俾成堆人咁樣鬧,我真係好憎好憎嗰堆人,直至廿幾年後我都仲記得嗰個畫面

之後我地一家就同佢地斷絕來往,就算過年過節都唔會再見面,嗰十年,大概係我小學到高中左右,係我最開心的時光

後來我阿嫲死左,當然嗰堆人又搵返我地,因為要夾錢做白事

過左咁耐,大家都好似無嘢咁,我阿爸好開心,因為佢覺得見返啲兄弟姐妹一家團聚咁,但講真我每次見到佢地都好討厭

相安無事過左幾年,我爸爸突然過身,嗰刻我好難過,又要照顧阿媽,又要撐住頭家,同時又要搞阿爸啲身後事,我真係真係好辛苦

但嗰堆人又出現,對我處理白事的手法指東指西,嗰刻我真係好想爆佢粗,但我阿媽話如果係咁我阿爸會好唔開心所以一路忍住

好啦,白事完左,一堆人又上黎探我地,於是扮幫我地手收拾老豆遺物,但實程就係想睇下有咩值錢然後話想留個紀念想搶嘢,最後係我一句「我自己老豆啲嘢我會自己搞掂」先肯走

結果去到搞遺產承辦嗰時,因為要申報阿爸有啲乜,我地發現三伯父住緊嗰間屋原來當年係一人一半,咁多年黎我阿爸都無收過租,主動讓俾佢阿哥一家住

於是我打去問三伯娘,其實我只係想問嗰間屋個地址,嗰時我邊有心情同你搶返啲乜呀,但三伯娘一聽就話我想搶返間屋,仲話我老豆屍骨未寒我就想分身家

越講越難聽,我直情收線,佢就開始喺成個家族唱我話我要分身家搶佢間屋,從此我就成為家族中的不肖子,佢老公仲打黎話我唔啱應該要同佢老婆道歉

我當然無理佢地,自己憑記憶去搵返間屋,再去查返個地址出黎報遺產承辦

呢幾年黎我都再無理佢地,我唔係好叻,但叫做養到自己養到阿媽

過左幾年,佢地突然搵返阿爺阿嫲有啲地留低,但啲地契就俾第二個仔收埋左,咁多年黎仲一路收租收到可以送個仔去英國讀書(佢個仔同我同年,會考唔合格,智力有問題)

於是乎呢個時候又搵返我,原來其中有啲地有問題,俾人逆權侵佔,要打官司,要出黎,想叫我夾埋一份

我當然唔會理佢地,租你識收,咁打官司點解你自己唔出錢

結果佢地不停騷擾我,係咁打電話黎,於是乎我block曬佢地啲電話,佢地就打俾我阿媽,於是我又block埋

咁多年,我已經唔想再理佢地,但佢地仍然三不五時咁騷擾我地

我好想佢地死,最好全部一齊死,如果有三個願望,其中一個一定係佢地死鬼曬

我無諗過要分啲咩遺產,一來係因為其實所有文件喺曬二伯父度,佢唔攞出黎根本無嘢可以分,搞左幾廿年都其他兄弟一蚊都分唔到,淨係不斷俾律師費,而嗰個律師根本係二伯娘啲親戚

二來我唔想再同佢地有瓜葛,我宜家只係想努力過自己的生活,唔想同佢地有任何接觸

其實佢地賤格的事仲有好多

我讀大學的時候,唔想再攞屋企錢,於是去左某大連鎖店做Part time,結果俾其中一個伯父見到,係咁唱我地唔掂,所以唔讀書要出黎做嘢

我老豆過身的時候,佢地俾白金,每家人俾一百蚊,我媽媽嗰邊啲親戚每家都俾成千蚊,連我上司都俾五百,我唔係介意數目,但我想講,如果我有兄弟,佢有事我俾唔出一百蚊呢個數目

到宜家我老豆已經走左五年,佢地連佢葬左喺邊都唔知,從來無去拜過佢,每次打黎淨係講錢,因為我唔簽名佢地有好多嘢做唔到,申請唔到津貼公屋之類

但我想講,呢一切都只係報應,佢地能夠比我老豆長命已經好唔公平

我曾經憎佢地憎到連自己個姓都憎埋,甚至叫我啲fd叫我另一個姓

我好希望我餘生唔駛再見到佢地,直至有一日睇新聞見到某地方發生意外佢地全部死曬



回覆 引用 TOP

放下仇恨喇 不要來往就已經足夠


回覆 引用 TOP

減少見面。


回覆 引用 TOP

提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
我拿時光喂了狗,狗還咬了我一啖
其實罪魁禍首都係父母(即呀嫲嗰代)。如果佢唔係偏心,根本兄弟姐妹就唔會明爭暗鬥。樓主呀爸唯一重親情。但重親情就搞到自己嘅家庭都辛苦。


回覆 引用 TOP

[隱藏]
家家有本難念的經,如果要憎,我都有個我可以好憎佢嘅老豆,不過我媽咪唔比我地憎佢,不斷要我地淡化佢嘅衰(但佢係一路都咁衰),無論如何只可以講冇辦法因為自己老豆。但你好d,你果d 所謂親戚唔見就算啦,一百白金都做得出比自己大佬嘅屋企人真係唔怕核突喎,憎佢地都浪費咗你精力,唔諗佢地好過,再揾你直情唔聽佢地電話


回覆 引用 TOP

提示: 作者被禁止或刪除 內容自動屏蔽
你親戚又真是好PK喎。
想知道後來你有冇向三伯攞返你老豆嗰半間樓



回覆 引用 TOP

甘橋既,我都有親戚臭事一羅羅。
我媽個邊又係勁多兄弟姊妹,我媽係最細既女,我d大舅父一個比一個仆街,keep住哂婆婆全部錢吾比亞婆洗又有。成日曬命去一家旅行祖墓吾夾錢又有,以為自己好爸閉翻大陸做左官!我甘大見過一次甘多一直失蹤個個算最好,大姨媽周圍唱我一家窮又有,細舅父當年結婚,個個一齊逼我媽比錢借錢比大佬又有,依個舅父最正亞!我媽生我同家姐兩個女,買左兩層樓,佢話佢個仔係姓x,我媽係外姓,有屋就應該送比佢個仔結婚用!話我讀書吾叻吾應該供我去留學,應該供佢個女!我地去日本旅行佢地大膽到係我facebook留言作野話我地有錢做漢奸,無錢比屋企人!哈哈,有報應嫁!我最賤既舅父做嘢整跛咗隻腳然後佢老婆40歲就有老人癡呆症啦!!可惜我媽好心地,仲走去比錢佢用。。。唉,上一輩d人,一言難盡。



回覆 引用 TOP

放下仇恨喇


回覆 引用 TOP

[隱藏]
退一步海闊天空


回覆 引用 TOP

提示:支持鍵盤翻頁左 右
[按此隱藏 Google 建議的相符內容]