• 瀏覽: 6,820
  • 回覆: 22
[隱藏]
我同太太幾年前開始生育計劃,本身一星期行埋一次,但試咗一兩年都唔成功,就去咗揾一位L婦科醫生,但睇咗幾次都作用不大,之後經過某討論區嘅女士們講述,我地去咗揾一位T婦科醫生,經過檢查,佢話我太太唔易懷孕,而我嘅丁丁喺三項入面有兩樣唔合格,但都可以試吓IUI,好幸運,一次成功,仲要係孖胎。

本身諗住俾心機做產前檢查,應該可以得到幸運之神眷顧,但去到接近16週時,一次產前檢查時發現異常,醫生call白車送我太太入院,醫院表示佢已進入小產程序,即使卧床都難以解救,醫生建議我地落藥處理,但BB好叻,佢地無要我同太太做艱難嘅決定,BB喺入院後兩天自己流出嚟。呢一次嘅離別,對我地嚟講係心如刀割😭



回覆 引用 TOP

經過咗半年時間休養,我同太太繼續努力養好身體,跟住一次嘅IUI唔成功,再次努力,之後嘅IUI成功了。由於上次醫生話太太宮頸縮得好快,所以呢次我地每次產前檢查都問清楚宮頸有無縮,但好好彩,每次都理想。因為之前孖胎嘅失敗,所以今次單一胎都無掉以輕心,基本上叫做全天候照顧太太,但到某一日佢去廁所時,發現摸到胎囊,要即時call白車,我個心已經跌出嚟

今次醫院話可以嘗試卧床挽救,但兩日之後,呢一個BB同一命運,我今次無爆喊,但望住BB嘅軀體,我個心有說不出嘅痛,但我不能表現出嚟,因為我不能令太太痛上加痛



回覆 引用 TOP

我有懷疑係咪間屋嘅問題,分別有揾朋友傾訴同揾風水師傅去我屋企了解,之後就有幾樣嘢要處理:

1.改動傢私嘅擺位,包括換過一張高身床,同埋加一啲風水擺設
2.我地一直忽略咗為太太調理身體,食中藥,另外包括暖宮
3.太太食一啲來自台灣嘅營養品



好神奇地,經過咗兩個月嘅調理及整頓,竟然可以自然成功,由於呢次唔係由不育科醫生協助下成事,所以其實都幾始料不及,而且心理上都未ready,但既然係天賜嘅禮物,我當然都好滿心歡喜,仲揾咗一個上過TVB嘅Y婦科醫生跟進,仲考慮早啲紮咗宮頸

但好奇怪,經過懷孕六週都仲未見到胎芽,醫生話計算懷孕週期同實際懷孕期可能會誤差,叫我地無需過份憂慮,但再過幾週檢查,情況依舊,醫生擔心係空心胎,所以寫紙俾我地入醫院檢查,結果一樣😭



回覆 引用 TOP

[隱藏]
6週以上仲未見到胎囊,好大機會係空心胎或化學懷孕~

你同太太二人首要睇中醫調理好個身體先。

流產后太太最少要休息半年,及後要待正常月經(時間及日數必需要準確)達到2-3次後先再度行房!唔好太心急,慣性流產對太太身體唔好~

你們有冇一齊做運動?介凍飲食刺身?
並每日堅持跑步及曬太陽20分鐘?
仲有每晚10:00前上床瞓?
對懷孕有好大幫助,唔好太傷心,丈夫嘅支持與體諒好重要,調理好身體先,BB會好快有!

[ 本帖最後由 tungchungfans 於 2019-9-15 06:16 AM 編輯 ]



回覆 引用 TOP

多謝你

我分別向私家婦科Y醫生及醫院醫生溝通過,佢地不約而同表示其實小產後並無話幾耐先可以懷孕,所以呢次空心胎只能夠話唔好彩。另外佢地都話曾經有成功誕下BB嘅女士,之後都有出現空心胎嘅情況,所以同我地嘅基因無關係

運動我比較多,佢就懶啲,但佢完全戒到凍飲而我就偶爾凍飲,我相信佢今次能成功自然懷孕唔多唔少因爲戒凍嘅飲食

至於晚上早瞓就難啲,基本上我夜晚跑完步都10點,沖完涼都接近11點,所以早瞓都好困難

[ 本帖最後由 R爆頭 於 2019-9-15 12:18 PM 編輯 ]



回覆 引用 TOP

養好身子緊要,可以同太太講黎完經期後七日要進補,吸收能力是平常的雙倍,經期完煲D花膠食下,對子宮內膜好好,好的子宮先可以孕育好的種子,有無做過詳細的身體檢查?例如血液or身體抗體方面,我曾經睇過大陸D生育post,話有D女士身體會帶有唔知學名叫咩的抗體,一有胚胎係體內果種抗體就會攻擊胚胎,令胚胎不能扎根存活,跟住大陸醫生就會俾藥對付這種抗體,之後就成功懷孕,成功的案例都幾多,我只係講出聽聞,唔係建議你去大陸睇醫生,或者下次睇香港醫生可以提下會唔會係這方面的問題,運動都好緊要,新陳代謝快都易成孕,唔好放棄,加油啊!一定會成功嘅,good luck!


引用:
原帖由 R爆頭 於 2019-9-14 12:25 PM 發表

我有懷疑係咪間屋嘅問題,分別有揾朋友傾訴同揾風水師傅去我屋企了解,之後就有幾樣嘢要處理:

1.改動傢私嘅擺位,包括換過一張高身床,同埋加一啲風水擺設
2.我地一直忽略咗為太太調理身體,食中藥,另外包括暖宮
3.太太食一啲來自台灣嘅營養品 ...
係咪好有錢?!
不如去外國住半年。香港生活模式未必啱你地造人。
太多失敗,令你地易抑鬱,對任何人都唔好。到真係有BB,擔心壓力仲大。



引用:
原帖由 工廠男 於 2019-9-16 12:53 AM 發表



係咪好有錢?!
不如去外國住半年。香港生活模式未必啱你地造人。
太多失敗,令你地易抑鬱,對任何人都唔好。到真係有BB,擔心壓力仲大。
其實係得就得,唔得就睇醫生,我老婆同學住溫哥華,2人年紀2x, 16年結婚試到18年都冇,去check 男子彈冇事,女既排蛋有問題。中左3次都冇左,每次都12週樓下。
18年年中開始女仔直頭唔做野,安心理好身體。食醫生開排蛋藥,睇準排蛋期,都冇料到。



[隱藏]
引用:
原帖由 carfishman 於 2019-9-16 01:06 AM 發表



其實係得就得,唔得就睇醫生,我老婆同學住溫哥華,2人年紀2x, 16年結婚試到18年都冇,去check 男子彈冇事,女既排蛋有問題。中左3次都冇左,每次都12週樓下。
18年年中開始女仔直頭唔做野,安心理好身體。食醫生開排蛋藥,睇準排蛋期,都冇料到。 ...
溫哥華都凍,泰國可能啱你地。
我係外人,見你地經歷都心煩。知你地壓力都好大。當去旅行,半年或九個月,應該有驚喜,祝好運。



回覆 引用 TOP

引用:
原帖由 carfishman 於 2019-9-16 01:06 AM 發表



其實係得就得,唔得就睇醫生,我老婆同學住溫哥華,2人年紀2x, 16年結婚試到18年都冇,去check 男子彈冇事,女既排蛋有問題。中左3次都冇左,每次都12週樓下。
18年年中開始女仔直頭唔做野,安心理好身體。食醫生開排蛋藥,睇準排蛋期,都冇料到。 ...
冇包生仔,不過應該生到女。
唔得再返黎鬧我未遲。我等你。



回覆 引用 TOP

引用:
原帖由 梨喎淺笑 於 2019-9-15 23:22 發表

養好身子緊要,可以同太太講黎完經期後七日要進補,吸收能力是平常的雙倍,經期完煲D花膠食下,對子宮內膜好好,好的子宮先可以孕育好的種子,有無做過詳細的身體檢查?例如血液or身體抗體方面,我曾經睇過大陸D生育post,話有D女士身體會帶有唔知學名叫咩的抗體,一有胚胎係體內果種抗體就會攻擊胚胎,令胚胎不能扎根存活,跟住大陸醫生就會俾藥對付這種抗體,之後就成功懷孕,成功的案例都幾多,我只係講出聽聞,唔係建 ...
大陸醫生方面我真係唔敢諗,但我地近期睇嘅Y婦科醫生,佢嘅治療模式唔係純正香港嗰一套,而係跟台灣嗰一套,所以過程中都有建議我地必要時去台灣一趟



回覆 引用 TOP

引用:
原帖由 工廠男 於 2019-9-16 00:53 發表



係咪好有錢?!
不如去外國住半年。香港生活模式未必啱你地造人。
太多失敗,令你地易抑鬱,對任何人都唔好。到真係有BB,擔心壓力仲大。
講真,錢就唔係多,所以你嘅建議我都好難跟,但我都相信佢嘅壓力會影響到佢,所以我有建議必要時佢停止工作,由我撐起頭家



引用:
原帖由 R爆頭 於 2019-9-16 01:56 PM 發表


講真,錢就唔係多,所以你嘅建議我都好難跟,但我都相信佢嘅壓力會影響到佢,所以我有建議必要時佢停止工作,由我撐起頭家
丈夫的心痛?!
難道妻子不心痛?!
自己背太多壓力,其實同樣比愛惜你的人更多壓力!
清醒吧!妻子小產,丈夫會開心?
丈夫一力承擔,妻子心情亦不會好吧?
別意謂是為別人想,其實只是令大家都落入陷阱。



[隱藏]
引用:
原帖由 工廠男 於 2019-9-16 16:19 發表



丈夫的心痛?!
難道妻子不心痛?!
自己背太多壓力,其實同樣比愛惜你的人更多壓力!
清醒吧!妻子小產,丈夫會開心?
丈夫一力承擔,妻子心情亦不會好吧?
別意謂是為別人想,其實只是令大家都落入陷阱。 ...
其實我並無話太太唔心痛,只不過係唔少人只會覺得太太傷,而忽略男人都會痛

我唔敢講自己嘅承擔會否為太太造成壓力,但我希望佢可以喺承受最少嘅情況下懷孕



回覆 引用 TOP

提示:支持鍵盤翻頁左 右
[按此隱藏 Google 建議的相符內容]