[按此打開]
[隱藏]
故事係咁的，我已婚，有一個小朋友。由小朋友出世(7年前)，我其實同太太已經常就照顧小朋友而有磨擦了。其實都嘈得好勁，因為佢照顧小朋友的方法不太健康，但我搵過好多家人，朋友，醫生同佢講佢都唔聽，佢一直係全職媽媽，佢好錫小朋友，但佢教小朋友就比較放縱而我自己就偏向比較嚴格。而且佢亦都唔係太識得理財所以支出非常大，我自己方面就係全職工作，坦白講我收入不錯，而且工作上亦算成功，我自己亦係一個比較進取嘅人，係工作上生活上我都不斷追求突破和向前衝。但相反太太就係一個比較內斂而且喜歡逃避問題嘅性格，好多家庭上照顧小朋友上的問題我想提出解決佢都選擇逃避。如是者過咗幾年，大家距離越來越遠，因為講工作的佢不會明，亦唔知我想法。去到兩年前我認識左一個已婚的女仔（無小朋友），當初大家都係普通朋友傾吓計，但發覺佢同我性格非常似，佢亦係一個非常能幹嘅人，我哋兩個簡直係一拍即合。佢本身其實老公都對佢ok的，不過佢都係女強男弱嘅關係，佢始終都係鍾意一啲好似我咁比較進取嘅男仔。
相信各位都估到情節嘅發展，我哋兩個就係咁樣一齊左3年，去到呢一刻我哋仍然係好似熱戀期一樣，可能因為我哋實在太多共同話題。
最近佢同我提出分手，原因都係因為其實佢想要小朋友，講嘅時候佢都喊晒，其實佢好鍾意我不過佢冇逼我離開屋企，但如果我願意離開屋企佢係會同我一齊嘅。
呢3年佢已經融入左我嘅生活而且佢每當我喺事業上遇到困難，佢成日都同我一齊解決問題，我地好多共同話題，我哋亦知道如果一齊可以互相支持，會好開心。另一邊廂，返到屋企其實同太太已經冇乜嘢好講。只係盡量唔去講啲有機會拗撬嘅話題，費事又再鬧交，因為大家性格實在太唔同。對住小朋友我當然就係好錫佢啦，一放工就會同佢相處。
去到呢刻我真係好亂，到底我應該選擇自己嘅開心定係為咗小朋友/家人而回返返自已家庭呢？老實講我個心已經完完全全鍾意咗個女仔，佢真係我所喜歡的一type。但諗到要離開本身屋企就會令到身邊所有人都唔開心，又唔捨得小朋友，我相信連我自已都唔會開心，因為同太太真係返唔到最初多年前相識之時，我已經試過但唔得。我真係唔知點算好，希望各位俾啲意見我啦！
