心痛....2個家姐1個哥無交家用，兼且仲要想謀埋父母層樓...
#1
發表於 2019-8-16 09:51 AM
[按此打開]
[隱藏]
是咁的，我29歲，出黎做左野5年。
我有2個家姐一個哥，我係全家最細。
媽媽身體有毛病，要長期照顧，
父母有2個物業，一個父母自住一個放租。佢地已退休，就係靠租金同儲蓄生活。
終於有一晚幾兄弟姊妹坐底傾。
當傾到醫病開支既時候，我問大家應該要從新分配下家用安排來醫病，請人照顧。
然後全部人靜曬，原來根本無一個人交家用。
呢件事過左我都算，總之以後就AA制負責家庭開支。
然後最近媽媽突然想賣樓，我問她樓市跌緊為何要賣，佢死都吾講，話想拎d錢出黎歎世界。
但其實佢本身係d好慳既人，一世都不會去遊埠，平時又節衣縮食。
咁都算，佢想賣就賣，到個agent搵客開價，我就負責幫口傾價，然後突然姐姐就加入，話開左既價已經好好，吾需要再傾，想即刻簽約，但其實仲係偏低。
之後佢突然同我講，其實佢都想換樓..... 話換去地鐵站上蓋，換間3房。
嗰刻，我即刻聯想媽媽為甚麼賣樓了，可能目的係比舊錢佢換樓。
跟住我即刻同我大姐傾，我同佢講現在的物業也不錯，配套齊全有會所游泳池，健身室，又夠新淨得幾年樓，她應該要知足。我話父母都係靠層樓收租生活，你又無交家用，賣左之後佢地點算？她應該不要咁自私。如果她要再改善生活，咪轉按吐現再放租，甩名再供另一層，為何要用父母的退休積蓄幫輕自己？她應該不要咁貪心。
講完之後果晚，媽媽即刻話暫時放棄賣樓計劃。由本來堅持，我死勸爛勸都不為左動即刻改曬風向，快過打針。我更加肯定我無估錯。
到最近，又到大哥，話想同媽媽一起搬去錦銹花園居住。
其實2年前，已經聽過媽媽講，大哥想說服他們倆老賣左層樓，又賣埋自己本身層樓，一起去買錦銹。
但大嫂絕對不是同媽媽好相處的人，關係很差。我知道，他們倆公婆只係想名義上為照顧，實則係說2老賣樓比佢地換樓，到百年歸老後就可以吞埋層樓。
由於媽媽反對，所以本來已經放低左，但原來最近又開始發功，
我又要準備擋一擋。
其實，媽媽心中是願意幫每一個兒女，不會計較。
但我覺得似乎我的家人只係向錢看...
我估我做埋今次，如果毀左佢地大計，以後應該都關係好差。
但我好錫我d姪仔姪女，都想我小朋友第時可以同佢地一起玩。我已經見證自己上一代點樣為錢搞到斷絕來往。
現在我只係想保住父母物業，等佢地退休後可以安享晚年，有物業收租，加上我微薄的家用，讓老人家生活得有反d尊嚴。
但我吾企出黎阻止，老人家又會比佢昆。
阻止，又會破壞親人關係，真係好矛盾。
