打印

好厭惡我媽

好厭惡我媽 E-mail 此主題給朋友

[隱藏]
真系好厭惡我媽。日日就嘈嘈閉。乜都鬧一餐,乜都又關佢事。已經唔想同佢講嘢。佢一行過黎,已經心入面無名火起。佢講想我幫佢做啲嘢,我就會想返以前發生嘅事,會唔好老脾。佢就話我,仲乜發癲。哈,佢自己每時每刻發脾氣就得。人地就唔得。話我有乜事就講出黎。講過啦,佢有聽咩。以前同佢講想做啲乜,佢一定話唔好/唔得。尤其系要出街會煩到佢搵衫褲俾我嘅就唔得,唔想我去。佢系一個有控制慾同潔癖嘅人。乜都管住曬,連衫褲都要管。
 
有個細舅父,同佢差10幾年嘅。所以舅父兩個女都系細我10幾年。舅父俾女學嘢(彈琴,游水,溜冰)同補習。佢就話人地對個女金雕玉砌。依家人地大個左,又叻又多見識。反而我就高不成,低不就。佢仲埋怨我地(我同我細佬)冇俾好生活佢。佢乜都冇俾我地學呀。連基本如游水,踩單車都唔識。搞到啲朋輩覺得我好廢,乜都唔識。仲好意思話有栽培我。考大學時,要考個英文試。我話想補習都俾唔到我。要我自己死掂。以前鬧交,我話屋企經濟唔好,佢唔認。依家講返以前冇俾乜我時,又話根本冇錢。都唔知邊句先真。
 
成日活系自己嘅年代,覺得我地讀完書就會有好工。我地讀大學時,已經話要有人生經驗,唔好只系死讀書。啲僱主覺得你只系得讀書,冇做其他嘢連啲課外活動都冇,就唔想請。個時已經同佢講無論做part time 定義工都好呀。佢就唔信,唔俾我地做讀書以外嘅嘢。搞到我地畢業後幾辛苦先搵到工。
 
佢有用心聽過我地想點咩,有關心過咩。只系顧自己嘅開心同喜好。唔中意,就唔俾,唔會顧下系咪仔女想要。話有栽培我,咪就系基本讀書咁大把。唔俾就犯法咋。要我地讀大學就系滿足佢嘅虛榮心。我地都系借政府錢,自己還。人地唔知,以為佢真系擺左好多心血系我身上。佢根本就想用最低嘅成本得到更多。



呢代D人只懂怨


引用:
原帖由 空中飛 於 2019-8-14 09:51 AM 發表

呢代D人只懂怨
一家唔知一家事



回覆 引用 TOP

引用:
原帖由 空中飛 於 2019-8-14 09:51 AM 發表

呢代D人只懂怨
首先係樓主阿媽怨樓主先ge...樓主細個一定好乖咩都聽晒阿媽講⋯讀大學都係借loan 自己還⋯



回覆 引用 TOP

[隱藏]
引用:
原帖由 灰的人 於 2019-8-14 06:21 AM 發表

真系好厭惡我媽。日日就嘈嘈閉。乜都鬧一餐,乜都又關佢事。已經唔想同佢講嘢。佢一行過黎,已經心入面無名火起。佢講想我幫佢做啲嘢,我就會想返以前發生嘅事,會唔好老脾。佢就話我,仲乜發癲。哈,佢自己每時每刻發脾氣就得。人地就唔得。話我有乜事就講出黎。講過啦,佢有聽咩。以前同佢講想做啲乜,佢一定話唔好/唔得。尤其系要出街會煩到佢搵衫褲俾我嘅就唔得,唔想我去。佢系一個有控制慾同潔癖嘅人。乜都管住曬,連衫褲都 ...
既然咁不滿,
做咩唔搬走?
冇本事搬走,
就忍下佢啦,
更年期阿媽,
就係咁嘅啦 。



回覆 引用 TOP

唔走去示威就冇呢啲問題


回覆 引用 TOP

加油,  少D接觸會好D,  平時早D出門夜D返


回覆 引用 TOP

家家有本難唸的經
支持,同情樓主,加油



回覆 引用 TOP

啊媽有潔癖都好過佢唔乾淨,同唔鍾意乾淨既人生活仲辛苦。

父母無得揀,做好自己,睇開d,你自己都要收下脾氣。



回覆 引用 TOP

[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
佢可能都係出於愛心關心你姐


回覆 引用 TOP

Make sure u don't do the same mistake to your child in future.


回覆 引用 TOP

[隱藏]
提示: 作者被禁止或刪除 內容自動屏蔽
 22 12
 提示:支持鍵盤翻頁 ←左 右→






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。