我老婆係全職媽媽, 成日話自己好忙


其實我唔明有幾忙, 個仔11個月, 都係平時的餵食, 換片, 沖涼, 做下家頭細務, 又唔洗煮飯.


點解可以好忙好忙?



Playgroup又話無時間揾, 叫佢每日讀15分鐘書比個仔聽又話無時間, 去旅行成年前叫佢PLAN又話無時間, 親戚一個星期黎探個仔一次又話阻住佢攪到無哂時間, 仲話我親戚呢樣果樣.


我自己返輪班, 夜晚返黎佢地都訓哂. 同埋我一日都返工返10個鐘或以上.



引用

被引用(19)
可能要打On9game呢⋯⋯


你叫你老婆休息幾日,你代替你老婆做幾日家務,睇睇系唔系咁忙咪知囉


如你不明白,就轉換角色試一試,就真想大白了。


引用

我真係試過掉轉角色去做.洗衫,掠衫,摺衫,掠床單仲要攞去曬,煮飯買餸(洗碗,切嘢,煮),拖地掃地.
洗冷氣隔層網,風扇.倒垃圾洗浴室等.有時仲要放滅蚤蛋之後要抹成屋既傢俬.結論係我情願返工.辛苦到想死.
如果你掉轉角色做,我相信你會好努力返工.加上你有埋個仔.你老婆甚至連瞓既時間都無.你真係要試下嗰種辛苦.試完你同老婆少D拗撬.



香港人好精,以自己能力,經驗,學歷恆量自己可找份咩野工,賺幾多錢,請工人照顧家人後淨收入係幾多。如果最後決定做家庭主婦都係自己能力低既人,賺錢能力不高,試問這類能力低既人,做野点會有效率?梗係覺得連做主婦都好忙啦


肯定係沈迷 BK group, 淘寶,網上購物,因為我阿嫂都係咁,成日話好忙,都唔知佢忙d乜

[ 本帖最後由 籠中灰香蕉 於 2019-6-23 07:09 PM 編輯 ]



引用

Agree


引用

咁你呢?你又要老婆搵錢又要佢做家務?你喺呢個家庭負責邊part !


引用

有時小朋友扭計都消耗咗你幾個鐘, 除非放喺度有佢喊唔理佢


引用

誰會珍惜,當你還~~擁有
將要逝去,總想挽留



引用

個人覺得連十五分鐘讀書比個仔聽都話無時間
個人覺得係態度問題

識好多媽媽 即使在職好多都堅持陪個仔讀書溫習床前小故事
身邊有十個八個三十幾歲媽媽 全職返工
Keep住進修
係家務有奶奶幫下手外 其他一腳踢
無請工人 話儲多些錢第日送個仔女去外國讀書 或者留來早些退休
態度決定一切 有些人做家庭主婦做得頭頭是道 有些人就得一個仔都搞唔掂


(利申: 本人是等退休中佬, 也欣賞全職日媽媽, 以上純粹男人意見,不喜勿插)



引用

你Sunday做一日就明白


引用

我係女性.
講真,如果做一個全職媽媽,真係好繁忙,不過當然都要睇下你太太識唔識得分配時間!
好似我有個同事,佢可以全屋兩個鐘頭做哂所有家務,仲有時間俾自己非常上網…………
但另外,有啲組織能力有問題嘅,可能真係攪到全屋一鑊粥,樣樣都做唔掂!
你睇返佢究竟適唔適合做full time mon.



引用

淨係換片+餵食 呢2樣野 已經夠玩大半日。
例如: ar 仔玩野, 呢頭換片。 唔夠15mins,  同你再開大, 不停無限loop
然後11 個月, 已經要加固, 但奶粉又未斷得住。 如果你小朋友鐘意扭計, 食2啖, 又走圍爬下, 或者唔肯食。 一餐飯至少餵一個鐘。
Ps 你老婆應該手腳有d 慢,但有d人真係急唔到。 體諒下啦
 



引用