註冊 登入
 



打印

老公愛我定愛小三?

老公愛我定愛小三? E-mail 此主題給朋友

[隱藏]
 
幾個月前發現老公出面有個女人,但佢一直唔肯認,我開口問過佢之後,佢都收斂左,有時佢打打下機瞓著左,我會攞佢手機睇,有時佢會刪晒訊息,有時會留低幾條未刪,個小三問過佢仲愛唔愛我,我老公答佢唔愛,問佢幾時同我分開,我老公話唔想個仔咁細個冇左媽媽,佢話暫時唔會同我分開,除非我自己要走,其實我知道我同老公分開係遲早嘅事,但個仔而家先兩歲,我同老公基本上已經傾唔到計,大家都係為左個仔。
老公而家少左好多出去,一個禮拜可能會有一兩晚唔喺屋企瞓,我都知佢去左搵個女人,每次佢出去過夜,我打俾佢佢都唔會聽電話,有時諗諗下真係好難過,如果佢真係咁為個仔,點解唔斷左出面個女人?如果佢咁愛個女人,點解又唔同我分開?
究竟男人諗乜嘢?而家佢都好似冇需要咁,或者我同佢都已經修補唔到個關係,但佢又冇話好明顯俾我見到佢同小三傾計打訊息果d,個小三點解咁都願意等佢?我老公其實冇咩好,我有時睇到小三d訊息,覺得佢真係好迷戀我老公,我唔知我老公究竟同佢認真定純粹為左性,我好怕個小三會逼我老公同我分開,我都唔知應該點。我冇地方可以去,冇能力帶個仔走。



熱賣及精選
如果你好肯定你是不會同你老公分開的,那你就一定要堅持下去, 同小三斗長命。 至少你已經知道你老公也不是真心愛小三, 也知道你老公的底牌是除非是你自己走。 所以首先你一定要守住, 雖然你說同佢無什麼話題了可談了,但是起碼你們之間可以談小朋友的話題。 有時關於小朋友的事情不要一個人自己扛起, 你有時也要扮弱者,告訴他讓他知道有時關於小朋友的事不是你自己全部都能處理到的。

讓他知道原來你還是需要他在這個家裡幫手做一些事務的。 有時男人就是見自己的老婆什麼都會了,根本就同男人沒什麼分別時, 他們就會覺得自己是多出來的,對你就不再重視了!如果學校有什麼通告之類你可以給他簽名, 以自己的字難看做借口, 文件上的東西都給他去辦, 就算懂也說自己不懂。

記得斗長命, 小三見日子久了,她自己會心慌。



引用:
原帖由 異域小魚蛋 於 2019-5-26 10:31 PM 發表

幾個月前發現老公出面有個女人,但佢一直唔肯認,我開口問過佢之後,佢都收斂左,有時佢打打下機瞓著左,我會攞佢手機睇,有時佢會刪晒訊息,有時會留低幾條未刪,個小三問過佢仲愛唔愛我,我老公答佢唔愛,問佢幾時同我分開,我老公話唔想個仔咁細個冇左媽媽,佢話暫時唔會同我分開,除非我自己要走,其實我知道我同老公分開係遲早嘅事,但個仔而家先兩歲,我同老公基本上已經傾唔到計,大家都係為左個仔。
老公而家少左好多出去 ...
何苦自欺欺人,留D尊嚴比自己啦!你默許,男人可以放心玩到天荒地老,同個女人生埋仔恩愛到死果日都仲做得,你奈佢咩何?



回覆 引用 TOP

點解要縱容個咁嘅老公?無意思的,就算佢而家肯返到你身邊又點?會永遠原諒佢?


回覆 引用 TOP

[隱藏]
 
咁都忍到,厲害


回覆 引用 TOP

呢啲男人真係忍佢都俾盡左面佢
俾著我就同佢講
你要同我離婚同個賤貨一齊無問題
不過我會同你分身家
撫養權同贍養費我慢慢同你打
睇下個賤貨仲會唔會咁好耐性等
最多一拍兩散



回覆 引用 TOP

唉!緊係你生咗之後唔同佢啪啪啦~


佢去到唔返黎訓,再留都係人在心不在


引用:
原帖由 異域小魚蛋 於 2019-5-26 10:31 PM 發表

幾個月前發現老公出面有個女人,但佢一直唔肯認,我開口問過佢之後,佢都收斂左,有時佢打打下機瞓著左,我會攞佢手機睇,有時佢會刪晒訊息,有時會留低幾條未刪,個小三問過佢仲愛唔愛我,我老公答佢唔愛,問佢幾時同我分開,我老公話唔想個仔咁細個冇左媽媽,佢話暫時唔會同我分開,除非我自己要走,其實我知道我同老公分開係遲早嘅事,但個仔而家先兩歲,我同老公基本上已經傾唔到計,大家都係為左個仔。
老公而家少左好多出去 ...
佢兩個都唔愛,佢只愛自己!



[隱藏]
 
唔返黎訓用咩藉口?


引用:
原帖由 樓上紅色樹根 於 2019-5-27 01:20 AM 發表

佢去到唔返黎訓,再留都係人在心不在
唔返黎瞓好過份?可能我慣左,佢成日都出去打機,傾計,砌車,都係通頂先返。



引用:
原帖由 異域小魚蛋 於 2019-5-27 01:53 AM 發表




唔返黎瞓好過份?可能我慣左,佢成日都出去打機,傾計,砌車,都係通頂先返。
沖個涼都要掛



引用:
原帖由 PixieHo 於 2019-5-27 01:48 AM 發表

唔返黎訓用咩藉口?
咪打機,幫人整嘢,砌車,同人傾嘢。。。好多時佢係先斬後奏,我冇可能唔俾佢出街,到佢出左去就唔聽電話,直到第日中午先返,咁我可以點?



引用:
原帖由 樓上紅色樹根 於 2019-5-27 01:55 AM 發表


沖個涼都要掛
佢通常沖完涼出去,如果佢去搵個女人都有得沖。。。



[隱藏]
 
引用:
原帖由 香煎強勁的馬 於 2019-5-27 12:10 AM 發表

唉!緊係你生咗之後唔同佢啪啪啦~
唔係冇,係少,始終要湊小朋友,屋企嘢都忙到死,根本冇心情諗果d...



 提示:支持鍵盤翻頁 ←左 右→
 
 




 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。