註冊 登入



打印

Sogo Tom Ford店員待客態度超級有問題😡😡😡

Sogo Tom Ford店員待客態度超級有問題😡😡😡 E-mail 此主題給朋友

[隱藏]
今日途經Sogo見到仲有thankful week,於是開開心心同屋企人走入去買野 ,行完一輪最後終於到Tom Ford(最近畀某網紅燒著左)。

一開始我妹話比我知某女店員開櫃桶無出聲叫我借借,反而直接拍我大脾已經打左個突。之後我show cap圖畀短髮店員A(態度相對較好)話我想試某系列某色,試完上咀比同行人睇ok就返入去show多次cap圖畀左低馬尾女店員B拎貨準備畀錢,惡夢就開始喇!!!

離開sogo我妹叫我打開睇睇隻色,發覺激紅根本唔係我要個隻,之後手機再double check的確係畀錯我,同no.但唔同名(系列),於是返轉頭。阿店員B實牙實齒話個網紅係推我呢隻色,叫我自己check清楚小紅書先😨,店員A出聲話我係試左我要個隻色,姐係其實係B畀錯我。Check完無貨話我一係換一係void,我係揀左void單,佢地叫左男店員(我唔知係咪高級d,但態度一樣咁麻麻)幫我搞退款,然後突然被告知原來係唔小心碌多左我2件貨即雙倍錢,會退番840畀我,我o左咀即時check網上銀行,的確係碌多左(怪我無即時睇收據習慣)。

呆等左勁耐,途中仲聽到香港女仔同佢fd講呢間TF店員好鬼西!之後仲要唔同收銀大粒阿姐講清楚我要void 840人地以為係420,人地搞完一輪先知我退全數840,最後仲話要等4-6星期先退到,咁我係咪要定期check有無840到賬啊!?

成個消費+退款過程既體驗都好鬼差,搞左我咁耐sorry都聽唔到多句,係第二d美容店鋪未試過遇到態度咁差既店員,之前去Ifc TF明明都ok,真心唔排除可能係我個樣太淋善,又唔係買得多又講國語既內地同胞有關!!!🌚🌚

從來未試過咁嬲一間店,真心以後無下次!!!



熱賣及精選
有點唔明點解要等4-6 星期? 你係用咩方式付款架? 普通visa /master 係可以即時void ! 除非清左機架姐! 否則void 左就等於無左果項transaction ~~~~< ! 唔洗等到帳架啦~放心~


回覆 引用 TOP

其實sogo d ba, 無論係邊個brand, 都係出名西面
雖然唔係全部brand都係咁, 但大部份囉



回覆 引用 TOP

我上星期都幫襯過呢間!都係好差態度!尢其是d女員工!態度吾好、吾認真、一路serve 客一路係度大聲玩、傾計... 總之,佢哋嘅態度真係..... 幸好我係有目的地買野,即俾錢即走!望多佢地多一眼我真係覺得浪費我的青春!


[隱藏]
😳


回覆 引用 TOP

引用:
原帖由 samstan2012 於 2019-5-24 09:28 PM 發表

我上星期都幫襯過呢間!都係好差態度!尢其是d女員工!態度吾好、吾認真、一路serve 客一路係度大聲玩、傾計... 總之,佢哋嘅態度真係..... 幸好我係有目的地買野,即俾錢即走!望多佢地多一眼我真係覺得浪費我的青春! ...
好同意你所講。如果去TF, 銅鑼灣連卡佛好好多,Sogo真係超級差。



回覆 引用 TOP

點解女店員冇出聲叫你借借,反而直接拍你大髀,你好似唔知道,要你妹話你知你先知有人拍你大髀?


回覆 引用 TOP

引用:
原帖由 憧憬世界 於 2019-5-22 09:01 PM 發表

今日途經Sogo見到仲有thankful week,於是開開心心同屋企人走入去買野 ,行完一輪最後終於到Tom Ford(最近畀某網紅燒著左)。

一開始我妹話比我知某女店員開櫃桶無出聲叫我借借,反而直接拍我大脾已經打左個突。之後我show cap圖畀短髮店員A(態度相對較好)話我想試某系列某色,試完上咀比同行人睇ok就返入去show多次cap圖畀左低馬尾女店員B拎貨準備畀錢,惡夢就開始喇!! ...
垃圾BA



回覆 引用 TOP




回覆 引用 TOP

[隱藏]
Sogo不嬲做大陸人生意


回覆 引用 TOP

[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。