註冊 登入



結左婚幾年 隔幾個星期就會駡一次大交
佢係自我中心型 永遠都覺得自己無錯
做錯野次次都一大堆籍口
基本上我讀書同日常生活中嘅知識都係多過佢
次次做錯野攪出個大頭佛就叫我幫佢
講一句”你係我老婆 我有問題你就應該幫”
最衰係鬧交果時 就會同我講”其實你唔幫我 都有其他人會幫我 只不過你係我老婆 所以先問你 你一早唔幫都無所謂”

仲有而家住緊間屋 首期全部我比
我同佢都有工作
佢就話”因爲我同你都有工作 所以供樓同所有開支都一人一半 AA制”
但係我比晒首期喎
加上屋企9成家務都我做 煮飯日日都係我煮
大家覺得響佢把口講出黎要AA 有無問題?



引用 TOP

被引用(24)
如果係咁。咪大家平靜時分清楚權利與責任。家務一齊做。所有野平分。咁咪無野好嘈。
至於解決佢既問題, 我覺得你可以做既係教佢點幫自己。要佢知道每個人都有自己責任, 正如佢既想法。大家有錢賺, 咁咪一人一半。咁大家都有問題要處理。咪你係咪要搞番自己果d? 你盡其量咪教佢點做!

個人來說。家庭開支我會大家協議拎一個百份比既人工放入個pool度用啦。。。



引用 被引用(1) TOP

兩公婆金錢問題,真係結婚前要講好野,如果覺得對方經濟差收入差,過唔到自己底線就唔好結。家務同生活細節其實最好都結婚前講定,好多人婚前係大少爺大小姐,結婚後點算都係一個問題。


引用 TOP

我隔離果個又咁,唔識尊重人,搞咗啲乜嘢事做黎就要你執手尾,有錯永遠都係人哋錯,自己永遠啱晒。
有時因為佢搞出黎嘅事整親,佢唔會問吓你有無事,剩係話你小小事都搞到咁。



引用 被引用(1) TOP

當初的愛情沖昏頭腦,你絕對係揀錯郎,距絕對係個懦夫,勸你早啲好離婚解決⋯⋯


引用 被引用(1) TOP

其實如果你對佢甘多不滿又冇小朋友點解唔考慮分開呢?

先唔好講錢,兩個人一齊開心同互相遷就係最緊要。我唔知你地結婚幾耐,同埋婚前佢冇呢d問題既咩?



引用 被引用(1) TOP

不是有問題,而是好有問題🤨


引用 TOP

首期你給,供樓AA...家務你做晒……你娶左個男人返屋企……男人又自我,感覺又唔點氹你,唔錫你……如果無小朋友離婚啦,甘樣的男人要來做乜,自己揾養自己還不用受氣!


引用 被引用(1) TOP

佢既性格,你都幾清楚


引用 TOP

呢啲正一廢柴老公,好憎咁自我的男人,我老公都係呢種人!


引用 被引用(1) TOP

離婚啦, 唔好嘥時間, 對於自我澎湃的人, 根本不可理喻, 有理說不清, 還要同你講""其實你唔幫我 都有其他人會幫我 只不過你係我老婆 所以先問你 你一早唔幫都無所謂”"根本以為全世界都要幫佢


引用 TOP

梗有問題啦


引用 TOP

其實,你好清楚自己嫁咗個能力畀你弱既老公,你若结婚前已知,有乜好怨。若结婚後先發覺,又忍唔到,咁咪離囉。好明顯,你 嫌棄佢。但我唔知你係咪件豬排,老公靚仔,所以先嫁佢。


引用 TOP

呢D貼大床養仔仔


引用 TOP

拍左幾耐結婚?
8卦問下,你地兩個分別咩星座??



引用 被引用(1) TOP

伸延閱讀
 25 12
 提示:支持鍵盤翻頁 ←左 右→
[按此隱藏 Google 建議的相符內容]
發新話題發佈投票


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。