註冊 登入



打印

(呻/發洩) 對父母越來越反感

(呻/發洩) 對父母越來越反感 E-mail 此主題給朋友

[隱藏]
大家好,我知道同類型家庭父母話題已經講過無數次,但仍然忍唔住想呻下.
本人剛過左30,原本有穩定工作,最近為興趣報左讀科研,正準備幾個月後去開學,因為會係全職所以辭左工,為左之後幾年慳D錢暫時同父母一齊住到開學.
但近年唔知點解同父母關係變得好差,搞到連同佢地傾一兩句都唔想,而且仲越來越反感.

先講下我做野之前個幾年係國外讀書自己住所以其實同佢都分開左好多年,算係有自己生活模式,日常生活基本自己搞掂,我承認同佢地住番一齊開始時會有D唔適應,但奇怪反而越來越頂唔順佢地,好多時都因為生活小節嘈過唔少,搞到我依家除左日常出入都唔會同佢地講野.

我亞爸係外人眼裡好優秀(工作),但有D霸道,成日"大家講道理"掛口邊,不過嘈起上來3次裡面有1次情況比較情緒化,兼講野大聲,加埋一齊就算唔係鬧人都好似插到唔畀你出聲戈種,唔發惡時就有講有笑咁好兩極化.
老媽相對平和D,幾乎每日都係佢打理家頭細務,但有好多父母既正常行為,同一樣野會重覆9百幾萬次,關心屋企人講多幾句大家明白好正常.

本來好細個時同佢地冇咩野,但慢慢大個時(初中)就可能青春期有D反叛,個時試過同佢地攤開來講,話佢地唔好咁大聲同誇大我做錯既野,不過當時自己語氣差,老媽就好嬲叫要一定尊重父母同道歉,後來我試過用另一種語調方式溝通過冇咩成效,仍然係首先畀插到仆街,然後訓話個粒幾鐘,個時我開始覺得自己可以改變就下人,父母幾廿年脾氣改唔到,自己做細冇得出聲,好多時都忍住.

但我都忍到後來出國自己住,自然覺得冇人係耳邊煩好自在,一直維持到畢業出來搵野做,又暫時同父母住到搵到工,原本以為自己可以忍下,但好快發覺好撚唔掂,個段搵工空檔期同時有自學野,唔敢講自己生活好有規律,但習慣左自己做開一D野就想整好佢搏命去做,父母當然唔滿意,一開始都有解釋,盡量多D休息,但唔知點解我仲係保持住"同佢地講都冇用人地幾廿歲性格改唔到"既心態,講完又講都係冇用,難聽D有時間都自己用仲要抽時間解釋同樣野把撚,所以我開始對佢地冷淡,冇特別野唔同佢地接觸.

之後出來做野自己生活,因為成日工時長OT,同父母接觸又少番,算係平靜,直到想去讀科研深造,知道學院收我後導師要我開學前整D野要交,計過時間唔夠用而且自己經濟能力可以應付所以辭職同時等開學(幾個月後).

又搬番去同父母住,佢地都知我情況,仆街既係呢次同佢地關係變得差過以前好多,生活小節真係搞到好扯火,每日朝早都會被嘈醒都算,鬧交次數越來越多,10次有9次都係語氣問題,唔知點解我就係唔想同佢地講野,反正講幾多次都改唔到,同朋友吹水反而輕鬆自在,同時好頂唔順佢地一嘈就成日誇張,成日話"同你講好多次你咁多年語氣差又唔改" "唔話都你唔知你自己做緊咩" "一同親你講野就黑起塊面眼厲厲以為自己好型",冇錯我的確會有D黑面因為聽到就好攰,型咩野我都唔細啦,好多時我都藉口諗緊學校野唔想同佢地講野,而且D野都講完仲要後面一卵嘴話 "提你就唔好以為出聲就起哂鋼" "都已經知你忙準備研究唔同你講咁多野但提下你就畀面色我睇咁回應你仲話讀過書",唔知點解聽到特別亞爸把聲好反感,而家一聽到佢地講野就好唔舒服,心諗好想快D入學再搬去住宿舍...

寫得多左,我知道可能大家會覺得我都3張野歲廢柴仲咁幼稚不如死左算,同埋已經唔駛諗買樓,咁小野仲攞出來講,唔識體諒父母忤逆不孝反骨涼薄自私之類,父母生我養我供書教學唔感激,但我真係對父母冇咩感覺,總係覺得成世人有好多野想做唔夠時間做,唔想畀D重覆既小事阻住,自己一個可以好開心自在,同時又覺得之前工作有遇過唔少仆街都應付到,就係對住父母就冷靜唔到好難理解.
點都好,我原意打呢個post上來只想發洩下,啱啱又同亞爸嘈完,自己谷住好撚唔舒服,唔知自己如果長期係咁會唔會搞到有精神病...



我唔認為父母同仔女一定要夾, 一齊住一定有磨擦, 呢個世界上無人無缺點, 你忍佢時佢都忍緊你,


你現實上要靠父母幫, 要靠同住先實現到理想,


有得一定有失, 要得到一啲野, 咁你要犧性啲野,


兩全其美, 但你能力做唔到, 仲有乜野好講,


企係父母嘅立場睇, 點解佢地又要受你氣? 受你黑面?


你對佢地唔好, 郁一郁就黑面, 所以點解佢地會鍾意你.



回覆 引用 TOP

本身已經有自己嘅生活模式, 父母又有自己嘅性格,咁就梗係唔好勉強迫埋一齊住啦。

樓主覺得父母難頂,其實父母都未必頂得你順嘅。  咁不如盡快同朋友或者同學 夾份 搬出嚟住仲好啦。   30歲人,亦都唔好成日賴住喺父母度啦 ,除非你覺得畀父母照顧,係重要過有自己嘅空間啦!!!



Not just u but other people have this problem too. Even  i can't stand talking to my parent.  Thats y i moved out.


回覆 引用 TOP

[隱藏]
引用:
原帖由 矮窮廢佬 於 2019-4-19 06:35 PM 發表

大家好,我知道同類型家庭父母話題已經講過無數次,但仍然忍唔住想呻下.
本人剛過左30,原本有穩定工作,最近為興趣報左讀科研,正準備幾個月後去開學,因為會係全職所以辭左工,為左之後幾年慳D錢暫時同父母一齊住到開學.
但近年唔知點解同父母關係變得好差,搞到連同佢地傾一兩句都唔想,而且仲越來越反感.

先講下我做野之前個幾年係國外讀書自己住所以其實同佢都分開左好多年,算係有自己生活模式,日常生活 ...
成三十歲,
一路返工一路進修,
有返工就唔會同父母住,
明知父母難服待的人,
你就有咁遠走咁遠啦,
你仲鐘個頭返去做乜,
返到來又話父母呢樣果樣。



回覆 引用 TOP

就係做緊野時自己搬左出去再番去先發覺難溝通, 本身冇諗過鐘個頭番去, 亦冇指望靠父母照顧,好多時都講明D野自己整,之前間斷咁番下去又走下, 同埋呢段卡嘞時間費事又出去短期租地方,  而且依家唔係非必要我都唔出聲同畀面色任佢地講, 亦都知佢地唔係幾順超, 算當我不孝反骨死蠢, 遲下穩定D自己死遠D就係咁.


唔好意思要大家哂時間睇埋D廢post.



可先搬出去住一段時間,等雙方冷靜下來,再嘗試溝通,畢竟親情係無可替代。人要成長到一定階段才明日親情嘅重要性。另外樓主描述父親家長式的教育方式亦會影響樓主成長過程對父母嘅觀感,年輕一代比較注重民主自由,對長輩的教育方式不受落,甚至反感十分普遍,希望雙方能心平氣和解決問題,畢竟都是一家人。


回覆 引用 TOP

點解要黑面,點解要語氣唔好?一開始你就用呢啲方式去壓制別人言論?😆😆😆😆😆😆


回覆 引用 TOP

引用:
原帖由 矮窮廢佬 於 2019-4-19 06:35 PM 發表

大家好,我知道同類型家庭父母話題已經講過無數次,但仍然忍唔住想呻下.
本人剛過左30,原本有穩定工作,最近為興趣報左讀科研,正準備幾個月後去開學,因為會係全職所以辭左工,為左之後幾年慳D錢暫時同父母一齊住到開學.
但近年唔知點解同父母關係變得好差,搞到連同佢地傾一兩句都唔想,而且仲越來越反感.

先講下我做野之前個幾年係國外讀書自己住所以其實同佢都分開左好多年,算係有自己生活模式,日常生活 ...
如果自己冇能力獨立就出少句聲
頭家未輪到你話事,冇人要讓你

其實同工作上你未去到話事位一樣
P.S. 30歲個年我結婚搬出黎住



有人自己送上門被KO,CASE 已 CLOSE 心情超舒暢 XD

後記:
總有D輸家唔忿氣不停引你去同佢嘈,再不停兜圈搵漏洞造文章
所以當等到有人送上門被KO之後,要做既就係收工等佢飲恨一世

回覆 引用 TOP

[隱藏]
引用:
原帖由 矮窮廢佬 於 2019-4-19 06:35 PM 發表

大家好,我知道同類型家庭父母話題已經講過無數次,但仍然忍唔住想呻下.
本人剛過左30,原本有穩定工作,最近為興趣報左讀科研,正準備幾個月後去開學,因為會係全職所以辭左工,為左之後幾年慳D錢暫時同父母一齊住到開學.
但近年唔知點解同父母關係變得好差,搞到連同佢地傾一兩句都唔想,而且仲越來越反感.

先講下我做野之前個幾年係國外讀書自己住所以其實同佢都分開左好多年,算係有自己生活模式,日常生活 ...
完全係樓主的問題😂😂



回覆 引用 TOP

引用:
原帖由 矮窮廢佬 於 2019-4-20 12:57 AM 發表

就係做緊野時自己搬左出去再番去先發覺難溝通, 本身冇諗過鐘個頭番去, 亦冇指望靠父母照顧,好多時都講明D野自己整,之前間斷咁番下去又走下, 同埋呢段卡嘞時間費事又出去短期租地方,  而且依家唔係非必要我都唔出聲同畀面色任佢地講, 亦都知佢地唔係幾順超, 算當我不孝反骨死蠢, 遲下穩定D自己死遠D就係咁.


唔好意思要大家哂時間睇埋D廢post. ...
老實講,你根本就當屋企係酒店,唔夠錢洗就返去住下,有錢就出去。

你父母養到你咁大,不但唔照顧返屋企人,仲要係咁時時彈出彈入。你想人哋有幾尊重你?



回覆 引用 TOP

引用:
原帖由 矮窮廢佬 於 2019-4-19 18:35 發表

大家好,我知道同類型家庭父母話題已經講過無數次,但仍然忍唔住想呻下.
本人剛過左30,原本有穩定工作,最近為興趣報左讀科研,正準備幾個月後去開學,因為會係全職所以辭左工,為左之後幾年慳D錢暫時同父母一齊住到開學.
但近年唔知點解同父母關係變得好差,搞到連同佢地傾一兩句都唔想,而且仲越來越反感.

先講下我做野之前個幾年係國外讀書自己住所以其實同佢都分開左好多年,算係有自己生活模式,日常生活 ...
人最高深既學問就係如何處理跟父母關係。
樹欲靜而風不止,子欲養而親不待也
諗通就通,唔通都無辦法



回覆 引用 TOP

點計都係你應該讓步, 遷就, 包容父母
第一, 父母養到你咁大, 眠乾碎濕, 供書教學, 淨係錢都幾百萬, 做人要識感恩, 唔好覺得任何人包括父母對你好係應份, 係理所當然。
第二, 父母幾十歲性格改唔到, 唯有你讓步改變,
第三, 你成三十歲人, 就應該成熟d處理問題, 唔係黑面發脾氣
第四, 你免費住起任個人屋企都會客氣d, 你住父母屋企, 父母服侍你三十歲人, 你就比臉色父母睇, 你父母當然會嘔血同你開片, 人之常情。

[ 本帖最後由 偉偉的豬 於 2019-4-22 09:34 AM 編輯 ]



回覆 引用 TOP

自私精 成遍野只有埋怨 都無提過父母養你育你  真係前世欠咗你咩 你快d搬走喇 你父母日日比你激 命都短幾年


回覆 引用 TOP

[隱藏]
好多小朋友都問点解要生佢地出泥,將所有責任都歸咎父母。講真,有邊個會係先知生個白痴至得㗎。其實你當日係有得楝,白白痴痴咁游錯方向咪得囉,唔好將所有責任都歸咎别人喇。😆😆😆😆😆😆


回覆 引用 TOP

 21 12
 提示:支持鍵盤翻頁 ←左 右→




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。