好似我呢代(90後)既思想真係同以前好唔同

我呢代大部份人都唔太理傳統野,好似新年有咩唔講得,照講

拜山呀結婚呀果啲要注意啲咩傳統,我都冇咩點理

因此結婚果下,我已經同思想傳統既奶奶非常夾唔黎

但土地問題,結婚之後要同奶奶住,呢一年來真係嘈左好多次

最大問題係,因為佢做好多事都要跟通勝決定,次次都要拖到好日子先做

我就係果啲好衝動既人黎,一諗到要做就想去做,唔拖得

老公叫我忍下,但真係就快忍唔到呀!就黎生仔都要跟通勝生啦!



引用 TOP

被引用(10)
同住最辛苦嗰個一定係新抱!  
唔好因為土地問題而免強同奶奶一齊住, 奶奶同個仔住就乜都得, 新抱就算係住幾十年你都係一個外人, 就算出外面租劏房都冇咁慘, 起碼都有百零呎空間, 同奶奶住鬱喺個房度50呎都唔知有冇 , 而且仲要日日面對面, 直接衝突。   

你話你認得幾多吖?  而且,結咗婚之後 , 老公好多時會即刻變咗豬隊友, 會話阿媽一路都係咁㗎啦,冇乜嘢呀,忍下啦 ……  唔信嘅話問下身邊嘅太太們吖。



引用 被引用(1) TOP

唔關傳統唔傳統,
係你反叛、乜都作對的思想,
講得難聽D,
你蝦老人家.



引用 TOP

梨分?


引用 TOP

呢個係千百年來的問題,要解決,只有搬!


引用 TOP

冇本事咪咁多嘢講


引用 TOP

什麼是傳統思想?新年老細比利是你收唔收?傳統既假期你放唔放?你咁唔傳統為什麼不同老公搬去自己老豆老母到住?住外家先新潮!


引用 TOP

冇計,屋主話事,唯有跟


引用 TOP

你喵現代,結婚果陣有無收禮盒,洒席同過大禮先?


引用 TOP

寄人籬下係咁ga啦,有本身咪搬lo


引用 TOP

盡量包容,忍耐,但唔好示之以弱,適當時都要反擊
我有個家姐個老爺係百彈齋主,我姐姐要返工,放工後又要買餸煮飯,佢老爺就每晚食飯都左彈右彈我姐姐煮嘅餸,我姐姐笑住同佢老爺講,不如以後老爺你煮啦,佢老爺聽完呢句說話就停左幾日冇再彈,但好快又故態復萌,我姐姐呢次都費事講叫佢煮,連續晚晚買飯盒全家食,食飯盒食到佢個老爺驚食到厭,佢老爺終於頂唔順叫我姐夫同我家姐求情收手唔好再買飯盒,自此後唔敢再彈 3 彈 4



引用 TOP

伸延閱讀
[按此隱藏 Google 建議的相符內容]
發新話題發佈投票




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。