註冊 登入
 



打印

[陀B生活] 產前產後,陀b生活

產前產後,陀b生活 E-mail 此主題給朋友

[隱藏]
 
阿b終於都出世啦,想返由同老公有共識想要一個bb到現在生佐真係過五關斬六將,備孕三個月就中佐,擔心錯過排卵期,幾乎每隔兩個鐘就驗一次,積極做功課,心裡壓力真係好大,眼見身邊朋友都有bb,自己就次次都吉,真係好氣餒,由備孕開始就各種湯水,備孕藥~睇西醫話我月經不調,陰道又經常發炎,就算有bb都會大機會流產,於是乎就吃佐一個星期西藥調理,醫生建議我做造影以及其他檢查,我最終無做到連西藥都停佐,甘好啦,睇中醫啦,點知中醫話我人好虛,想要bb好難,於是乎又吃佐兩個星期中藥藥粉調理,而且吃完之後我都覺得無效果,經期仲痛到pk,最後又放棄睇中醫,可能中醫真係人夾人啦。經過一個月中西結合治療後,精疲力盡不為過。於是膽粗粗,開始自己煲湯水自己調理身體,真係中佐,記得見到兩條線既喜悅,喜悅只是暫時,原來真係好多關要過,懷孕6周流啡,嚇到即刻掛急診,醫生話見唔到bb有心跳,叫我兩星期後再翻來複診,如果到時再見唔到有就即係懷孕終止,果一刻心情跌到落谷底,等佐一周後,家人建議我去睇私家,私家照陰超,係啊,終於都聽到bb心跳啦,仲開佐安胎藥吃,一直到26週都平安無事,沉浸在懷孕既喜悅中,係26週一次大陸產檢時「呢段時間都中港兩邊走」,醫生要我做一個血糖測試,大陸醫生問我點解仲未做,應該要在24週做,其實係政府做產檢我都有問醫生幾時會幫我做?答復我屬於低風險!點知,係大陸一驗,妊娠糖尿病,我開始上網搜尋有關妊娠糖尿病的資料,原來對bb好大影響,會巨大b,bb出世有可能低血糖低血鈣,休克種種。當我將病曆告知政府醫院時,醫生姑娘冷言冷語令我真係覺得好心寒,姑娘話,「哦,係大陸驗出來,甘你有無叫大陸醫院幫你跟進返啊?係啊,有事真係要返大陸跟進返好d」當時心神不定既我真係非常難過。由於妊娠糖尿病,開始跟營養師吃營養餐單,體重一直都無升過,個人變得越來越瘦,日日三餐後都要做運動散步一至兩個鐘,每吃一餐都篤手指,果段時間最難挨。一直到37週啦,夜晚突然穿佐羊水,入院,我係第一胎,但係由陣痛開始到生只是用佐短短2個幾鐘,啊b出世啦,順產,體重唔夠稱,要入住兒童病房,醫生要幫區做好多檢查,抽血抽到隻手紫曬,心痛到我,幸好三日後一切順利同我一起返屋企。妊娠糖尿病時間其實真係好需要家人的支持同鼓勵,家中長輩只會話你唔吃多d野,啊b無營養無營養,但是你同區地解釋,如果血糖過高,對啊b仲大影響,家人未必聽得入耳。好啦,宜家啊b身體各樣指標都正常返,我知現在只是開始,會努力學做一個好媽媽。都祝願絲打門可以早日得償所願!!


引用:
原帖由 清晨默默的核心 於 2019-3-26 03:46 PM 發表

阿b終於都出世啦,想返由同老公有共識想要一個bb到現在生佐真係過五關斬六將,備孕三個月就中佐,擔心錯過排卵期,幾乎每隔兩個鐘就驗一次,積極做功課,心裡壓力真係好大,眼見身邊朋友都有bb,自己就次次都吉,真係好氣餒,由備孕開始就各種湯水,備孕藥~睇西醫話我月經不調,陰道又經常發炎,就算有bb都會大機會流產,於是乎就吃佐一個星期西藥調理,醫生建議我做造影以及其他檢查,我最終無做到連西藥都停佐,甘好啦, ...
恭喜你,母子平安,請教你備孕時,自己煲咩湯,謝謝分享



回覆 引用 TOP

多謝!有個婆婆教我煲雞泡膠


回覆 引用 TOP

 
 


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。