• 瀏覽: 4,200
  • 回覆: 1
  • 追帖: 1
[隱藏]
我自己腸胃唔多好,一個月可能肚瀉一兩次,又有啲便秘問題,有時成三四日都冇得去....

近排好興瘦身排毒酵素,所以我都試左兩款。

第一款係tremexxx,呢款係jelly咁嘅質地,果陣睇左好耐見ig好多shop每次都入幾十箱貨咁入,又有海量好評啊效果圖啊,講話無痛短時間減磅,以為今次減肥掂啦!點知。。。係就真係有助去便便,不過係痛到傻又似肚痾果種痾水。啲代理教夜晚食一包,第二朝就有得去,我有跟佢方法。。。大約夜晚十一二點食,凌晨四五點肚痛到醒左又痾唔出,要不停灌水先冇咁痛同痾水,之後去到日頭兩點幾三點都間歇性咁痛同痾,最辛苦係條街到好難搵到啲乾淨廁所!我問個代理,佢話我太多宿便痴住左所以咁痛,食多幾次適應左就冇事。。。咁我買左一盒冇可能掉架嘛都$335架,唯有頂硬上,之後我食哂成盒好似十包?十二包?唔太記得了,日日如是痛痛痛痛痾痾痾痾。。。。至於有冇瘦到呢,咁痾法係人都冇心機冇胃食啦,唔驚一陣痾到傻咩,有feel到肚係扁左啲啲,體重有跌2-3kg,但手手腳腳冇乜分別,仲搞到個人好虛,一停左正常食翻野,果2-3kg又翻左屋企啦。可能個個人體質唔同,效果唔同,但自問腸胃唔係好好又想試嘅,希望我呢篇野可以令你個肚受少啲苦

第二款係bardxx,呢款係類似人地啲protein bar由好多食物壓縮而成嘅,經過tremexxx之後本身已經冇諗住再亂試酵素。但應該唔少人都知邊個係yaxx wong,我都有睇佢啲片,見佢食tremexxx嘅反應同自己簡直一樣,但食bardxx又冇事,然後又係一大堆效果圖+好評成功打動我再試下。呢一款冇tremexxx咁大反應,但我都係會肚痛同痾嘅唔係健康正常嘅便便,冇乜瘦到,又係搞到個人好虛,打波手軟腳軟不停喘。

講完兩款對我呢講伏到地獄級嘅酵素,都想講下我呢排試到幾好嘅腸胃恩物!

首先係California Gxxx Nutxxxxxx (CGN)益生菌,本身冇食開,係有次幫朋友買順便買埋比自己試下,都幾平,係ihxxb到買還算方便,我買嘅係5billion CFU,因為平啲$80蚊有60粒食2個月,仲有款30billion嘅價錢係double。食左大半個月再加上我都訂左包chia seed 12oz $45,幾乎日日都有得去,而且!係好健康好正常嘅便便,又唔會肚痛!爽!

第二樣就係Mamxx chia seed,因為我本身唔中意食生果蔬菜,纖維嚴重不足,所以我係ihxxb見到佢就買埋,都唔貴。我係攞食飯碗加1.5湯匙嘅chia seed溝牛奶,搞均放雪箱大約兩小時或以上就會變左chia seed pudding質地似好’杰’嘅西米露,我會再on top加啲楓糖漿,勁好食!其實chia seed食法上網搵有勁多,可以自己上網自己中意嘅食法。作為吃貨,食物健康之餘梗係要好食啦!

呢兩樣野雙管齊下,日日有得健康去便便,個肚腩越來越扁,個人又唔會痾到手軟腳軟。

當然會有人覺得果兩款排毒酵素好好,咁以上都係我個人試用完嘅小小心得比你地做個參考啫~~~



回覆 引用 TOP

原本想試下你講嗰隻T牌酵素, 但係fb見到另一隻日夜酵素有優惠, 所以買咗嚟試. 今日叫做完咗一個療程, 效果都算唔錯, 主要係便秘同胃口方面有改善。食酵素之前每3,4 日先有得開一次大, 有時仲會痾血, 或者急但痾唔出(少飲水), 食酵素初期試過一日痾3次, 但見冇肚痛, 又唔係爛屎, 所以keep住食(同樓主一樣 覺得買咗唔好嘥), 宜家日日朝早起身都有得痾, 冇見血冇肚痛, 過程算係幾輕鬆。
賣酵素個女仔幾有心會定時send msg嚟叫我飲水, 間接迫我日日飲2.5L水同執我飲食, 佢話食酵素一定要飲水, 唔飲水吸收唔到。唔知係飲多咗水定酵素嘅成份有效, 我覺得自己宜家胃口細咗, 食飯要男友包底
冇跟住個女仔send嚟嘅wotkout都減咗7磅, 離目標仲有8磅, 希望唔洗再搵另一樣減肥產品啦, 減多幾磅可能會開始做下運動修靚啲線條。



回覆 引用 TOP

[按此隱藏 Google 建議的相符內容]