打印

【求助】父母衝突 壞疑爸爸有燥鬱症

【求助】父母衝突 壞疑爸爸有燥鬱症 E-mail 此主題給朋友

[隱藏]
細細個其實佢哋已經成日嗌交 就算幾小事都好 都可以嗌一餐
記得細個唔知因為咩事 佢哋試過鬧離婚 不過最後都冇
經過嘈嘈吵吵廿幾三十年就咁過咗
但係唔知點解幾年前開始我呀爸就過火 有次又係為咗好少事試過攞把刀出嚟威脅呀媽
之後試過一兩次我不在場就有D推撞 不過每次係情緒平復後 佢又好似冇事咁 同返呀媽傾計 回覆正常
上個星期一又再爆發過(我諗已經有年半冇爆發過)佢食食下飯就發脾氣話阿媽成日霸住部電腦 (當然唔係成日)然後就掟碟推撞阿媽 Complain咗好多其他嘢一大輪 結果佢就自己衝咗出街冷靜下 好夜先返
第二朝佢又一早出去 夜晚冇講低又唔番嚟食 我Message 佢先話唔食
一番嚟我媽問佢去咗邊佢就即刻發脾氣話佢出去搵地方住 話對住佢好辛苦


之後果日朝早我好擔心 所以 message佢話有咩幫到手
佢就話電腦壞 同埋都話自己病控制唔住 想出去搵個床位 話想大休息
我就安慰佢話有咩事我哋都係度之類 佢就好似有啲迷茫咁話唔知
當日我哋就買咗新嘅notebook 果晚佢先肯同我哋講番嘢(除咗阿媽之外)


之後幾日到而家其實朝早佢都出去 夜晚就唔係度食
只有星期日果日佢話要學新電腦先留喺屋企 但係夜晚佢依然唔肯同我哋食 我哋食飯佢就訓覺 訓醒佢寧願去食杯麵...


真係好擔心佢 佢已經身體唔係好 日日又唔係係屋企食
佢而家好似心情好咗 同我哋有傾有講 但我唔知係咪真係
因為佢自從上星期一後都刻意避開我呀媽  刻意唔同佢講嘢


呀媽話以前有叫過佢去睇精神科 佢非常抗拒 覺得自己冇病
但佢又食安眠樂 又飲咖啡 又加埋其他藥 勸極都唔掂
而家又咁樣冷戰法點算好?



引用:
原帖由 lviingtree 於 2019-3-12 10:37 PM 發表

細細個其實佢哋已經成日嗌交 就算幾小事都好 都可以嗌一餐
記得細個唔知因為咩事 佢哋試過鬧離婚 不過最後都冇
經過嘈嘈吵吵廿幾三十年就咁過咗
但係唔知點解幾年前開始我呀爸就過火 有次又係為咗好少事試過攞把刀出嚟威脅呀媽
之後試過一兩次我不在場就有D推撞 不過每次係情緒平復後 佢又好似冇事咁 同返呀媽傾計 回覆正常
上個星期一又再爆發過(我諗已經有年半冇爆發過)佢食食下飯就發脾氣話阿媽成日 ...
更年期嘅夫妻係咁嘅啦,
唔嘈唔安樂,
嘈嘈下又一day.



回覆 引用 TOP

但係未試過好似今次咁。。。冷戰咁耐。。。我又唔知可以點幫佢哋


回覆 引用 TOP

爸爸可能都知佢自己有病,得罪講句,氹你媽咪收吓把口,揾個地方一家人坐低慢慢傾清楚,你爸爸可能傍惶中,再唔係揾社工跟吓,希望你哋好快解決到問題啦,加油呀


回覆 引用 TOP

[隱藏]
其實最重要係你亞媽要收聲.你亞爸一聽到你亞媽把聲就火嚟


回覆 引用 TOP







重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。