註冊 登入



打印

老豆出軌我可以點做⋯⋯

老豆出軌我可以點做⋯⋯ E-mail 此主題給朋友

[隱藏]
我今年就快18,老豆52,呀媽48
其實早一兩年某一日夜晚,我聽到呀媽同老豆係客廳度鬧交,原因係呀媽發現老豆同某女人既whatsapp聊天內容完全超出咗朋友既關係,睇落好似同戀人傾計咁
嗰時老豆死口唔認,話只係開玩笑,係呀媽諗多咗,嗰幾日我哋屋企氣氛都好怪,呀媽仲話如果過唔到自己嗰關就會離婚,不過最後都無事無幹咁過咗兩年
但呢兩年,我有好多次聽到老豆唔見得光咁講電話,又話好掛住嗰女人,想快啲見到佢呀飲到佢煲既湯之類
上年老豆生日前幾日又打電話俾嗰女人,問打算點同佢慶祝生日,我嗰下真係嬲,生日佢都未問我哋點同佢過就諗嗰女人點同佢慶祝。最嬲既係,佢居然同嗰女人講埋嗮啲鹹嘢,仲話好想見到佢著絲襪既樣,自己有乜乜生理反應!
佢同嗰女人可以講啲咁open既嘢,好大可能佢哋有發生關係,萬一係真既,咁我媽點算?有晚我聽到呀媽同老豆發生關係,我為呀媽覺得唔抵,憑乜嘢嗰男人係出面有小三,返到來可以扮乜事都無咁同呀媽上床?
我感覺到佢最近對呀媽既態度越來越差,可以因為少少嘢就發脾氣,雖然未去到出手打人咁嚴重
其實我呀爺都係類似啲咁既人,當初又係出面有女人呀嬤先同呀爺離婚。老豆自己話討厭呀爺,因為呢頭家既關係未完就係出面播種,但老豆而家又踏上呀爺既後路,出面有狐狸精
每次聽到佢同嗰女人講電話我都好嬲好想同唔知情既呀媽講,但又怕呢頭家不成家既家會破裂,雖然呀媽有幫人做家務助理,但始終主要經濟支柱係老豆,所以兩年來我都忍住唔講,一來係自私,怕無咗老豆得呀媽供唔到我讀大學,二來怕呀媽接受唔到
我想等讀完書出來做嘢有能力照顧自己同呀媽先再踢爆呢件事,又怕到時已經太遲,各位可唔可以教下我點做?忍咗兩年已經好辛苦⋯⋯我諗住周不時浪費老豆啲錢,既然佢可以攞錢養小三,點解我呢個名正言順既女唔可以洗佢錢?



湊B必備
你都18歲~
應該明白每個人有唔同際遇
你嘅膽心都係人之常情

試下坦白同你爸爸講:你五十幾歲人,過多幾年都六十歲,有女人埋你身,應該知道為咗咩?唔好忘記媽媽都有為你付出好多~
(如果佢係聰明人,應該明白!但你唔可以責備佢)
但發生咩事,佢兩個始終係你父母~

你要知道,女人的確比較蝕底
無論任何年紀,所以,你將來要好好保護自己,長大後要保護媽媽啊~



你覺得你阿媽係唔知定係扮唔知?


引用:
原帖由 mimimimi1357 於 2019-3-11 11:26 PM 發表

你都18歲~
應該明白每個人有唔同際遇
你嘅膽心都係人之常情

試下坦白同你爸爸講:你五十幾歲人,過多幾年都六十歲,有女人埋你身,應該知道為咗咩?唔好忘記媽媽都有為你付出好多~
(如果佢係聰明人,應該明白!但你唔可以責備佢)
但發生咩事,佢兩個始終係你父母~

你要知道,女人的確比較蝕底
無論任何年紀,所以,你將來要好好保護自己,長大後要保護媽媽啊~ ...
多謝你既分享!我都諗過鼓起勇氣同老豆講,但怕講咗出來會尷尬,而且佢係啲脾氣好臭既人,真係唔知講咗會有咩後果⋯⋯



[隱藏]
引用:
原帖由 Erikson338 於 2019-3-11 11:53 PM 發表

你覺得你阿媽係唔知定係扮唔知?
老豆每次都係呀媽唔係屋企嗰時先講電話,所以我相信呀媽係唔知情



同你呀媽做好資產轉移管理,你做初一我做十五。😆😆😆😆😆😆


回覆 引用 TOP

為子女做番自己本份!我已經年過三十阿媽問我跟邊個🤣我笑到。


回覆 引用 TOP

有冇其他有計傾既長輩, 你可以同佢講吓 / 討論吓? 我好老套, 但對家庭關係, 我都係覺得你可以以愛護, 關懷的心出發去處理, 用同理心諗吓爸爸和媽媽的感受, 不太建議用報仇心態. 如果覺得有幫助, 可以揾D *好* 既社工或轉導人員傾吓. 我覺得呢D 對於18歲的你是有一定難度的, 努力努力.


回覆 引用 TOP

如果我係你阿媽,我會希望知道囉......


回覆 引用 TOP

[隱藏]
你千其唔好講,如果離婚頭家就散...你老豆同個小三一齊兩年都無叫離婚,我估個小三自己都有老公,你咪盡量洗曬你老豆d錢,痴呀媽多d!


睇定d先,唔好開口住,由其是你而家仲未搵到錢


回覆 引用 TOP

你媽都曾經見到你老豆同人傾鹹濕野,你媽都知知滴噶咯,你後生女,你媽點會無你清楚呢,你媽扮唔知,大家不做得太出面,都是不想離婚收場,你如果講出來,層窗戶紙都無了,大家都無面再一起咯,大人時間,小朋友不要參與太多,你媽自己有分數啦


同阿爸攞💲,唔比就爆比阿媽知,大學畢業返工後兩母女飛走佢。


回覆 引用 TOP

大人有大人既世界!可能你覺得我多事,但你千祈千祈唔好多事!


回覆 引用 TOP

[隱藏]
引用:
原帖由 11081985 於 2019-3-12 01:15 PM 發表

你千其唔好講,如果離婚頭家就散...你老豆同個小三一齊兩年都無叫離婚,我估個小三自己都有老公,你咪盡量洗曬你老豆d錢,痴呀媽多d!
係呀嗰小三真係有自己老公!有次老豆同佢講話:你都唔驚俾人發現我驚咩?



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。