打印

老豆受傷後脾氣變得好差

老豆受傷後脾氣變得好差 E-mail 此主題給朋友

[隱藏]
其實原本佢脾氣都唔好
但經過呢次意外後,脾氣變得更差,一言不發就話自己係負累拖累我地成家

係住院期間成日話我地唔識調整醫院既儀器 (佢訓得唔舒服
我地叫護士黎幫手又話唔好麻煩人地,要我同阿媽自己研究
我一直心唸一陣整壞左我地點賠得起啊...

自問出世以黎都係第一次咁去咁耐醫院,唔識都好正常姐...
然後每次因無得出院而發脾氣我地都要請護士黎同佢大戰,之後佢先死死氣接受
(成日叫我地約醫生,但公共醫院既醫生邊有咁易約...

我同我阿媽都自認係無乜常識既人
我自己仲未踏出社會所以知識唔多,特別係保險個方面更加差
而且佢份保險完全係佢自己買,我完全唔知佢個份係點...
我都知目前既自己完全靠唔住,但我都盡力去試同做
到最後都係比佢鬧...

但係老豆出院之後更加變本加厲
而家有小小唔順佢意就係到大發雷霆
有時唔係發起我身上就係發起我阿媽身上
每次見到阿媽咁辛苦照顧佢仲要比佢發脾氣個心真係好痛
但係佢作為病人我又唔敢頂撞佢 (我都只係想叫佢唔好咁鬧阿媽...唔係博嘴)
不過有時阿媽問既問題又真係連我都黑人問號...而且老豆同佢講咩都話自己唔識
結果由傾傾下變左做鬧阿媽乜都唔識,最後連埋我一齊鬧 (都係話我地唔識處理保險既野)

前排有親戚黎探佢,又係到扮哂笑笑口,一走左成隻老虎狗咁
真係令到我好反感,而家每日照顧佢都覺得好似職場咁大壓力
成日都要怕佢會發脾氣,對住佢好似透唔到氣咁
阿媽都因為佢亂發脾氣而偷偷喊左唔知幾次
以前阿爸見到阿媽喊會即刻唔鬧哄返,而且係繼續鬧落去...
真係覺得自己好無能,但又唔知應該點樣去補足自己..

[ 本帖最後由 iamouwk123 於 2019-2-26 09:15 PM 編輯 ]



你倒轉噉諗,宜家先係你認識世界,做返個男子漢大丈夫(斷估你係仔)既時候。無今次既經歷,你同你阿媽永遠都係港童。
你老豆啲親戚朋友無食過佢幾餐飯,唔可以對人發老脾。但你同你媽係佢親人,當最需要你地幫手時,你地就一舊飯噉,你老豆點會唔炆掙?! 
當你老豆叫你研究下點較床時,你有無諗過啲護士忙到甩look,你老豆顧念人地做到氣咳,諗住啲小事你地都搞得掂,然後你地竟然都搞唔掂,嘔唔嘔血?!


唔識嘢畀人鬧就梗架啦!鬧完就長大成人。噉樣第日成家立室先可以頂天立地,唔洗畀老婆睇小。



南謨僧伽吒經
一切有為法,如夢幻泡影

回覆 引用 TOP

提示: 違規內容已被屏蔽
引用:
原帖由 iamouwk123 於 2019-2-26 09:14 PM 發表

其實原本佢脾氣都唔好
但經過呢次意外後,脾氣變得更差,一言不發就話自己係負累拖累我地成家

係住院期間成日話我地唔識調整醫院既儀器 (佢訓得唔舒服
我地叫護士黎幫手又話唔好麻煩人地,要我同阿媽自己研究
我一直心唸一陣整壞左我地點賠得起啊...

自問出世以黎都係第一次咁去咁耐醫院,唔識都好正常姐...
然後每次因無得出院而發脾氣我地都要請護士黎同佢大戰,之後佢先死死氣接受
(成日 ...
漫漫長路, 有排受.



回覆 引用 TOP

[隱藏]
引用:
原帖由 iamouwk123 於 26-2-2019 21:14 發表

其實原本佢脾氣都唔好
但經過呢次意外後,脾氣變得更差,一言不發就話自己係負累拖累我地成家

係住院期間成日話我地唔識調整醫院既儀器 (佢訓得唔舒服
我地叫護士黎幫手又話唔好麻煩人地,要我同阿媽自己研究
我一直心唸一陣整壞左我地點賠得起啊...

自問出世以黎都係第一次咁去咁耐醫院,唔識都好正常姐...
然後每次因無得出院而發脾氣我地都要請護士黎同佢大戰,之後佢先死死氣接受
(成日 ...
我係做保險既文員, 亦有朋友係agent, 你叫你老豆拎份保單黎睇下,睇下係咪可以cover到~
放心~唔會sell你地! 想幫下你咋! 驚我地會sell你就算啦~
你自己都可以研究下份保單, 唔識可以PM我~我儘量解釋你知!



回覆 引用 TOP

我爸爸以前脾氣都好差 對我媽媽好差 我好憎佢 不過 最近兩三年就好左好多 而加有好多野想同佢講都已經冇左機會⋯


回覆 引用 TOP

我屋企果個係年紀愈大脾氣愈差 


回覆 引用 TOP







重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。