打印

咁小事攪到我婚都結唔成啦(文長)

咁小事攪到我婚都結唔成啦(文長) E-mail 此主題給朋友

[隱藏]
事緣係咁
小弟係國外醫學院度返梗學,下個月準備結婚(先註冊,以後都攪擺酒)
而我有兩個姐姐,大姐姐同2姐姐都係另一個城市生活(不過佢2個唔係住埋一齊),而我地爸爸早走,我地媽媽係寡婦養大我地.... 所以我地三個都好考順佢,我未婚妻亦都好考順佢,如果佢買野佢媽媽或者爸爸,都總會買埋我媽媽戈份,亦都會成日問我媽媽一唔一齊出去,而每次我媽每次都會拒絕,唔想我地浪費錢,畢竟我仲讀梗書之後仲要還貸款。
而我大姐姐2年前開始有產後憂鬱症,到依家表面上基本上冇事但仍然食梗藥。我姐姐既產後憂鬱症是由婆媳關係引發...佢老公係台灣人,基本上係因為我家姐第一胎太得意,佢婆婆想搶走佢自己返台灣養;到我姐姐生第二胎戈陣見到第二胎咸都完全唔理佢,最後我媽媽借左點錢比我姐姐連埋姐夫一齊搬走之後,我媽媽就同佢地住幫忙照顧佢2個細佬.... 不過佢地就因為各種問題而不停鬧交,1)我媽覺得我姐姐軟弱2)佢唔相信有抑鬱症,相信都係自欺欺人,直到我姐姐開始食藥先由佢 3)各種相處問題(例如育兒...生活...)只要有唔滿意既,就會話「我付出左咁多,借左咁多錢比你係度置業離開台灣2公婆etc....」
我姐姐有一次抑鬱症最嚴重既時期踢左佢一腳....之後我媽媽就一直話我姐姐趕佢走,所以黎左同我住(note: 同我姐姐唔同城,坐車要坐半日戈種)而我本來出黎做梗野,屋企一直分租房出去而我就好似管理員咁住係戈度幫我媽管理。到戈段時期 我媽媽亦同意我入學之後租金比我做生活費,等我貸款唔使貸咁多,佢之後就一直同我一齊住。而我未婚妻亦係呢段時間認識我媽,我媽亦好滿意,我未婚妻亦好錫佢老人家。之後我地就提出我地打算結婚既事,但因為我屋企租左3個房出去,而我未婚妻屋企得佢自己一個(佢父母係國內),所以我地就想住我未婚妻戈邊。我媽就一直覺得送左個仔比人,成日話我嫁過去 黎挖苦我;不過最後我都話 學校咁近,其實日日放學我都係返黎溫書,之後我未婚妻都會黎一齊食飯,食完飯我地2個再走.... 我地2家其實咁近,咁其實同一唔一齊住都一樣姐.....我媽媽起初都唔係好情願... 不過佢朋友親戚都覺得,有得簡人想結左婚2夫妻仲同其他租客一齊住,所以我媽最後都同意。不過實行同理想係有差別,因為開學真係好忙,一早起身7點半上堂上到5點,返學返屋企要即刻讀書,讀到食完飯洗完碗,我同我未婚妻要即刻返屋企繼續讀書,再加上平時又要帶媽媽去買送,帶佢出去行下唔係驚悶親佢(佢唔識開車)....所以我打從心裡都覺得如果佢係同我2個姐姐住我係輕鬆返d....(平時如果我媽唔係度,我同未婚妻都係出去買送同去教會,其他時間佢都陪我溫書)而最近我姐姐情緒亦好點(其實我姐姐一直都話,同媽媽住戈段時間壓力最大,病情更嚴重),而我姐夫換左工作要經常出差,所以我媽就再上去幫佢睇細路,今次我姐夫黎我戈邊城市出差,咁岩我呢個禮拜學期完放一星期假,就借左架車比佢,宅係屋企算。
2日之前,我訓訓下收到我大家姐電話話,我媽屌佢因為佢地明明有朋友係附近隨時都可以借車比佢(佢朋友返左香港,比左車匙我叫我幫佢地睇住架車,需要既可以囉去用),偏偏要借左我架車累我挖車使錢.... 我就同我媽解釋.... 其實我今個禮拜學期完左,只係係屋企預習就得....但係之前我冇提過我今個禮拜唔使返學,只係話需要時打車。我媽媽一聽到,就鬧我故意隱瞞...目的係想佢早d,唔想佢住咁耐.....
「之後囉起几日前既事....就係我未婚妻做身體檢查.... 其中一部分要照直腸鏡... 但係照直腸鏡又唔小心比我媽發現左,我媽份人又囉嗦所以成日提(不過都係出於關心咁).... 我未婚妻就覺得尷尬所以想叫我開口同我媽唔好成日提....
我就同我媽講...我知你關心我地,其實好少事,例行身體檢查姐,唔係d咩事黎既... 唔好成日提啦.... 」
結果我媽係鬧我既時候,就提埋我覺得佢煩,話佢自己關心我地都有罪etc..... 我解釋尷尬佢就只話唔尷尬,有咩好尷尬姐
之後又講起我嫁出去既事(其實明明佢多左個女錫佢...) 又話我地冇佢心,講下講下心意呢樣野... 佢又話寄返我地送比佢個袋比佢我地....之後又話我2個禮拜之後註冊戈日佢唔會黎..... 我點解釋都唔聽,連我未婚妻一路咁考敬佢都中埋槍....
所以... 我未婚妻父母到時由國內黎到... 我媽鬧細路仔脾氣唔黎... 到時唔好話婚結唔成,手都要分.... 婆媳關係呢樣野...人人都怕,冇人會想自己個女嫁比唔講道理既婆婆
依家 得番2周時間...我都只係可以日日打去嘗試解釋比佢屌,屌完我都未有機會講野佢就cut線, 再唔攪掂
1) 婚又結唔成
2) 呢個學期佢原本話佢幫我交學費,結果依家咁樣... 我臨時加大唔到貸款額..... 除非真係要問親戚借/我未婚妻父母借.... 唔係書都冇得讀

其實講到尾... 我借左架車比我姐夫咁少一件事引起既誤會....



你唔再氹你阿媽就冇事,縱容出黎的,而且停止一切她的經濟援助,完


回覆 引用 TOP

好心你未出身就咪結婚啦。


回覆 引用 TOP

你亞媽無做野太耐。一個女人。一個人咁多年。雖然辛苦養大你地三個。但難免佢一個人既時候會諗多左。覺得負出無回報。再睇下你講啲野。 就知你亞媽一個朋友都無。所以日日都搵你地三姐弟妹麻煩。

學樓上話, 唔好再逗佢。因為佢以經諗埋一邊。反而叫佢出去識下朋友。 飲下茶食下包 傾下計。咁佢就知佢幾咁不可理喻 同 old school, 但要佢識朋友都係難。 辛苦你女朋友喇, 同埋。父母陪自己半世人。伴侶陪自己一世。如果個女朋友係好既, 你就唔好放棄喇,

再唔係叫你三媽追下劇啦。分散佢注意力



回覆 引用 TOP

[隱藏]
學費都仲要呀媽幫你交 就咪學人結婚啦


你老母就係敏感的人,你家姐都顶不了!不要连累女朋友,好好读完书再算!而且你老母单亲养大你,可以的话先顺著她,向她认罪先,婚,你有本事先结啦!


回覆 引用 TOP

引用:
原帖由 韓風謝皮的羊羊 於 2019-2-23 06:25 AM 發表

事緣係咁
小弟係國外醫學院度返梗學,下個月準備結婚(先註冊,以後都攪擺酒)
而我有兩個姐姐,大姐姐同2姐姐都係另一個城市生活(不過佢2個唔係住埋一齊),而我地爸爸早走,我地媽媽係寡婦養大我地.... 所以我地三個都好考順佢,我未婚妻亦都好考順佢,如果佢買野佢媽媽或者爸爸,都總會買埋我媽媽戈份,亦都會成日問我媽媽一唔一齊出去,而每次我媽每次都會拒絕,唔想我地浪費錢,畢竟我仲讀梗書之後仲要還貸款。
...
在台灣讀書係出路難的!書未讀完就結婚?



回覆 引用 TOP

唔明點解要呢個時候結婚


回覆 引用 TOP

你媽唔係想聽解釋,係想你跟佢主意去做。你想氹返你媽,只要唔結婚,唔要呢個女朋友,搬返屋企。就Ok

但如果你順返你媽主意,你媽就會更進一步,咩事都會發脾氣。因為你可以為佢做到呢個地步。

我贊成樓上各位建議,唔好氹返你媽。呢個女仔你覺得好,就唔好放手,因為係一世的。唔結婚,唔擺酒住。等你2公婆出身左結。現時專心學業先。學費及生活費確實係問題,如果可以問親戚或外父外母借到,就借吧。你媽已經趕走左個女,都未學到接受你地幾姊弟長大既事實。



[隱藏]
Too bad nothing u can do. No money ar ma.
Your mum is your boss that pay u.



回覆 引用 TOP

一個女人仔單身湊大幾個到頭來眼見一個一個咁搬走,一定很難受的!

婚可以遲d結,反正未讀完書結乜Q野婚丫,仲要阿媽交學費氹返阿媽先講,其他一切不太重要,好在你有個孝順又體諒的未婚妻,同佢商量求佢體諒再作打算。



回覆 引用 TOP

未有獨立經濟能力,有啲問題比較難處理。


回覆 引用 TOP

遲D結婚咯!


人生從痛苦開始,可幸經歷從不平凡,但願生命中能有一點歡笑,餘下生命能與意中人一齊渡過。
引用:
原帖由 秋天花色師姐 於 2019-2-25 02:50 AM 發表

學費都仲要呀媽幫你交 就咪學人結婚啦
同意
自己都未搞得店就去結婚



回覆 引用 TOP

[隱藏]
講到一舊舊,究竟up緊乜?


回覆 引用 TOP

 19 12
 提示:支持鍵盤翻頁 ←左 右→






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。