註冊 登入



打印

[其他] 係咪我有問題? 文章太長...慎入

係咪我有問題? 文章太長...慎入 E-mail 此主題給朋友

[隱藏]
我地今年10月就結婚,依家我好似有左婚前恐懼症。
我同佢拍左4年拖,一開始已經對佢既家庭背景有顧慮,
只係因為我屋企人一直話佢好,
佢又用行動打動左我,我先嘗試同佢發展,
拍拖以黎佢都好錫我,雖然一開始成日嘈交,但最後都會和好,
直到依家就黎結婚我先睇清佢屋企人係咩人。

1. 我一開始係想旅行結婚,想請屋企人去旅行見證我地既婚禮,
但係我父母係好慳家既人,我成日想同佢地去旅行去玩,佢地都唔肯。
加上佢父母已經離異,覺得一齊去旅行會面阻阻。
由於我特別希望一個家齊齊整整,最後決定擺酒,最少擺10圍可以包場,
呢個婚禮因為雙方家長既擇日有問題而推遲左一年,我外婆係個專業擇日師傅+大妗姐,而未來奶奶又堅持要男方揀日子,但又唔肯搵專業人士揀,最後直到上年年尾匆忙下先定到日子,
場地既選擇我地去左幾次婚展,拎左好多好多資料比未來奶奶睇,佢睇岩既人地又冇位,再唔係就好貴,
我朋友話我結婚應該要揀個自己中意既地方,再次去婚展既時候再問,bigday當日已經好多細場都比人book晒,
所以我揀左間自己想去既場地。
點知呢間揀完未來奶奶唔中意,仲話擔心左幾日訓唔著教,最後就帶埋佢去場地搵負責人詳談。
由呢一日起我既身體健康就出現左問題,因為壓力太大。

2. 因為我媽做完手術未好番,我要陪佢。
我家人同親戚好錫我,錫我仲要錫埋佢,就算佢冇番去拜年,拍4年拖,利是都係唔會少左佢,
我想睇下佢屋企人係咪都咁鍚我,因為我未收過佢地既利是,唔係未見過佢地,
所以今年新年我買左3份禮物叫男友帶番去比佢既大舅細舅同婆婆,
3份禮物,3個家庭,理應5封利是,依家得2封,
唔係錢既問題,因為錢已經同我屋企人果封冇得比。
但因為咁而令我睇清關係。

3. 佢姑媽每次見到我都唔會有好野講,唔係話我肥,就話我成個師奶咁,
而我男友肚腩大到豬咁都唔會話佢肥,只係話佢骨架大,
琴晚食飯之後仲要叫我咪曬錢出去食食食,要留番D錢第日生仔養仔,
係咁用隻手撞我,話見到我FB拎住飲料黎影相,但係我想講既係,我已經好耐冇出去食囉,
杯野都只係RMB 5,兩個人飲,咁都未夠慳嗎?
肚餓唔比食野嗎? 覺得個地方靚唔可以影相留念嗎?
張相係好耐之前去大陸玩果時影。我做緊乜野我好清楚,叫我留番D錢生仔唔飲唔食宅係屋企??
嬲起上黎我唔鬼生啊 !憑咩要求我點做,我自己已經好知慳識儉

4. 佢阿叔仲搞笑,每年我都買盒禮物送比佢,今年我同男友要去婚展,所以拜託佢爸爸幫忙拎比佢阿叔,
今年雖然唔係我親手比禮物,但佢可以直頭miss左我。

5. 男友成日講我同佢結婚而唔係同佢既屋企人結婚,叫我咪理佢地,
人言可謂,
我點做都會係個箭靶,
佢姑媽阿爸成日都覺得我好得閑,叫我要提下佢個仔既所有事,
我真係唔知我既角色係佢阿媽定老婆。
6. 由決定左日子之後,我每日都忙住搵資料,要買D咩,有咩程序,但男友可以係我面前係咁玩手遊 / 訓教,
我未見過佢係有幫過手,傳統婚禮習俗佢媽有自己鄉下既要求,我叫佢問下,等我好睇下有咩可以準備同買,
佢可以拖好耐都唔覆我,要我不斷催先得。

7. 依家我連衫都未揀,我買左個plan係有8套衫任揀,原本係新娘4套(1裙褂,2晚裝,1婚紗),新郎2套,
仲有2套比兩位主人家,依家我同男友講,既然未來奶奶要2套,
變左我媽都要2套,新郎2套,未來老爺1套,新娘1套褂咁樣好唔好,佢竟然話好,仲要好正經咁講。
我爸幫我慳錢,佢話番大陸求其買一套西裝就算,咁樣既話我就自己去買多2件晚裝1件婚紗($500樓下),但個心真係唔舒服,
個婚禮我都有比錢,但我竟然著唔到自己中意既衫



依家既狀態真係好討厭,點算好

[ 本帖最後由 今天藍色裙 於 2019-2-11 01:45 PM 編輯 ]



給她驚喜
引用:
原帖由 今天藍色裙 於 2019-2-11 12:20 PM 發表

我地今年10月就結婚,依家我好似有左婚前恐懼症。
我同佢拍左4年拖,一開始已經對佢既家庭背景有顧慮,
只係因為我屋企人一直話佢好,
佢又用行動打動左我,我先嘗試同佢發展,
拍拖以黎佢都好錫我,雖然一開始成日嘈交,但最後都會和好,
直到依家就黎結婚我先睇清佢屋企人係咩人。

1. 我一開始係想旅行結婚,想請屋企人去旅行見證我地既婚禮,
但係我父母係好慳家既人,我成日想同佢地去旅行去玩 ...
其實妳個婚禮都搞到咁樣, 真係唔結好過結
不過妳又唔好咩都怪晒人地, 咁樣既局面妳自己都有一半係自己造成

首先我唔明點解妳同條仔拍左4年拖, 妳仲可以容許條仔大懶蛇咁樣
根本佢屋企人唔錫妳, 呢個男人已經嫁唔過, 唔好俾個男人甜言蜜語呃倒
要知道港男十個有十個係裙腳仔, 智商同經濟能力基本上要減一半, 即係30歲男人大概只得女人15歲左右的智商同經濟能力, 嫁人唔係只係嫁老公, 仲係嫁俾佢家庭
佢屋企唔錫妳, 老公點錫都冇用, 第日有排妳受

其實拍拖就係一個馴化男人同佢家庭既一個過程, 樓主好明顯4年來係呢方面係交白卷, 好奇一問4年妳做過乜? 係用咩策略去收服個男人身心? 定係純粹行街睇戲食飯?

最後睇到妳嫁人仲要自己夾錢 -- 真係當堂暈低。唔該唔好影衰女人。此post已完。

樓主唯一出路, 即刻分手。立即的起心肝減肥扮靚, 半年後再出擊揾一個好男人。妳嫁過冇用既老公, 除非妳自己屋企大把唔至在(但妳講左普通家庭出身), 否則呢一世有排捱。最慘係妳D仔女, 要跟個咁既爸爸, 注定一世都好慘。忠言逆耳, 妳自己諗下



引用:
原帖由 RayC-racing 於 2019-2-11 12:50 PM 發表



其實妳個婚禮都搞到咁樣, 真係唔結好過結
不過妳又唔好咩都怪晒人地, 咁樣既局面妳自己都有一半係自己造成

首先我唔明點解妳同條仔拍左4年拖, 妳仲可以容許條仔大懶蛇咁樣
根本佢屋企人唔錫妳, 呢個男人已經嫁唔過, 唔好俾個男人甜言蜜語呃倒
要知道港男十個有十個係裙腳仔, 智商同經濟能力基本上要減一半, 即係30歲男人大概只得女人15歲左右的智商同經濟能力, 嫁人唔係只係嫁老公, ...
其實唔明點解你要話我影衰女人,要嫁個幾有錢人既人先得?  我班朋友結婚都係有夾錢嫁人

[ 本帖最後由 今天藍色裙 於 2019-2-11 01:10 PM 編輯 ]



回覆 引用 TOP

什麼也好,不喜歡就同他講清楚,看看有無共識?


[隱藏]
引用:
原帖由 儍廢物 於 2019-2-11 01:11 PM 發表

什麼也好,不喜歡就同他講清楚,看看有無共識?
有同佢講清楚,但佢只叫我唔好理其他人,因為係嫁佢而唔係嫁佢屋企人
佢親戚唔錫我佢都改變唔到



引用:
原帖由 今天藍色裙 於 2019-2-11 01:47 PM 發表


有同佢講清楚,但佢只叫我唔好理其他人,因為係嫁佢而唔係嫁佢屋企人
佢親戚唔錫我佢都改變唔到
咁又啱喎,只要嫁左、丈夫未來唔好迫妳去見那些親戚、可以了



引用:
原帖由 儍廢物 於 2019-2-11 01:51 PM 發表


咁又啱喎,只要嫁左、丈夫未來唔好迫妳去見那些親戚、可以了
點可能唔逼我去見... 佢叫我唔洗理佢地講乜, 咁即係掩耳盜鈴



引用:
原帖由 今天藍色裙 於 2019-2-11 02:03 PM 發表


點可能唔逼我去見... 佢叫我唔洗理佢地講乜, 咁即係掩耳盜鈴
well⋯⋯咁樣?我唔想咁直接答妳了、抱歉



回覆 引用 TOP

其實你要好清楚咁同你男朋友講你既想法...
如果佢都吾企係你果邊...問題就好大...究竟你係嫁比佢定嫁比佢屋企人?
如果你真係非君不嫁...建議你吾好擺酒~攞苦上身...仲要你吾係主角,有乜謂?



[隱藏]
知唔知點樣有一個好奶奶同好老爺?就係首先你老公要夠好。只要你老公識做,識應對,識照顧你感受,識得分是非黑白,識得湊佢自己嗰邊嘅家人,你自然識有個好嘅夫家。文中所睇你老公似係乜都唔想理嘅人,結咗婚後生活上有好多野要兩人有相有量先可以長久,你自己衡量下佢係咪適合人選


樓主、睇完你篇文,我覺得如果真係要結,我建議真係唔好擺酒啦。淨係擇日都咁多問題,係呢個時間就應該直接低調結婚就算。你的男友根本駝鳥,完全無幫手,仲要係婆媳關係上(唔知算唔算)完全採取迴避政策。我睇唔到你結左婚後、你的另一半將會點幫你囉。
我只係覺得,如果嫁左仲衰過做女時、咁唔好嫁啦。



引用:
原帖由 今天藍色裙 於 2019-2-11 12:20 PM 發表

我地今年10月就結婚,依家我好似有左婚前恐懼症。
我同佢拍左4年拖,一開始已經對佢既家庭背景有顧慮,
只係因為我屋企人一直話佢好,
佢又用行動打動左我,我先嘗試同佢發展,
拍拖以黎佢都好錫我,雖然一開始成日嘈交,但最後都會和好,
直到依家就黎結婚我先睇清佢屋企人係咩人。

1. 我一開始係想旅行結婚,想請屋企人去旅行見證我地既婚禮,
但係我父母係好慳家既人,我成日想同佢地去旅行去玩 ...
你在她們心目中只不過係一件生仔工具
當然所以錢要留比距地將來D子孫
我唸你應該明白你只不過係一件工具
如何可以 回頭是岸 搵過第二個



由你男朋友係㨂衫話好個一刻,就知將來有咩同佢屋企有意見分岐都只會叫你忍下,就知嫁唔過。仲要講咩唔係嫁俾佢屋企,即係佢完全唔覺係問題/唔諗住解決,只係hea 你。 同埋點解新郎有兩件,新娘得一件?

睇哂種種,佢屋企人完全無尊重你。最簡單,送左三份禮,收番兩封利是,已經唔計你本身有冇利是,連最基本回番份禮都唔做足。

佢d親戚一蚊都無養過你,憑咩對你指指點點。你男友仲要唔幫拖。你唔係信結左會好d? 一個女人係未嫁前最有 bargaining power ,你而家已經搞成咁,你仲對你男友有期望?

我同意呢4年,你的確係無調較你男朋友, 但你要好認真同你男友傾下,唔係要改變佢屋企,係要你男朋友保護你,隔左d難聽既聲音,要幫你發聲。如果你男友做唔到就算。你屋企人咁錫你,俾佢地知你嫁仲衰過做女,佢地真係寧願你唔嫁。



引用:
原帖由 帆立貝壽司 於 2019-2-11 04:19 PM 發表

知唔知點樣有一個好奶奶同好老爺?就係首先你老公要夠好。只要你老公識做,識應對,識照顧你感受,識得分是非黑白,識得湊佢自己嗰邊嘅家人,你自然識有個好嘅夫家。文中所睇你老公似係乜都唔想理嘅人,結咗婚後生活上有好多野要兩人有相有量先可以長久,你自己衡量下佢係咪適合人選 ...
老爺奶奶方面依家已經好好多,只係佢既姑媽阿叔舅父阿婆果一堆,雖然唔常見,但佢都要求我過時過節要應酬下佢地,但因為呢幾日我睇清佢地,難想像之後會點



[隱藏]
引用:
原帖由 小Kim~ 於 2019-2-11 03:48 PM 發表

其實你要好清楚咁同你男朋友講你既想法...
如果佢都吾企係你果邊...問題就好大...究竟你係嫁比佢定嫁比佢屋企人?
如果你真係非君不嫁...建議你吾好擺酒~攞苦上身...仲要你吾係主角,有乜謂? ...
佢話佢係企我呢邊,所以一直努力賺錢買野比我,帶我去玩,但呢D都會比佢果個獨居姑媽有野講,講到係我唔識諗,亂洗錢



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。