註冊 登入



一齊左三年,身邊朋友一直都好羨慕,覺得我老公好就我好錫我
但其實,覺得自己係在乎面子工程
鍾意將好果面同人分享
事實上,我老公都真係好願意為我付出,基本上我要嘅,佢都會盡量滿足我,我幾夜翻屋企,佢都會揸車出嚟接我
但係,佢個人比較負面,佢的確通常最後會去跟從我想要嘅結果,成個過程佢會有好多怨言,
佢思想比較負面,所以同佢一齊嘅時候,睇到嘅世界好似都比較黑暗,佢成日睇到好多雞毛蒜皮嘅事睇到好大好執着,
但係我份人就比較樂觀隨性,我鍾意睇到啲嘢盡量正面啲搞笑啲。
我由以前鬧佢 搞到兩個人都炆憎,慢慢明白個相處之道就係無視佢,我好似可以完全聽唔到佢把聲咁樣,我都唔知道咁樣叫唔叫做健康?


細個覺得,男朋友最緊要就係錫自己,遷願意遷就我 就等於鍾意我
所以每次拍拖,男朋友基本上都係更加遷就我
可能呢個相處嘅過程裏面,令到我覺得自己有啲成長,
其實愛情,真係唔止係要對自己好,最重要嘅係要價值觀相近,
然後我就知道,點解我哋成日都會鬧交?
於是,唔止一次我諗起我D前度,對佢哋有時會覺得後悔,有時會有啲懷念。

我試過幾次同佢講分手,但係佢真係會好激動,仲試過死,試過真係撞到個頭流晒血⋯⋯⋯
我覺得佢好痴線,同一時間我有理解到我對佢真係好重要。

我都覺得佢真係好愛我嘅,或者,呢個世界上未必會有第二個人會為我咁樣付出,對我咁好、對我咁忠誠....
我成日鬧佢,有時仲會郁手打佢,佢份人雖然唔係冷靜,但係無論佢點樣激動都唔會傷害我⋯
我好似都習慣咗呢種模式,最後都接受左佢好用心嘅求婚。

我必須承認,佢係對我好嘅男人,會係賺咗$10都會比$9我用嘅人,
但係,我係好多嘢講嘅人,但係我同佢仲係唔可以傾好多計,就算分開咗兩個地方,我都唔會掛住佢⋯⋯⋯
所謂新婚嘅甜蜜,其實我都冇乜⋯⋯⋯⋯
我成日覺得,可能呢啲就係我當初冇勇敢同佢分手嘅代價



引用 TOP

被引用(26)
趁未生仔 依家趁後生仲黎得切
勇於追求幸福 人生才有價值



引用 TOP

睇完啦!
樓主呢啲係唔定性既表現,好難滿足的心態,世事不會盡人如意,祝你好運常伴。



你所講呢d,喺你選擇接受佢嘅求婚同佢結婚之前你已經知,你都係選擇咗,咁點解要依家先攞嚟講?
而你都拍過幾次拖,應該清楚知道咩先係自己鐘意咩先係啱自己,但你都最終只係選擇咗一個對你好嘅男人而唔係自己真正愛嘅男人...你依家同佢所謂嘅相處之道只係逃避,而冇好好咁面對個問題同嘗試解決...你既然話你自己係樂觀隨性,咁點解唔再試下改善呢d嘢呢



引用 TOP

真係有此男人,你執到!


引用 TOP

既然接受咗就無得後悔。唯有接受。


引用 TOP

賤hi


引用 TOP

開始廢up,開始醒覺,都係搵個有錢既最實際。


引用 TOP

人與人相處時每個問題都係相對既,無話邊個錯晒,問題和困難都係慢慢衍生出來,你同第二個一齊,會有第二樣問題,佢同第二個亦一樣,所以最重要係包容,寬厚,識欣賞優點。
拍拖耐先結婚仲邊有甚麼大甜蜜可言,不過好明顯你唔多愛佢,你選擇左被愛而非去愛,就一定會係咁,你選擇被人選擇而非你去選擇人(即係被追求),都好大機會會咁樣,又或者係你唔懂得去愛,去珍惜。



引用 TOP

無論你呢個post 有幾長⋯⋯
最尾果句就係整篇嘅重點,你前半生作既因,及下半生將會受既果;至於點樣取捨,隨緣吧,莫強求,正所謂:善惡到頭終有報!哈哈😄



引用 TOP

睇黎好似你負面多D

你都係睇下心理醫生啦



引用 TOP

你抽多D時間陪你老公出去走走吧,在家恩愛一點,唔好讓他太孤單


引用 TOP

咁你玩成啦.


引用 TOP

講得白d姐系有第三者追妳又岩既妳就會一腳踢走佢


引用 TOP

感覺係你唔珍惜多d 未玩夠未準備好結婚心態 再簡單d說 人生未夠黑仔


引用 TOP

伸延閱讀
 27 12
 提示:支持鍵盤翻頁 ←左 右→
[按此隱藏 Google 建議的相符內容]
發新話題發佈投票




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。