註冊 登入



打印

[原創] 人總有脆弱既時候

人總有脆弱既時候 E-mail 此主題給朋友

[隱藏]
我唔知點講,只係個心唔舒服,想發洩一下,長編大論唔知噏乜,唔好見怪
我4x歲,好早已離婚,孤身養到個仔讀大學,
由最初好想搵個伴,到慢慢享受單身,
其實好厭倦愛情生活,因為唔係個個咁好命,
有拖拍亦唔代表一定甜蜜快樂,好多時係好大壓力,
雖然唔拍拖啫,我也不會封閉自己,我朋友圈子細,所以間唔中會喺APPS識朋友,
純粹吹水,好小見面,雖然APPS係好多人約,不過要好小心識人,
就好似網上同女仔吹水咁,男女一樣咁傾,都識到小量比較正常的人,
諗住平平淡淡過就好。

但.......有時唔係我想平淡就唔會有事發生,
有時有啲嘢想避都避不開,有個傾咗成年網友,好好傾,有共同興趣,
感覺都可以真正見面做朋友,因為佢成日約我關係,我就同佢出去唱K食飯,應該無咩問題,
點知....撻著咗,但其實我唔想的,因為佢有女友,所以我決定唔再聯絡佢,
無同佢聯絡這一年內,佢間中找我,我無回應過佢,直至佢同我講,佢同女友已分開,
其實佢哋早已有問題,佢話好掛住我,想同我發展,我脆弱心先再次接受佢,始終我仲覺得佢對我係真心,
可惜....到最後佢都放棄咗我,佢咬住我不放,最後放棄我又係佢,比同一個男人傷兩次,我真好傷心...

所以去交友apps搵人傾下計,因為感情事...我唔會同家人講,同朋友都小講,
同啲唔熟既人傾,可以更無保留,都好好彩遇到啲傾到計既人,
佢哋很聽我講,佢哋會比小小意見,慢慢我張個男人放低,
同時亦識到一堆新朋友,當然唔會個個都啱傾,都是閒聊下,
通常佢哋都會好快約出街,但係我通常傾到比較熟,同識一段時間先考慮見面,
而大部分apps既人,通常都無乜耐性,你唔多講嘢,又約極都唔出街,
佢自動會消失,但總有啲係比較有耐性,亦即係啱傾啲,

而最近有個細我十年既男仔,成日話好鍾意我,又話認定我係女友,
但未見面,只係見過相,真有啲搞笑,佢成日約我出街,咁當然佢不是SALES,
我一直推佢,了解不多,就唔想浪費時間,
但佢久不久就約我,其實除咗成日話我係佢女友,佢都係正常人嚟,佢個人都好風趣
樣不錯,有正常工作,過年佢又約我,我見識咗佢半年都有,
我又咁啱比個仔激親,咪同佢出去食下嘢同睇戲,我無諗住同佢發展情侶關係,
同佢食完嘢去公園行下,佢叫我坐低,無諗過佢會攬住我,仲想鍚我,
我同佢講..我哋只係第一次見,我不是咁隨便,我對佢講我係對感情好認真,佢話佢知,
話佢鍾意咗我好耐,雖然我比佢嚇親,但內心居然不太抗拒,我心諗:唔係鍾意咗佢呀??
到回家後,我居然掛住佢,唉....其實我一向好理智,我好恨我自己,點解無啦啦又鍾意咗佢,佢細我十年,
而且又不是常找我,對佢了解咁小,佢是否對我認真都未知,希望過幾日我平靜啲清晰一啲(發洩完)

[ 本帖最後由 如夢泡影 於 2019-2-8 09:20 PM 編輯 ]



回覆 引用 TOP

[按此隱藏 Google 建議的相符內容]


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。