• 瀏覽: 1,467
  • 回覆: 4
  • 追帖: 4
[隱藏]
先講下我皮膚的情況:28歲,油性皮膚。中學時期生咗好多豆豆,豆豆都集中係嗰面既兩邊,鼻就唔多,d毛孔特別大,後來做嘢下巴經常生豆豆,都唔知係咪夜瞓,到宜家留抵咗好多豆豆印

之前都試過好多護膚品,補水控油去豆印全部試過,skx estexlautxx 護膚品前前後後買咗唔少,但是效果真係唔明顯,後尾同事話之前係間做美容院做過laser 效果好好,叫我唔好再嘥錢買護膚品,我都Google下d 相同既case 係咪講得真係咁好。Search咗好多不同資料,都話去豆印收縮毛孔一般係做激光治療比較好,所以我就叫佢幫我make咗個appointment。

上到去我等咗半個鐘到,有個顧問Niki同我解釋咗豆豆印的形成同埋佢都幾細心分析咗我既皮膚情況,佢話我比較適合做分段式二氧化碳激光療程(我個心諗做乜都冇所謂最緊要好)。如果ok 今日可以幫我做第一次,再教我點樣係屋企護理佢,每次隔一個月左右,佢話差不多做6次就有我想要求嘅效果,於是我返出reception 等佢準備。等等下見到有個男仔走入來話預約咗 appointment,我見佢 d 暗瘡印仲犀利過我全面都係,心諗咁都有得整,今次我有救啦!haha!! (過程下次講)



再講返..療程大約15分鐘左右,過程唔係感覺特別痛,只是有輕微的刺痛,時不時聞到燒濃嘢既味道。做完後,搽咗d 藥膏就可以戴口罩回家啦。 不過返到屋企有d興烚烚嘅感覺,好似燒傷一樣,有小小驚打電話問我同事係咪咁架,佢話佢都係咁,慢慢會好d 於是等咗3個鐘頭到d 痛既感覺完全無曬。

宜家再同大家分享下有啲要註意既事:
飲食要避免食辣野, 戒煙酒。一定要註意防曬(好重要,好重要!防曬唔好會有色素沈澱)。

😊我嘅Case:大約5日結焦,個鼻旁邊慢d 大概7日。結焦脱落後皮膚會好紅下,但是有新皮膚生出來既感覺,過兩三日就慢慢退色。

我感覺毛孔真係細咗,於是我跟住再做咗2次,過兩日第4次,做完之後我再分享d 相比大家對比下。



引用:
原帖由 kokobb2 於 2019-2-11 05:36 PM 發表


係乜來?
除暗瘡印吖



引用:
原帖由 littlewin77 於 2019-2-3 11:17 PM 發表

再講返..療程大約15分鐘左右,過程唔係感覺特別痛,只是有輕微的刺痛,時不時聞到燒濃嘢既味道。做完後,搽咗d 藥膏就可以戴口罩回家啦。 不過返到屋企有d興烚烚嘅感覺,好似燒傷一樣,有小小驚打電話問我同事係咪咁架,佢話佢都係咁,慢慢會好d 於是等咗3個鐘頭到d 痛既感覺完全無曬。

宜家再同大家分享下有啲要註意既事:
飲食要避免食辣野, 戒煙酒。一定要註意防曬(好重要,好重要!防曬唔好會有色素沈澱) ...
已經做啦!比之前既好好多



回覆 引用 TOP

[隱藏]
引用:
原帖由 daisypig 於 2019-2-12 04:22 PM 發表


好多LASER都可以去到印架
主要$合理

[ 本帖最後由 littlewin77 於 2019-2-12 09:49 PM 編輯 ]



回覆 引用 TOP

[按此隱藏 Google 建議的相符內容]