註冊 登入



打印

問關於請外傭照護長者

問關於請外傭照護長者 E-mail 此主題給朋友

[隱藏]
大家好,小弟從未請過外傭,最近打算請一個外傭照顧家中長者,想請各位俾少少意見,在此先謝各位有心人解答。

我屋企只有兩位分別84歲(家母)及89歲(家父)嘅長者同住,狀況如下︰

家母: 無大病過,行得走得,不用枴杖落到街買餸煮飯,只係幾個月要去一次政府診所覆診拎血壓藥,能照顧自己,平日主力由佢照顧家父。佢係泰國華僑,泰文及潮州話流利過廣東話,廣東話聽無問題,講就得七八成,有時外人都唔太明佢講乜。

家父︰病歷有高血壓、貧血、氣喘(醫生未搵到原因,仲 check 緊)、撞聾(基本上要喺佢耳邊大大聲講先聽到),曾兩次因小病痛入院住過幾日,但無長期住院記錄。行動少許不便,屋企扶住桌椅行,出外要用枴杖。估計有認知障礙(無正式check過),例如醫生問佢住邊,佢講左舊居地址 (但我地搬左屋已十五年),又試過夜晚無啦啦出左屋外走廊話要返工...似乎係夜晚瞓到迷迷糊糊個人會亂,日頭佢就未試過亂咁走出屋,而且近年佢自己都唔想亦唔會出街。現在佢認到家人,識睇電視,識自己食飯,但唔係咁表達到自己,始終年近九十,預計情況會慢慢差落去...佢平日由家母照顧,家父識廣東話,不會泰文,佢同家母溝通主要係講潮州話。

我已經搬左出去幾年,一星期最少會返去一晚睇下佢地有無嘢要幫手,但不會過夜。平日得佢兩老喺屋企,雖然已裝 CAM 及平安鐘,但始終唔放心,最擔心家父屋企跌親而家母又咁啱出左去買嘢就大鑊。再者,家母雖然行得走得,但始終都八十幾,都擔心佢出街買餸或在家會有乜意外。

佢地除左我就無其他親人會照顧佢地。

屋企四百幾呎得兩老住,兩房,打算日後外傭與家母同房,家父瞓另一間房,住方面應該無大問題。

基於以上情況,近來開始想搵外傭,主要工作範圍如下︰
1. 一般家務
2. 照顧兩老起居飲食及食藥
3. 陪兩老落街散步
4. 帶兩老覆診
5. 帶家父去物理治療 (醫生話最好每星期帶佢去做下物理治療練下腳力,但小弟因工作實在無法個個星期請假同佢去,所以最後不了了之,現只能夠叫佢喺屋企踩下腳踏機)

對家傭有以下要求︰
1. 必須識廣東話
2. 想找年紀 35-45歲,太後生怕佢唔定性,因照顧長者都幾悶
3. 體格要壯健少少 (要夠力扶老人家出入)
4. 有照顧長者經驗

想請教一下大家:
1. 對於挑選家傭照顧長者,大家有乜提議或經驗俾小弟?
2. 有人話照顧長者選印傭會較好,因較有耐性,大家點睇?因家母識泰文,大家對泰傭評價如何?
3. 搵中介有乜地方要留意?因為網上見到太多個案話啲中介差,講到好似間間都係黑店咁...而我未請過家傭,擔心會被騙。
4. 根據大家經驗,揀喺香港做過嘢嘅外傭好,定新來港嘅比較好?

[ 本帖最後由 fatsmp 於 2019-1-29 09:13 PM 編輯 ]



引用:
原帖由 fatsmp 於 2019-1-29 08:59 PM 發表

大家好,小弟從未請過外傭,最近打算請一個外傭照顧家中長者,想請各位俾少少意見,在此先謝各位有心人解答。

我屋企只有兩位分別84歲(家母)及89歲(家父)嘅長者同住,狀況如下︰

家母: 無大病過,行得走得,不用枴杖落到街買餸煮飯,只係幾個月要去一次政府診所覆診拎血壓藥,能照顧自己,平日主力由佢照顧家父。佢係泰國華僑,泰文及潮州話流利過廣東話,廣東話聽無問題,講就得七八成,有時外人都唔太明佢講乜。 ...
印傭對長者有耐性?想得美啦樓主,有無耐性是個人不是國藉,我外家以前印傭對長者好好,但我係醫院又見過只玩手機的印傭
35至40太老了,體力有限,學嘢慢。28至32可考慮。
識泰文當然請泰傭好啲,仲有引入泰傭咩?
一個照顧兩個,做家務,煮飯,無獨立房,樓主,唔係撥冷水,你都幾難請到啦,除非請兩個,或者畀到5500至6000



回覆 引用 TOP

估計有認知障礙(無正式check過),
和醫院社工說,進行評估。

會有政府資援。提供訓練,會改善,至少不會退步。
但唔係咁表達到自己,始終年近九十,易有憂鬱症。
 
申請長者律貼吧。



现在的人抱怨太多,感恩太少;要求太多,给予太少;总是期望被理解,却不能理解别人;总是希望别人多为自己着想,却不懂得换位思考!
佢係泰國華僑,泰文及潮州話流利過廣東話

泰國有冇親友協助找个泰傭???

方便溝通。磨合易D,相處少出問題。



现在的人抱怨太多,感恩太少;要求太多,给予太少;总是期望被理解,却不能理解别人;总是希望别人多为自己着想,却不懂得换位思考!

回覆 引用 TOP

[隱藏]
一個照顧兩老,做家務,煮飯,無獨立房,可以的。
有海外工作經驗。
本地的呢,也有机會有。

外傭愛湊老人家, 原因做也得,唔做也得。
老人多數不工作,手头很松。錢易偷D。



现在的人抱怨太多,感恩太少;要求太多,给予太少;总是期望被理解,却不能理解别人;总是希望别人多为自己着想,却不懂得换位思考!
菲菲未必肯做


回覆 引用 TOP

奇實份工有點難做


問下老人家意願先,最好比佢地選擇。因為一齊住,麻煩多,最主要睇你好吾好彩啦


回覆 引用 TOP

引用:
原帖由 fatsmp 於 2019-1-29 08:59 PM 發表

大家好,小弟從未請過外傭,最近打算請一個外傭照顧家中長者,想請各位俾少少意見,在此先謝各位有心人解答。

我屋企只有兩位分別84歲(家母)及89歲(家父)嘅長者同住,狀況如下︰

家母: 無大病過,行得走得,不用枴杖落到街買餸煮飯,只係幾個月要去一次政府診所覆診拎血壓藥,能照顧自己,平日主力由佢照顧家父。佢係泰國華僑,泰文及潮州話流利過廣東話,廣東話聽無問題,講就得七八成,有時外人都唔太明佢講乜。 ...
我過左年都會請外傭,年紀會30中至30尾,因為老婆怕後生女多路數,同埋驚我,對象會係香港完約,有幾年經驗,所以妳概情況,40度概外傭應該啱,因為會定性啲,體力仲可以,提議搵香港完約,比較易夾新環境,好唔好,就睇彩數
Agent搵大公司會穩陣啲

印菲都有好有差,啲人撞到好咪話好,相反亦一樣

[ 本帖最後由 Interfirehkpol 於 2019-1-31 05:45 PM 編輯 ]



[隱藏]
引用:
原帖由 ginger.333 於 2019-1-30 05:00 PM 發表

估計有認知障礙(無正式check過),
和醫院社工說,進行評估。

會有政府資援。提供訓練,會改善,至少不會退步。
但唔係咁表達到自己,始終年近九十,易有憂鬱症。

申請長者律貼吧。 ...
人地想有人24小時睇住兩老呀,津咩貼



回覆 引用 TOP

引用:
原帖由 ginger.333 於 2019-1-30 05:14 PM 發表

一個照顧兩老,做家務,煮飯,無獨立房,可以的。
有海外工作經驗。
本地的呢,也有机會有。

外傭愛湊老人家, 原因做也得,唔做也得。
老人多數不工作,手头很松。錢易偷D。 ...
睇醫生啦,情緒病有得醫架



回覆 引用 TOP

樓主,請問你裝左乜cam呢?约幾$?自己裝定搵人裝呢? 因我也剛請了印傭照顧老人家,但未到,所以這段時間也要裝cam, 番工可以望望,放心D,謝謝

你interview工人時最緊要講下比姐姐知兩老的性格,平時會做D乜,,,等等,然後留意下佢D表情和反應,如她即時秒咀秒舌,或覺得好煩,或"周"晒眉嘅,禁就吾啱架拉, 我是WhatsApp video Interview 嘅,同埋我覺得請個性格開朗的比較好,老人家見到他都會開心D,我請果個有照顧老人經驗的,反而我覺得家務做得好吾好,煮野好吾好食果D吾重要,可以慢慢教,最重要是她照顧到老人家開開心心就可以了,祝好運



引用:
原帖由 skynsea 於 2019-1-31 06:07 PM 發表

樓主,請問你裝左乜cam呢?约幾$?自己裝定搵人裝呢? 因我也剛請了印傭照顧老人家,但未到,所以這段時間也要裝cam, 番工可以望望,放心D,謝謝

你interview工人時最緊要講下比姐姐知兩老的性格,平時會做D乜,,,等等,然後留意下佢D表情和反應,如她即時秒咀秒舌,或覺得好煩,或"周"晒眉嘅,禁就吾啱架拉, 我是WhatsApp video Interview 嘅,同埋我覺得請個性格開朗的 ...
朋友介紹IPUX呢個Brand,口啤,價錢都可以,但我唔想拉線,上網睇到用舊手機上WiFi ,當Cam用,簡單好多,環保又慳錢



引用:
原帖由 台灣難吃的榴槤 於 2019-1-31 07:29 AM 發表

奇實份工有點難做
錢,大家有冇緣



回覆 引用 TOP

[隱藏]
引用:
原帖由 Interfirehkpol 於 2019-1-31 06:40 PM 發表


朋友介紹IPUX呢個Brand,口啤,價錢都可以,但我唔想拉線,上網睇到用舊手機上WiFi ,當Cam用,簡單好多,環保又慳錢
多謝你,等我都研究下用舊手機先, 自問超級电腦白痴, 吾知整吾整到



 27 12
 提示:支持鍵盤翻頁 ←左 右→




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。