註冊 登入



打印

氣頂!給老公的一封信(長文) 香討焦點

本主題由 wallacepigpig 於 2019-1-21 10:17 PM 設置高亮

氣頂!給老公的一封信(長文) E-mail 此主題給朋友

[隱藏]
我感謝你每月準時比阿女嘅生活費。但係你不滿我之前,請想想自己有幾咁無問題,對這段婚姻有幾坦誠,回想一下你曾經講個幾多個你所謂嘅善意的謊言,亦想想自己為個屋企為個女付出咗幾多。

由有咗阿女開始,我自己比錢請家務助理、陪月和工人,你從此無做過任何一樣家務,洗廁所洗冷氣抹窗拖地開枱食飯更加不用想,一屋一枱一杯你用過的東西不會收拾和不會清潔,我也要工作,並不是全職家庭主婦,我媽也不是工人,無能力幫你跟手尾。

阿女出世,你從未認真學習照顧佢,買任何嬰兒用品,問你意見,答案永遠是由我決定由我揀,無所謂。之後只是每月比八千元,當中已包括要交阿女學費、興趣班費、飲食費、日常生活用品費、家中柴米油鹽醬醋茶費,你覺得夠嗎?當日我話無錢唔生小朋友,係你話會負責一切,這就是一切嗎?從三年前起,每次外出吃飯,九成九係我比錢,難道你那少少的八千元還要包括你的午飯和晚飯錢?由搬去家裝修買家具電器到請工人換床,新年買賀年禮物準備利是,你有負責哪一項?

一星期兩天踢波,一至兩天約朋友吃飯,又要返夜,又要賭馬,你有多少時間陪個女。你話個女唔理睬你唔跟你去玩,你有認真主動花長時間陪她嗎?有好好建立關係嗎?叫你放假陪女面試,遲提你又話遲,早提你又放錯日子,結果無得去。話你知阿女報咗某小學做小一自行派位,隔幾日就問返係咪報咗另一間,根本兩間係唔同種類嘅學校,學語文學琴學數嘅嘢全部記亂晒,你有將阿女的事放係心上嗎,有為阿女嘅事做資料搜集嗎?

我同樣要工作,但為何我就只能放工立即回家煮飯做家務湊女?你放工若回家吃飯,就係先打機上網睇電視瞓覺,食飯都要叫先識出嚟!食完飯拍拍屁股就回房繼續上網。就算我阿媽係醫院個十幾日,我都係一個人睇住個女再煮飯開枱,你就係房瞓覺打機。我不是工人,你更絕不是大爺,若然你不能為照顧小朋友而改變以前的生活習慣,為何要生小朋友呢?我也要辛苦工作,我份工唔係齋坐,放工後趕回家陪做功課,照顧阿女,我係會攰㗎,難道還要我晚晚笑臉迎人。

我媽入院以來,你從沒問候關心過,我知她不是你媽,但請記住她五年來無休息地幫你湊女,煮晚飯比你食比你帶飯,你有感恩過嗎?由我爸死到我媽有病,你有關心和安慰過我嗎?這就是老公應有的態度嗎?

過時過節或你媽生日,就一定要係你哋所謂嘅好日子當日全家出席食飯,仲次次要等遲到大王,我家節日食飯就可以因爲你踢波改唔到期而缺席。當年年初二不回娘家開年一事就更加過份和無禮。

還有你的家人,在我爸離開之後,沒有問候也沒關係,我絕不介意,但你媽竟打電話來說我爸死的日子不是好日,那是甚麼說話,死可以揀日子時辰嗎?一個長輩竟講出這些不尊重死者的話,禮貌何在?我仍應該尊重她嗎?自己不能接待那黑工時,就硬要我接收,我不接受時,就說我無愛心唔幫手,這是甚麼道理。己所不欲,勿施於人丫!搬屋就話我唔請你哋屋企人上嚟食飯,請問搬入宿舍有乜好慶祝,就算話都係話你呢個屋主,關我乜事。

阿女出世,講明擺百日宴,你家硬要係阿女滿月時總動員上嚟又話要出外食飯,有無尊重過我哋為人父母嘅意向。第二日仲要講大話瞞住我回家食飯慶祝。到搞百日宴,事前死覇爛覇三圍酒席,到頭來無人嚟,白白浪費咗我一圍錢。去食飯,就話我平日好少機會食咁好餸和飲魚翅湯,這是甚麼意思?如果佢講嘅係事實,原因只係因為我老公無本事買咁好嘅食物比我!

最後,我都有阿嫂,但我絕不會對我哥說她任何不是,這才叫尊重和禮貌,我哥亦不會跟我說他老婆的不好,這也是尊重和教養。

在你和兩位家人不斷批評我的不是時,請撫心自問一下你和他們是否完美,有資格批評我嗎?你不站在我這邊也算了,你要做媽寶也算了,但你亦完美到可以附和她們來批評我嗎?

係你話我無禮貌態度唔好之前,請問問你自己,你怎樣待我,他們又怎樣待我。不是三五七時拎點水果和食物來就是待我好,人貴自知。

相信你一定會話我翻舊帳,可是這六年來的一點一滴正磨滅我們的婚姻,我不直接反駁她們是因為尊重你,給你面子,我的沉默不代表我妥協、我無受傷或好欺負。



熱賣及精選
引用:
原帖由 pinot 於 2019-1-20 03:24 PM 發表

我感謝你每月準時比阿女嘅生活費。但係你不滿我之前,請想想自己有幾咁無問題,對這段婚姻有幾坦誠,回想一下你曾經講個幾多個你所謂嘅善意的謊言,亦想想自己為個屋企為個女付出咗幾多。

由有咗阿女開始,我自己比錢請家務助理、陪月和工人,你從此無做過任何一樣家務,洗廁所洗冷氣抹窗拖地開枱食飯更加不用想,一屋一枱一杯你用過的東西不會收拾和不會清潔,我也要工作,並不是全職家庭主婦,我媽也不是工人,無能力幫你跟手 ...
甘點解仲要一齊?



只怪自己眼光
不過離婚吧⋯⋯小三出現只是畤間問題



引用:
原帖由 pinot 於 2019-1-20 03:24 PM 發表

我感謝你每月準時比阿女嘅生活費。但係你不滿我之前,請想想自己有幾咁無問題,對這段婚姻有幾坦誠,回想一下你曾經講個幾多個你所謂嘅善意的謊言,亦想想自己為個屋企為個女付出咗幾多。

由有咗阿女開始,我自己比錢請家務助理、陪月和工人,你從此無做過任何一樣家務,洗廁所洗冷氣抹窗拖地開枱食飯更加不用想,一屋一枱一杯你用過的東西不會收拾和不會清潔,我也要工作,並不是全職家庭主婦,我媽也不是工人,無能力幫你跟手 ...
你不要期望他朝一日佢會變好,懂感恩和體諒你,如果自己搞得掂就不如唔好要呢類廢人喺身邊激心。



[隱藏]
得閒出去勾佬開心吓囉


回覆 引用 TOP

咁你諗下當初點解揀呢個老公,係自己揀的,宅男你又唔啱


離婚贍養費應該仲好洗d


提示: 作者被禁止或刪除 內容自動屏蔽
引用:
原帖由 orz_orz 於 2019-1-20 03:38 PM 發表



甘點解仲要一齊?
準備離婚中



[隱藏]
引用:
原帖由 estateman 於 2019-1-20 03:50 PM 發表

只怪自己眼光
不過離婚吧⋯⋯小三出現只是畤間問題
是我眼光有問題!



引用:
原帖由 客戶名稱 於 2019-1-20 04:04 PM 發表



你不要期望他朝一日佢會變好,懂感恩和體諒你,如果自己搞得掂就不如唔好要呢類廢人喺身邊激心。
講得好,我已沒有期望!



折磨自己的永遠是自己,生活怎麽過自己決定。


引用:
原帖由 卜卜火 於 2019-1-20 04:27 PM 發表

離婚贍養費應該仲好洗d
我都係咁諗!
呢個唔知可以要求拎幾多呢?!



引用:
原帖由 kkma88 於 2019-1-20 04:30 PM 發表

無語,保重
感謝



[隱藏]
引用:
原帖由 pinot 於 2019-1-20 04:32 PM 發表


是我眼光有問題!
如果梨説話屬實
梨老公屋企人刀吾系正常
早離早笑



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。