註冊 登入



打印

困擾左好多年⋯

困擾左好多年⋯ E-mail 此主題給朋友

[隱藏]
[長文]
我同老婆結左婚7年,有個囡囡。
我同拍拖到結埋婚都係一年兩個月嘅事。
原因係有共識大家都想結婚,因為呢個一致嘅目標,佢離開左當時拍拖幾年但係都唔結婚嘅前男友。
當時當然都因為有愛先結婚,喺籌備婚禮開始見識到佢性格原來比較激烈,我自己比較內向同低調,雖然只係有少少嚇一嚇,無特別負面感覺。
婚後佢都好積極嘅計劃造人計劃。佢想生仔,佢同外母係認真到幾乎係擇日咁,成份notes搵日子交配(原諒我用呢個詞語,因為當時我只係配合佢決定,因為我雖然覺得過份同唔受尊重,但為左件事同費事嘈所以無出聲反對),佢仲辭埋職安心預備配合造人計劃。
幾經辛苦(辛苦佢,因為試過不止一次小產)先生到囡囡,但佢激烈嘅性格就越發明顯了,而且仲開始見識到佢越來越自私。
佢自己係一個夜鬼,對於得來不易的囡囡,佢無嘗試過或者諗過改變佢呢個習慣,亦都唔會好似其他人咁先氹囡訓之後再起身做自己野。所以個囡係要陪佢一齊夜訓,仲夜過我。個囡嘅黑眼圈睇到都心痛,但勸過講過嘈過鬧過到今時今日幾年嘞都仲係咁,連返幼稚園都因為呢個原因要搵下午班⋯⋯
佢由細已經教育個囡唔好俾我錫,所以我而家每次想錫個囡佢都狂打我同用腳踢我⋯
因為佢係獨女,外父外母錫佢照顧佢無微不至,好多時我會有錯覺我老婆係弱智同低能嘅⋯⋯但呢d無得出聲啦,外母又惡又難相處,所以同佢地唔夾,可以唔見都唔見(佢知我唔鍾意外家)。
另外佢d自私自我中心唔會理其他人(包括我)感受嘅行為不斷出現,仲攞揍囡做原因,全職主婦但所有家務唔做由我做,經常無飯,佢同個囡都係幾日先沖一次涼,家務同無飯我都ok,唔沖涼又係嘈過無用無奈接受,成日買野返黎唔執唔肯掉舊野,樣樣都話有用但七國咁亂,掉佢又嘈又盛⋯⋯⋯
簡單d講基本相處極有問題,我呢d乜都普普通通正常要求對住佢咁真係睇唔過眼,但又係果句,嘈完鬧完一切照舊,問題係佢乜都覺得無問題,固執到一個點。
七年嘞,我對佢嘅愛已經喺日常磨蝕晒,甚至可以講好憎佢,長年咁無視正常要求,根本完全唔尊重我。中間有兩年幾無性生活,講真由佢造人計劃開始已經對佢幾乎失去興趣。好彩我地係分房訓,我最近呢幾年係無主動攬過佢同錫過佢,有得係佢衝埋黎強搶,我憎但無可能推開佢咁唔俾面佢。
咁多年,我已經絕望,真係忍夠,留喺度都係因為個囡,但而家已經覺得盡嘞⋯⋯成日都好唔開心,寧願留喺公司都唔咁早返去⋯

好想離婚,但呢個選項太大牽連,最唔想囡囡唔開心,讖起佢個喊樣都心痛,但成世係咁,我會好痛苦。

點好?

利申:無外遇過,無第三者



熱賣及精選
引用:
原帖由 困擾的羊 於 2019-1-6 09:36 PM 發表

[長文]
我同老婆結左婚7年,有個囡囡。
我同拍拖到結埋婚都係一年兩個月嘅事。
原因係有共識大家都想結婚,因為呢個一致嘅目標,佢離開左當時拍拖幾年但係都唔結婚嘅前男友。
當時當然都因為有愛先結婚,喺籌備婚禮開始見識到佢性格原來比較激烈,我自己比較內向同低調,雖然只係有少少嚇一嚇,無特別負面感覺。
婚後佢都好積極嘅計劃造人計劃。佢想生仔,佢同外母係認真到幾乎係擇日咁,成份notes搵日子交 ...
習慣成自然,放開執著,輕鬆面對。跟老婆方向生活,否則早離早開始。



你地幾歲 女女幾歲?我聽完覺得我老公好幸福 點解可以唔沖涼?俗語都有話 自己死好啦 害埋d細 細路仔要教既 習慣成自然 好易有樣學樣 我諗你個女仲係幼稚園 但上小學 朝早起身番全日 點樣可以夜訓?問題要正視


我講過幾十次,傾、嘈、鬧都試過,佢話上到小學自然可以較啱個生理時鐘,激到我呢⋯⋯今年9年上小學嘞,我睇佢到時都係得一招:狂鬧個女鬧佢唔訓

根本佢嘅觀念完完全全係非一般⋯



[隱藏]
離婚


回覆 引用 TOP

引用:
原帖由 MK0308 於 2019-1-6 09:42 PM 發表



習慣成自然,放開執著,輕鬆面對。跟老婆方向生活,否則早離早開始。
我無可能迎合呢d,基本是非問題⋯
但離婚對個囡後果太嚴重,唔知點



你呢個case同我識既一個人有9成相似,但佢最終都係留喺呢個家,所以你喺度都呻下黎Ventilate算


點可以幾日先沖一次涼😭


引用:
原帖由 困擾的羊 於 2019-1-6 10:08 PM 發表

我講過幾十次,傾、嘈、鬧都試過,佢話上到小學自然可以較啱個生理時鐘,激到我呢⋯⋯今年9年上小學嘞,我睇佢到時都係得一招:狂鬧個女鬧佢唔訓

根本佢嘅觀念完完全全係非一般⋯ ...
小學好大轉變的 要朝早起身 下午番黎 功課食飯沖涼又要訓了 晨早6,7 點又要起身 對大人同小朋友都係個新轉變 如果半夜先訓 問題慢慢會浮現 特別小朋友身體



回覆 引用 TOP

[隱藏]
引用:
原帖由 hebe1 於 2019-1-6 10:15 PM 發表

你呢個case同我識既一個人有9成相似,但佢最終都係留喺呢個家,所以你喺度都呻下黎Ventilate算
一世係咁我好辛苦,仲有d唔甘心,點解咁唔合理嘅事都無得反抗,但個囡⋯⋯雖然唔俾我錫,但我唔想傷害佢害左佢。但之後日子忍唔忍到都唔知,如果鬧爆先離對個囡咪仲傷?



性格5夾。仲免強一齊。。害左個女


引用:
原帖由 油站粗野的妹頭 於 2019-1-6 10:20 PM 發表

點可以幾日先沖一次涼😭
我都唔明,佢話小朋友唔駛日日涼,有野保護佢地喎



引用:
原帖由 困擾的羊 於 2019-1-6 10:22 PM 發表



一世係咁我好辛苦,仲有d唔甘心,點解咁唔合理嘅事都無得反抗,但個囡⋯⋯雖然唔俾我錫,但我唔想傷害佢害左佢。但之後日子忍唔忍到都唔知,如果鬧爆先離對個囡咪仲傷? ...
你已經說出重點,一切為個囡,我識嗰個人之前都話想離婚,但最後只會為個囡忍下去,努力la



引用:
原帖由 連續紫色的花海 於 2019-1-6 10:23 PM 發表

性格5夾。仲免強一齊。。害左個女
為左唔傷個囡,我暫時揀左最好果個選擇:而家咁

但永遠係咁?我無信心



[隱藏]
為小朋友好應該分開 小朋友其實會知道小朋友情緒 長期落下只會更差


回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。