註冊 登入



打印

有冇人有個傳統奶奶?

有冇人有個傳統奶奶? E-mail 此主題給朋友

[隱藏]
我有個已經做咗家庭主婦廿幾年的奶奶,佢今年65歲左右。我老公三十幾歲,老爺七十幾歲。老公是獨子。奶奶廿幾年前幫親戚湊小朋友(即是佢姨甥),親戚有俾少少錢佢湊,就一直冇在外工作。其實而家姨甥都分別22歲和19歲。佢仲會煮飯給佢地食。平日我放假見佢都是在家睇電視,家務就係晚上煮餐飯和洗衫。佢話以前曾經有朋友介紹佢工作,但佢說因老爺冇答應幫佢煮飯,佢就唔放心外出工作。老爺已退休,兩老冇理財。老公每月俾$10000-12000家用給奶奶持家。老爺間中有做散工賺$。
奶奶鍾意買罐頭、加工食物做餸。佢個人容易憂慮,成日呻佢老公冇主動幫手做家務,我嗰時未有B.B又向我媽呻仲唔生bb😓總之佢覺得自己全世界最慘,黑面放負面情緒。
你們有冇傳統奶奶?既迷信又話自己咩都唔識,成日放負面情緒,佢的世界只活在屋企和附近範圍。我同佢溝通唔到。佢也不學智能手機也不會主動了解其他人的世界。
請分享下你們點應對此種奶奶,點至令自己對住佢心情冇咁忟憎?



精選樓盤
引用:
原帖由 西部變態的樓盤 於 2019-1-7 04:24 PM 發表

請問楼主同奶奶住?
不是
住得勁近,我和老公都係全職工作,我現在懷孕中,都會一直工作。每晚都會去老爺奶奶家晚飯。奶奶是家庭主婦,觀念傳統迷信,冇乜讀書,佢常掛在口邊自己乜都唔識。我的孕期,佢也說唔知整咩營養食物給我吃,也冇主動問過bb情況。我每次產檢都是叫老公或媽媽陪我。媽媽識用智能電話,會上網搵有咩食物對bb好而煮給我食,也主動買bb衫,洗埋預備定。



引用:
原帖由 西部變態的樓盤 於 2019-1-7 06:49 PM 發表

我估她可能受过她奶奶的氣,又或她可能真的不懂與新抱相處、不論如何,你要明白與你共渡餘生的是你丈夫,什么身份的人不要在意,盡量少來往是上策,相信我,有D人真系不懂關心別人,冇惡意的,你亦不能因關心問題存心病,不同住己很好.,當她是朋友.,不喜便少來住.,你亦不能要求她像親媽般对你.。我弟婦有一3歲B女.他們一家三口與我們同住,再有BB亦有返工.,放工回來疲倦入房睡一會..剛巧B女在哭,我媽即她奶奶叫 ...
佢奶奶對佢好好的、但死得早。佢曾被親戚陷害,可能咁覺得自己黑仔卦,總之佢認為自己最慘。嫁個窮老公,又唔主動幫自己做家務(其實佢叫老爺做,老爺係會做)。我見佢做家庭主婦唔洗返工,而老公又俾$12000左右家用佢持家,不是已好過好多師奶?老公的表兄弟姐妹應該冇一個會俾咁多自己父母。佢和老爺唔識理財,只儲錢,但慳錢咁,又叫奶奶鍾意買零食,罐頭(無益又貴)。佢個人把口唔識講好說話,仲有有次怕我去士多啤梨園的路崎嶇仲有怕士多啤梨多農藥,佢竟打給我媽講我要和媽去士多啤梨園。之前我未有B.B.,又同我媽講仲未生b。佢要我媽媽點答佢?佢識唔識禮貌?
佢極少出我爸媽住的區搵佢地,老爺就有時出去搵我爸的飲茶。爸媽每次入黎同我食野,都會叫我問埋佢地去唔去的。奶奶話自己會暈車浪,所以佢好少去其他區。佢根本由工作,親戚全部喺哂自己住嗰區。朋友我都唔見佢有。



回覆 引用 TOP

引用:
原帖由 西部變態的樓盤 於 2019-1-7 07:01 PM 發表

你形容你奶奶性格勁似我媽,她生活在家裡及附近公園,在家照顧我們5人,不曾工作、照睇你奶奶心內應是善良的.只是不懂表達
奶奶做過工作,但全是幫親戚打工或介紹咁,以前做工廠。佢四十幾歲就冇做野,幫個妹湊仔女,佢個妹俾返少少錢佢當湊小朋友直到現在。當年的小朋友今日分別是廿幾歲和十九歲了。
可以講佢個人冇事業心,好似要等人地為佢付出,成日當我地係小朋友,驚我地冇佢煮飯就冇飯食咁。其實佢係咪覺得自己咁樣至係重要?佢太得閒無存在感所以自動問你洗唔洗佢照顧你呢樣嗰樣?



回覆 引用 TOP

[隱藏]
引用:
原帖由 snowie 於 2019-1-7 09:29 AM 發表

我!

奶奶成日都係老公面前扮蠢扮傻、但個仔唔係度就要講點點點呢樣果樣、識少少扮代表、人前對我嘅稱呼係BB媽咪、我個仔個老婆、人後係你、或者喂

我地住外國聖誕節係夏天36、37度奶奶買件冬天羽絨外套俾我個女做聖誕禮物、我話個碼數細左、到冬天已經唔岩著、佢仲死拗岩著已經好大件、BB咁細粒乜乜乜、最後老公都話買得細件得滯、而家即刻著就岩、但唔係30幾度黎著羽絨呀?奶奶就話佢其實係唔識點睇細路仔衫嘅碼 ...
而家老公都頂佢唔順會話佢,所以佢有時唔敢打給老公,反而打給我問老公是否唔洗返工呀咁(因老公返shift,有時通宵更)
我聽過佢同人講電話呻自己幾慘幾慘,仲話佢唔怕認唔識,佢說話自己唔識至睇得出其他人有冇騙佢咁喎。我諗佢話自己唔識就有d野唔做或做得唔好都唔會有人怪佢卦。



回覆 引用 TOP

引用:
原帖由 金鐘皇后 於 2019-1-7 10:50 PM 發表


我嘅情況同你一模一樣。

生bb 前,99拍晒心口吹噓自己後生時共湊過3個bb,點知連換片冲涼都唔識. 到bb大少少,就話蘋果寒涼,bb唔可以食,因為夜晚肚痛就嘈醒全家(其實就算真係肚痛,都極有可能係因為99晏奏煲粥仔後唔放入雪櫃,臭咗夜晚再俾bb食。佢當然覺得冇問題).經佢多個月嘅粥水餵食後,bb 後來check到體重過輕。

佢有情緒病的,之前睇過醫生,但唔肯食藥覆診,全家都話佢冇野,只係& ...
我都懷疑奶奶有情緒病,對咩都冇興趣,淨係睇電視、買餸、食零食。叫佢旅行佢就說:電視都大把野未睇啦。咁旅行平貴都有,雖然屋企唔富貴,跟團去短線都唔洗好多錢啫。佢連去其他區都好少。佢同過親戚呻自己好慘,如果唔係乜乜乜,就幾多年前已去死。其實佢有得食有得住,個獨子(我老公)又唔算俾得少錢,佢唔洗返工受壓力,但佢個人就鍾意理其他人的野,老公買野用自己錢有嗜好,佢就話買埋咁多野。老爺用平板上網,佢又話老爺成日睇,睇壞眼。佢個人又咩都擔心,嗰時老公搞結婚的野(同我準備結婚),又覺得我老公懶懶閒,其實老公上網搵資料,佢唔識上網就唔明其實好多野都可以上網搞掂,並非佢口中講的唔著緊。



回覆 引用 TOP

引用:
原帖由 kimeyan 於 2019-1-8 07:57 PM 發表

我就覺得好小事,
每個人既性格唔同。
65歲已經係上一代既人,
生活方式真係差好遠。
廿幾年前冇做野會同生活脫晒節,
掛住照顧小朋友仲邊有時間去玩,
唯一技能就係家庭細務,
照顧屋企人,
智能電話年紀大未必學得識,
父母心中仔女永遠都係小朋友,
我屋企人都係~
如果我夜返屋企我嫲嫲都會擔心到訓唔著,
但其實都係十點幾,
一有少少野會向壞既方便諗,
打電話冇人聽就會覺得可能出左事,
有時性格就係咁改 ...
可能我父母都用智能手機上網、whatsapp、打機咁,我媽媽和奶奶同年齡都係65歲,爸爸就七十幾歲了。老爺也是七十幾歲,日日用平板電腦上網和手機whatsapp。我又唔覺年紀大是唔學野的藉口。不過佢冇興趣和這世界接觸多些,當然的管不了。而當我是小朋友,可能因爸媽都少理我,因信任我處事行為,去夜街到零晨12點都唔會理我。反而老爺奶奶見你晚上9點幾未返到家,就會打黎問你返黎未咁囉。



引用:
原帖由 snowie 於 2019-1-8 03:43 AM 發表


你奶奶不聞不問仲好啦

我大肚到生到坐月奶奶都係零概念
但有次大肚時去佢度食飯、酸辣湯、魚生、罐頭午餐肉
加一碟油浸菜、我只能食白飯

我坐月都係媽咪幫手、湯水補品都係佢幫我準備
靠奶奶真係食風就有、唯一佢拎左幾百蚊俾我媽、又係話自己乜都唔識、唔知大肚婆食乜好⋯⋯不過我媽冇要佢D錢、只答「我個女要食咩補身我仲買得起」一句ko左奶奶

永遠都係自己媽咪真正錫自己架啦、奶奶話當你女咁錫你都覺得假啦
...
你媽媽好型👍👍
我媽媽對奶奶都係客客氣氣,有時送下野俾佢食咁,可能始終我住得好近佢,食又係食佢的晚飯。媽媽都係最錫我,我懷孕中,媽媽會拎飯給我做午餐,咁我可以食少些味精。
奶奶就說自己乜都唔識,又係淨俾左封利是老公買bb野喎😂其實我生b也不是因爲佢煩。佢嗰時同我講係時候組織家庭,我心諗,我和老公點計劃唔係佢催就得吧😆



引用:
原帖由 pappap1972 於 2019-1-8 10:18 PM 發表

雖然每代都會出現代溝,但問題都出在互相了解方面,如果樓主不能站在奶奶角色去想,根本不可能溝通

將來你有兒有女,你亦會成為一個奶奶,你兒媳也不會明白佢奶奶,為何如此麻煩,即那個麻煩的奶奶即是你 ...
但奶奶都冇主動了解過我和老公的世界,佢唔理解但會批判你去旅行買得少手信,話你們成日用智能手機傷眼。唔見得佢有尊重和嘗試理解過我們的世界。



[隱藏]
引用:
原帖由 pappap1972 於 2019-1-8 10:39 PM 發表




已說了,兩代人

其實情況是一樣的

如果你兒子早年只僱打機,你會鬧,長大後認識了女友/男友,只僱跟女朋/男友旅行/打機,你想想這個身為母親的你會有什麼想法?

就算我不看文章,也知你是女的




所以你是否想想為何兒媳會有問題?
我如果是母親我會想:兒子被人分了一半

母親想:難聽點說,個仔未認識條女之前什麼都聽我的 ...
咁佢又想個仔結婚,嗰時佢大可以唔催個仔結束。佢又要傳統地認為女人要結婚生仔,但又覺得被新抱分薄咗愛。咁佢想點?



引用:
原帖由 kimeyan 於 2019-1-8 10:52 PM 發表


你媽媽同奶奶就同我嫲嫲差不多年紀,
佢都識用智能電話,
換電話仲快過我,
不過有時都有心冇力,
教完佢就唔記得點用,
好似send mail就次次都要問,
我自己就冇心機教佢~
我爺爺就係冇耐性既,
教完佢,佢做做下做唔到咪發脾氣唔學law~
不過佢都識用電話睇股票同睇馬~
可能你奶奶生活圈子太窄,
唔多朋友,唔需要溝通咪唔學law~

我以前通常返工就即刻返屋企,
我嫲嫲一見我唔係平時返屋企個 ...
我冇見過佢有朋友,有時我媽媽會入去佢區搵佢,但而家媽媽都覺得佢成日呻呢樣嗰樣好煩,少咗入去搵佢,而佢只會打電話給媽媽問咁耐都唔入黎既?佢就極少出去我媽媽住的區搵媽媽。佢的生活只圍繞佢的兄弟姐妹,因佢地全部住同一區。



回覆 引用 TOP

引用:
原帖由 lucky-happy 於 2019-1-9 09:41 PM 發表

我奶奶都係極品,坐月是我媽媽幫手,之後搵一日佢嚟幫手,好大鑊,煎4、5條多春魚我食,再加碟菜心就當坐月歺,我話應該食蒸雞,佢話貴唔應該食😧,俾埋錢去買都阿吱阿咗,我話坐月身體要補給好重要,佢又反駁食得多,肥就好麻煩⋯⋯我打電話同我媽媽講,我阿媽即刻買埋餸飛車過嚟救我,仲幫手串我奶奶坐月餐變減肥餐?!有冇搞錯 ...
我打算坐月都喺返自己屋,勁這奶奶家。我都擔心奶奶到時唔知會煮咩我食😓平日的餸菜已經係減肥餐(少餸),成日加工食物😣



引用:
原帖由 lucky-happy 於 2019-1-9 10:05 PM 發表


真心自己阿媽點都好啲
分享下你怎度過孕期?心情如何架?
我好緊張又憂慮。
你是和奶奶同住?同奶奶的相處又是如何?你是在職媽媽嗎?我全職工作,而家孕期返工經常覺得倦,眼訓又辛苦😓



引用:
原帖由 lucky-happy 於 2019-1-9 10:22 PM 發表


一結婚即同老公搬出去住,因奶奶份人黑薄丶又經常西面,說話有骨⋯(成日話我靚有乜用,矮得得⋯)未有BB時已日噪夜噪,到有左知係女又話最好生多一個丶會幫我湊,最後我倆胎係女,佢就吾幫忙不凸止,仲串老公細個可能食雞太多⋯最後我要辭職做全職媽咪
但,天係公平的,付出時間同愛心,e家我兩位小朋友成績好丶有家教,仲會孝順父母。
係荷苞緊張D,但值得的。希望你都揾到條啱自己嘅路🙂 ...
咁你奶奶都贊同你靚女丫😆點解日嘈夜嘈?奶奶咁重男輕女?生仔定女係男人至影響到架麻!
我奶奶係圍村人,佢冇講一定要仔,只知佢恨抱孫啦(傳統思想)。黑面奶奶都經常,佢可能覺得自己慘,好少見佢主動笑。我呢類做服務業的就見到客就微笑啫,佢唔洗架麻😂
多謝你的祝福。我係做全職工作的了,份人工雖唔太多,但難放棄,我都係獨女,要俾家用我的父母,而且覺得多個錢用點都好d。雖然唔鍾意返工,都要返😆



回覆 引用 TOP

[隱藏]
引用:
原帖由 Lonelymaster 於 2019-1-11 12:54 AM 發表

我奶奶上年仲成日催我生BB, 但明明係我老公唔想生,佢又唔去煩自己個仔🤦‍♀️煩我都無用,我唔可能單性繁殖
可能男人會話返佢媽,所以奶奶只敢煩新抱。我奶奶都係會打給我搵佢個仔🤦🏻‍♀️



 19 12
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。