註冊 登入



打印

有冇人有個傳統奶奶?

[隱藏]
我!

奶奶成日都係老公面前扮蠢扮傻、但個仔唔係度就要講點點點呢樣果樣、識少少扮代表、人前對我嘅稱呼係BB媽咪、我個仔個老婆、人後係你、或者喂

我地住外國聖誕節係夏天36、37度奶奶買件冬天羽絨外套俾我個女做聖誕禮物、我話個碼數細左、到冬天已經唔岩著、佢仲死拗岩著已經好大件、BB咁細粒乜乜乜、最後老公都話買得細件得滯、而家即刻著就岩、但唔係30幾度黎著羽絨呀?奶奶就話佢其實係唔識點睇細路仔衫嘅碼、叫老公搵個個識英文嘅人拎去舖頭換(咪即係我)我心入面鬧左N字粗口、唔識睇碼數咁買乜衫姐、個孫幾高幾大佢係零概念好冇?

對住奶奶冇架、除左打招呼之外、佢問我咪答下、笑下基本禮貌、其他乜嘢拋返俾個老公拆啦⋯⋯個仔點話佢都冇事、做新抱講多句佢就無限委屈架啦⋯⋯好在唔係成日見、有咩事佢都係搵個仔架啦⋯⋯





就讓我愛你 證明有奇蹟
就算生命所剩無幾
只要擁抱瞬間的默契
引用:
原帖由 cglw 於 2019-1-7 06:26 PM 發表


不是
住得勁近,我和老公都係全職工作,我現在懷孕中,都會一直工作。每晚都會去老爺奶奶家晚飯。奶奶是家庭主婦,觀念傳統迷信,冇乜讀書,佢常掛在口邊自己乜都唔識。我的孕期,佢也說唔知整咩營養食物給我吃,也冇主動問過bb情況。我每次產檢都是叫老公或媽媽陪我。媽媽識用智能電話,會上網搵有咩食物對bb好而煮給我食,也主動買bb衫,洗埋預備定。 ...
你奶奶不聞不問仲好啦

我大肚到生到坐月奶奶都係零概念
但有次大肚時去佢度食飯、酸辣湯、魚生、罐頭午餐肉
加一碟油浸菜、我只能食白飯

我坐月都係媽咪幫手、湯水補品都係佢幫我準備
靠奶奶真係食風就有、唯一佢拎左幾百蚊俾我媽、又係話自己乜都唔識、唔知大肚婆食乜好⋯⋯不過我媽冇要佢D錢、只答「我個女要食咩補身我仲買得起」一句ko左奶奶

永遠都係自己媽咪真正錫自己架啦、奶奶話當你女咁錫你都覺得假啦

對奶奶真係冇期望就冇失望唔好諗太多啦





就讓我愛你 證明有奇蹟
就算生命所剩無幾
只要擁抱瞬間的默契
引用:
原帖由 cglw 於 2019-1-8 09:28 PM 發表


你媽媽好型👍👍
我媽媽對奶奶都係客客氣氣,有時送下野俾佢食咁,可能始終我住得好近佢,食又係食佢的晚飯。媽媽都係最錫我,我懷孕中,媽媽會拎飯給我做午餐,咁我可以食少些味精。
奶奶就說自己乜都唔識,又係淨俾左封利是老公買bb野喎😂其實我生b也不是因爲佢煩。佢嗰時同我講係時候組織家庭,我心諗,我和老公點計劃唔係佢催就得吧😆 ...
如果唔係我媽咪幫我、我真係產後憂鬱都似
老公話會幫手、結果夜晩照大覺訓、靠唔住架

奶奶我餵人奶就話阿B食唔飽、日喊夜喊、食奶粉就話我冇鬼用奶都冇得俾阿B食、整到阿B抵抗力差出粒粒

坐月一定要返外家、自己媽媽點發脾氣、小情緒都會包容、心痛你、奶奶只會care自己個仔有冇覺好訓架ja





就讓我愛你 證明有奇蹟
就算生命所剩無幾
只要擁抱瞬間的默契




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。