註冊 登入



打印

有冇人有個傳統奶奶?

有冇人有個傳統奶奶? E-mail 此主題給朋友

[隱藏]
我有個已經做咗家庭主婦廿幾年的奶奶,佢今年65歲左右。我老公三十幾歲,老爺七十幾歲。老公是獨子。奶奶廿幾年前幫親戚湊小朋友(即是佢姨甥),親戚有俾少少錢佢湊,就一直冇在外工作。其實而家姨甥都分別22歲和19歲。佢仲會煮飯給佢地食。平日我放假見佢都是在家睇電視,家務就係晚上煮餐飯和洗衫。佢話以前曾經有朋友介紹佢工作,但佢說因老爺冇答應幫佢煮飯,佢就唔放心外出工作。老爺已退休,兩老冇理財。老公每月俾$10000-12000家用給奶奶持家。老爺間中有做散工賺$。
奶奶鍾意買罐頭、加工食物做餸。佢個人容易憂慮,成日呻佢老公冇主動幫手做家務,我嗰時未有B.B又向我媽呻仲唔生bb😓總之佢覺得自己全世界最慘,黑面放負面情緒。
你們有冇傳統奶奶?既迷信又話自己咩都唔識,成日放負面情緒,佢的世界只活在屋企和附近範圍。我同佢溝通唔到。佢也不學智能手機也不會主動了解其他人的世界。
請分享下你們點應對此種奶奶,點至令自己對住佢心情冇咁忟憎?



精選樓盤
我!

奶奶成日都係老公面前扮蠢扮傻、但個仔唔係度就要講點點點呢樣果樣、識少少扮代表、人前對我嘅稱呼係BB媽咪、我個仔個老婆、人後係你、或者喂

我地住外國聖誕節係夏天36、37度奶奶買件冬天羽絨外套俾我個女做聖誕禮物、我話個碼數細左、到冬天已經唔岩著、佢仲死拗岩著已經好大件、BB咁細粒乜乜乜、最後老公都話買得細件得滯、而家即刻著就岩、但唔係30幾度黎著羽絨呀?奶奶就話佢其實係唔識點睇細路仔衫嘅碼、叫老公搵個個識英文嘅人拎去舖頭換(咪即係我)我心入面鬧左N字粗口、唔識睇碼數咁買乜衫姐、個孫幾高幾大佢係零概念好冇?

對住奶奶冇架、除左打招呼之外、佢問我咪答下、笑下基本禮貌、其他乜嘢拋返俾個老公拆啦⋯⋯個仔點話佢都冇事、做新抱講多句佢就無限委屈架啦⋯⋯好在唔係成日見、有咩事佢都係搵個仔架啦⋯⋯





就讓我愛你 證明有奇蹟
就算生命所剩無幾
只要擁抱瞬間的默契
引用:
原帖由 cglw 於 2019-1-6 04:55 PM 發表

我有個已經做咗家庭主婦廿幾年的奶奶,佢今年65歲左右。我老公三十幾歲,老爺七十幾歲。老公是獨子。奶奶廿幾年前幫親戚湊小朋友(即是佢姨甥),親戚有俾少少錢佢湊,就一直冇在外工作。其實而家姨甥都分別22歲和19歲。佢仲會煮飯給佢地食。平日我放假見佢都是在家睇電視,家務就係晚上煮餐飯和洗衫。佢話以前曾經有朋友介紹佢工作,但佢說因老爺冇答應幫佢煮飯,佢就唔放心外出工作。老爺已退休,兩老冇理財。老公每月俾$ ...
等佢個仔去應付, 你唔好理咁多啦



回覆 引用 TOP

我99都係果類人, 不過佢年紀好大, 佢年紀係我祖父輩既年紀 ... 當然差兩代我同佢有好嚴重代溝, 佢果輩時想同我呢一輩又好唔同, 佢成日話我冇禮貌, 話我唔問候D長輩~

孝順父母, 天經地義, 我自己咁覺得, 但係對自己父母囉~ 奶奶成日話我冇問候佢, 佢寶貝仔又幾時問候過我父母? 我對佢寶貝仔點對我父母冇要求架, 我父母亦冇要求佢寶貝仔點, 唔明點解99有咁多野講~

我點去面對佢? 好似樓上咁講, 等佢寶貝仔自己搞掂佢囉~ 佢都有負能量, 不過我正能量爆燈我完全唔受佢影響~



回覆 引用 TOP

[隱藏]
請問楼主同奶奶住?


引用:
原帖由 西部變態的樓盤 於 2019-1-7 04:24 PM 發表

請問楼主同奶奶住?
不是
住得勁近,我和老公都係全職工作,我現在懷孕中,都會一直工作。每晚都會去老爺奶奶家晚飯。奶奶是家庭主婦,觀念傳統迷信,冇乜讀書,佢常掛在口邊自己乜都唔識。我的孕期,佢也說唔知整咩營養食物給我吃,也冇主動問過bb情況。我每次產檢都是叫老公或媽媽陪我。媽媽識用智能電話,會上網搵有咩食物對bb好而煮給我食,也主動買bb衫,洗埋預備定。



我估她可能受过她奶奶的氣,又或她可能真的不懂與新抱相處、不論如何,你要明白與你共渡餘生的是你丈夫,什么身份的人不要在意,盡量少來往是上策,相信我,有D人真系不懂關心別人,冇惡意的,你亦不能因關心問題存心病,不同住己很好.,當她是朋友.,不喜便少來住.,你亦不能要求她像親媽般对你.。我弟婦有一3歲B女.他們一家三口與我們同住,再有BB亦有返工.,放工回來疲倦入房睡一會..剛巧B女在哭,我媽即她奶奶叫B女入房找她媽媽去,我喝止,知她大肚返工很疲倦不要入去,我媽意思系仔女是你的,疲倦也要照顧.做人亞媽系咁,我的意思系其實大家冇恶意.,只是不懂處理,將來你成為別人奶奶就會明。


親媽做錯什么,兒女都會原諒,奶奶講錯一句就會記在心。這就是分別。在大家心目中,育嬰方法多数接纳媽媽方法,奶奶的會有微高.


回覆 引用 TOP

你形容你奶奶性格勁似我媽,她生活在家裡及附近公園,在家照顧我們5人,不曾工作、照睇你奶奶心內應是善良的.只是不懂表達


[隱藏]
引用:
原帖由 西部變態的樓盤 於 2019-1-7 06:49 PM 發表

我估她可能受过她奶奶的氣,又或她可能真的不懂與新抱相處、不論如何,你要明白與你共渡餘生的是你丈夫,什么身份的人不要在意,盡量少來往是上策,相信我,有D人真系不懂關心別人,冇惡意的,你亦不能因關心問題存心病,不同住己很好.,當她是朋友.,不喜便少來住.,你亦不能要求她像親媽般对你.。我弟婦有一3歲B女.他們一家三口與我們同住,再有BB亦有返工.,放工回來疲倦入房睡一會..剛巧B女在哭,我媽即她奶奶叫 ...
佢奶奶對佢好好的、但死得早。佢曾被親戚陷害,可能咁覺得自己黑仔卦,總之佢認為自己最慘。嫁個窮老公,又唔主動幫自己做家務(其實佢叫老爺做,老爺係會做)。我見佢做家庭主婦唔洗返工,而老公又俾$12000左右家用佢持家,不是已好過好多師奶?老公的表兄弟姐妹應該冇一個會俾咁多自己父母。佢和老爺唔識理財,只儲錢,但慳錢咁,又叫奶奶鍾意買零食,罐頭(無益又貴)。佢個人把口唔識講好說話,仲有有次怕我去士多啤梨園的路崎嶇仲有怕士多啤梨多農藥,佢竟打給我媽講我要和媽去士多啤梨園。之前我未有B.B.,又同我媽講仲未生b。佢要我媽媽點答佢?佢識唔識禮貌?
佢極少出我爸媽住的區搵佢地,老爺就有時出去搵我爸的飲茶。爸媽每次入黎同我食野,都會叫我問埋佢地去唔去的。奶奶話自己會暈車浪,所以佢好少去其他區。佢根本由工作,親戚全部喺哂自己住嗰區。朋友我都唔見佢有。



回覆 引用 TOP

引用:
原帖由 西部變態的樓盤 於 2019-1-7 07:01 PM 發表

你形容你奶奶性格勁似我媽,她生活在家裡及附近公園,在家照顧我們5人,不曾工作、照睇你奶奶心內應是善良的.只是不懂表達
奶奶做過工作,但全是幫親戚打工或介紹咁,以前做工廠。佢四十幾歲就冇做野,幫個妹湊仔女,佢個妹俾返少少錢佢當湊小朋友直到現在。當年的小朋友今日分別是廿幾歲和十九歲了。
可以講佢個人冇事業心,好似要等人地為佢付出,成日當我地係小朋友,驚我地冇佢煮飯就冇飯食咁。其實佢係咪覺得自己咁樣至係重要?佢太得閒無存在感所以自動問你洗唔洗佢照顧你呢樣嗰樣?



回覆 引用 TOP

請你不要介意.覺你小事化大.对奶奶要求高.老人家有她的思想,很難改.都系一D家庭小事,你好像樣樣都对她不滿,你年輕未曾走过她的路.她有缺点.你也有.任何人眼中的对方都有缺点.好像自己没有似的。大家包容吓,遷就吓咪得囉.她喜買罐頭食隨她.好似又不關你事'未有你出現她也是如此.冇理由要她為你改,我與你不相識.纯以事論事.你真的要她為你改变習慣,是否強人所難,逆轉你為她可改跟她一樣嗎?将将就就,和和氣氣.食餐食Say,拜拜,有幾難,記得洗埋碗才走啊!才是好家嫂!


你不了解老人家心事,未到个个年纪,講,你亦不明.。此刻.你可做的是包容及安心養胎.待你隨歲月成長变成中年女人.若你記得我.你會理解什么叫包容別人,別人也包容我o


回覆 引用 TOP

引用:
原帖由 snowie 於 2019-1-7 09:29 AM 發表

我!

奶奶成日都係老公面前扮蠢扮傻、但個仔唔係度就要講點點點呢樣果樣、識少少扮代表、人前對我嘅稱呼係BB媽咪、我個仔個老婆、人後係你、或者喂

我地住外國聖誕節係夏天36、37度奶奶買件冬天羽絨外套俾我個女做聖誕禮物、我話個碼數細左、到冬天已經唔岩著、佢仲死拗岩著已經好大件、BB咁細粒乜乜乜、最後老公都話買得細件得滯、而家即刻著就岩、但唔係30幾度黎著羽絨呀?奶奶就話佢其實係唔識點睇細路仔衫嘅碼 ...
而家老公都頂佢唔順會話佢,所以佢有時唔敢打給老公,反而打給我問老公是否唔洗返工呀咁(因老公返shift,有時通宵更)
我聽過佢同人講電話呻自己幾慘幾慘,仲話佢唔怕認唔識,佢說話自己唔識至睇得出其他人有冇騙佢咁喎。我諗佢話自己唔識就有d野唔做或做得唔好都唔會有人怪佢卦。



回覆 引用 TOP

[隱藏]
引用:
原帖由 cglw 於 2019-1-6 04:55 PM 發表

我有個已經做咗家庭主婦廿幾年的奶奶,佢今年65歲左右。我老公三十幾歲,老爺七十幾歲。老公是獨子。奶奶廿幾年前幫親戚湊小朋友(即是佢姨甥),親戚有俾少少錢佢湊,就一直冇在外工作。其實而家姨甥都分別22歲和19歲。佢仲會煮飯給佢地食。平日我放假見佢都是在家睇電視,家務就係晚上煮餐飯和洗衫。佢話以前曾經有朋友介紹佢工作,但佢說因老爺冇答應幫佢煮飯,佢就唔放心外出工作。老爺已退休,兩老冇理財。老公每月俾$ ...
我嘅情況同你一模一樣。

生bb 前,99拍晒心口吹噓自己後生時共湊過3個bb,點知連換片冲涼都唔識. 到bb大少少,就話蘋果寒涼,bb唔可以食,因為夜晚肚痛就嘈醒全家(其實就算真係肚痛,都極有可能係因為99晏奏煲粥仔後唔放入雪櫃,臭咗夜晚再俾bb食。佢當然覺得冇問題).經佢多個月嘅粥水餵食後,bb 後來check到體重過輕。

佢有情緒病的,之前睇過醫生,但唔肯食藥覆診,全家都話佢冇野,只係”敏感”咗少少。如果孝順仔一早話我知,我點都唔洗佢照顧bb。只要其他人唔係跟佢做法一樣,佢就會立即爆炸,亦曾經衝出門話要死。

後來佢拋我,話我咁叻咪請工人湊囉,我立即請咗,點知佢隔日就上黎阻住工人餵bb,亦死唔肯走。

孝順仔嘅態度係,母親永遠是對的,寧願犧牲我同bb, 我已準備隨時離婚,我唔想再受到嗰家人嘅滋擾,我非常後悔嫁錯人!



 55 1234
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。