註冊 登入



打印

**同眼袋告別的終極方法**更新2019

**同眼袋告別的終極方法**更新2019 E-mail 此主題給朋友

[隱藏]
請有留意開我分享的sis如果想問我眼袋問題請再問,舊戶口:樹上芳香的回覆被關了😶
現在已向版主查詢中,待覆
最後相係最新影

眼袋問題,不論茶眼霜還是做機都冇方法處理
明明都係20中,但成日比人以為就30歲,化妝可以蓋到黑眼圈,但絕對蓋吾到眼袋呀,因為係突出黎,試過不同牌子eye gel,收緊眼袋,但大家如果都有眼袋問題一定知係廢,只會覺得眼既皮膚位置緊左而吾係細左或冇左。 用過d發熱既家用美顏機,按摩完好似覺得有dd用,但由於左邊勁突出,所以都係廢。
 
以下係我上網做資料搜集時既分析,希望幫到各位
 
分清楚眼袋定黑眼圈
我本身諗住打下熊貓針就搞掂,但醫生話我既情況是脂肪形眼袋+黑眼圈,打針改善吾到好多。做去眼袋手術比較合適,我話想考慮下,因為一心諗住好似睇YouTube d靚女話打熊貓針即時搞掂,醫生好友善話當然要考慮下,始終係小手術。第一天我冇落到booking 就離開。(本身去個到係試做皮秒機,見到醫生係到所以就問姑娘可吾可以問醫生比d意見。皮秒機我下次先分享。)
 
之後反到屋企開始睇去眼袋手術(因為之前成日以為打針搞掂,所以睇左熊貓針既資料)
眼袋手術有兩種,內開同外開。
 
內開岩,脂肪形,眼皮彈性ok冇鬆弛既人士
外開岩,眼袋大,皮膚鬆弛,年長人士
 
內開康復時間比外開快,視乎每人體質,我自己就第7日已經好得7788。
 
睇完資料就決定都係做啦,我吾想再不斷係咁買貴到喊又細樽既Eye gel,雖然做完個手術都係要茶眼霜既,但明知其實只係做到保濕效果,眼袋仍然跟住自己就決定吾再等,快快手手打去問價錢,有冇隱藏收費,同幾時有位做。
 
手術當日:
心情真係好緊張,未入手術室前有位顧問解釋手術風險之後就簽紙確認清楚手術風險及注意事項,好多版紙,一邊聽佢講一邊講清楚明白,但內心真係幾驚,好緊張下。不過個女仔話自己都做左一邊眼,佢話好快就搞掂,幾日後就靚,吾洗緊張。但我都係好緊張心諗我睇左YouTube 明明就要十幾日先靚。不過事實原來真係第4日就吾腫但會瘀,不過用遮蝦膏係遮到,可能我睇既都係台妹整既片,台灣同香港技術不一樣吧。
 
做手術前,姑娘比左幾粒藥我食,佢話食左會眼訓,話手術過程都會可能訓著,醫生入黎幫手畫位,圈出眼袋位置之後係我大比位置貼左塊野,吾記得塊野有咩作用。
 
手術過程,大概30-40分鐘,醫生幫我戴左類似隱形眼鏡既野保護眼球,打左麻醉針,手術過程係吾痛,但係開頭未訓著係會知醫生開始做同會嗅到燒野既味道,我覺得似煎野食味,到過程中段我訓著左,不過都會聽到醫生既指示,吾係完全冇知覺的,完成手術我都吾知,係聽到醫生叫我,之後姑娘幫我用冰袋夫眼,我又訓著。當我照鏡既時間,即時係少少腫。拎左一袋藥,好多粒,同1枝眼藥水,姑姑叮嚀一定要食哂全部藥,眼睛吾好濕水。跟指示滴眼藥水就ok
 
之後姑娘問我有冇朋友接我,我話冇呀,最後佢陪我落去搭的士,我覺得都幾nice。
 
講少少注意事項啦,其實同睇YouTube 講既一樣,眼睛吾好濕水,所以冇得洗頭,我5日冇洗頭,之後吾好做彎腰動作,吾好搬重野,同劇烈運動。要用冰夫眼,我基本上得閒就夫,每次半個鍾
 
Day 2開始腫,Day 3腫 Day4開始消腫,瘀青
因為左眼比較勁個眼袋,左邊既瘀都係勁d,
Day5冇腫啦,瘀青變左黃黃地色,day6 試化妝,再戴眼鏡,已經係睇吾出做左手術,其實day1-5 只要戴個大框眼鏡睇落都係冇麥野可以落街,似係喊腫左再嚴重少少既情況。 醫生講左2星期不要戴con, 但我第10日就偷偷戴,各位千其吾好學我,因為眼睛感染好嚴重嫁。
 
後感:我覺得繼cool牙之後,去眼袋係我覺得第2樣做得最岩既野,因為一世都吾洗再煩,最少十幾廿年見吾到個眼袋。老左如果皮膚鬆先做機,而家就精神左好多又細個左。眼袋不見了但有仲有少少淚溝同黑眼圈問題,化妝一定處理到,好滿意。盡量寫得詳細D,希望幫到你地啦。



[ 本帖最後由 樹上芬香的回覆 於 2018-12-31 04:33 AM 編輯 ]



附件

F34DF86F-2CA6-4764-950F-CA253B5885AD.jpeg(29.22 KB)

2018-12-31 04:31 AM

F34DF86F-2CA6-4764-950F-CA253B5885AD.jpeg

57341D76-C553-4DBE-A0AF-56DCC6B0504F.jpeg(71.58 KB)

2018-12-31 04:31 AM

57341D76-C553-4DBE-A0AF-56DCC6B0504F.jpeg

熱賣及精選
提示: 作者被禁止或刪除 內容自動屏蔽
提示: 違規內容已被屏蔽
個眼袋真完全唔見左 想問下呢個算係咩treatment?


回覆 引用 TOP

[隱藏]
你呢隻真係消腫得好快 ,想知呢隻total幾錢,通常keep幾耐到架?

[ 本帖最後由 lailai0414 於 2019-1-2 12:55 PM 編輯 ]



回覆 引用 TOP

Hello 之前睇到你話無傷口所以想問detail d!! 成個過程需時幾耐?手術後你有無復原期定你可以即刻返工見人?因為我應該請唔到太多假...


回覆 引用 TOP

提示: 違規內容已被屏蔽
引用:
原帖由 bibubibuiris 於 2019-1-5 05:08 PM 發表

你好,請問可以pm醫生既資料嘛?洗唔洗3萬?
我個時做2萬有找,而家我估都係2萬頭吧



回覆 引用 TOP

thx for sharing


回覆 引用 TOP

[隱藏]
提示: 違規內容已被屏蔽
提示: 違規內容已被屏蔽
我前年都做過眼袋內切,D相已經搵唔到,做完之後效果好好,但係現在又出返來小小,做完手術一定要好好保養,因為我經常好夜訓。


提示: 違規內容已被屏蔽
提示: 違規內容已被屏蔽
[隱藏]
提示: 違規內容已被屏蔽
 32 123
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。