• 瀏覽: 924
[隱藏]
由中一開始第一火山爆發位置就係額頭,生細細粒暗瘡仔,生得好密,個額頭紅卜卜,記得好多老師一見到就話好嚴重,要睇醫生,但係細個邊有錢睇,亞爸亞媽粗人一個,更加唔多理,十二歲試過買惠康一款clean & clear暗瘡爽膚水,開頭有效,之後皮膚適應咪又係爆過,亦都試過藥方買抗生素暗瘡藥水,一開頭用好有效,但係用到兩三枝後就無效,大個先知原來有抗藥性,暗瘡底就係生完又生。

到大個左出黎做野,額頭反而少左,轉左面到,生面兩邊仲衰,有時手多揤完會有洞,跟住就開始食避孕藥,食左幾年藥皮膚開始好多好多,再加埋做彩光,唔化妝皮膚都靚,但停左藥後,又爆過,就到下巴爆,仲要爆石頭蒼,人都癲,呢十幾年黎都無甩過暗瘡,到近呢半年先搵到啱用護膚產品,再加中藥成份暗瘡膏,近呢幾個月開始少生左,終於見到塊面無咁花,雖然有仲有小瑕疵,但都叫見得下人麻!生暗瘡只有生開既人先知個種痛苦,無試過係好難體會到個種心情。

只要唔好自我放棄,都有機會改善自己塊面,每個人用方法都唔同,皮膚靚啲都係為自己,唔好放棄!

[ 本帖最後由 Halolittle 於 2018-12-11 03:18 AM 編輯 ]



[按此隱藏 Google 建議的相符內容]