• 瀏覽: 80,471
  • 回覆: 191
  • 追帖: 77
[隱藏]
引用:
原帖由 112008 於 2019-4-11 03:25 PM 發表

濕重暫時無事, 可能食得辣野多
我證實多用花水係邊度都係work的。
韓國早晚得幾度, 濕度3-4x, 用花水, HA, 加埋薄身面油, 完全頂到, 起碼無乾到脫皮, 未要敷mask。
話時話, 見到沙棘潤唇賣了, 品牌出, 唔係DIY個隻。 ...
倒不如自己高比例沙棘自己diy.一般賣嘅沙棘比例都唔會高...睇材料欄就知



熱賣及精選
引用:
原帖由 112008 於 2019-4-12 08:44 AM 發表

沙棘辣椒油都見過啦
咁有趣?加2%當營養?
商品嘢真係幾小事作大...



回覆 引用 TOP

引用:
原帖由 地獄朋友 於 2019-4-17 11:13 PM 發表

講開肩周炎, 我早幾年試過痛到連 胸圍扣都扣唔到, 針灸試過,推拿都試過 ,都冇乜進展,反而個針灸師叫我做一些痛都要堅持做的拉扯肩膊的運動, 後來就沒有痛了。 ...
肩周炎(五十肩)係有周期階段,就算唔理,痛痛吓都會好返。但如果無咩運動,遲吓又再嚟。

發作時幾痛都好(可以搽啲止痛消炎) 要堅持照樣輕啲、慢啲活動郁吓關節,以防佢炎症時裡面軟組織黏粘,以後就好麻煩。

我老公試過兩次,呢5-6年未發作過。
睡覺著返件短袖都唔好打赤膊凍到肩膊,就好易有



回覆 引用 TOP

引用:
原帖由 112008 於 2019-4-18 10:47 AM 發表

見街外有檸檬石斛茶, 玫瑰石斛茶賣喎。
我地就方便得多啦, 石斛+花水就搞掂, 仲要多味道過佢
應該話真材實料啲



回覆 引用 TOP

[隱藏]
引用:
原帖由 地獄朋友 於 2019-4-19 01:01 PM 發表

如果有局部濕疹的朋友,又不太怕痛,可考慮採用放血治療,我覺得效果比較徹底,比針炙持久好多。
我冇去針炙後,两边頸部的濕疹又走出來,朋友介绍我去放血,第一次放完血後幾天,放血位置出水出了一日一夜,之後好轉些。
之後隔左两星期又去做第二次,之後又出水出了半日,然後足一個月都冇乜野。系因為近日去旅行食得太多「好野」,這两天有少少想翻發。
個人經驗,我每次濕疹出完水就會好,所以我覺得出水=排毒,因此我由得 ...
水=濕。咪你體內濕重,雖然唔知係濕熱?寒濕?燥濕...都係濕。
你平日就要重視健脾運濕,多啲飲啲溫和袪濕茶。
少啲食濕熱寒涼嘢,習慣多點運動排汗。



回覆 引用 TOP

引用:
原帖由 112008 於 2019-4-19 01:37 PM 發表

濕疹唔只得一種, 有不同的濕疹, 同一種治療方法, 唔係個個人, 任何濕疹都適合用。
中醫講求養生, 補氣血。
放血就剛相反, 破氣傷身。
當然有些情況係適合用, 但唔代表個個人都適宜做,都啱做。
若果只係放小小血就醫治到濕疹, 邊位會中醫唔識放血呀
但點解唔多見中醫師幫病人做呢?
自己細心諗吓 ...
我諗佢重點唔係放血,係放血後放水...去左啲濕。

我都識一個老年乾性濕疹嘅做過放血,無咩效果。
我相信要視乎個人體質情況,我識嗰個好dry吓,身體又弱弱地,佢放血完無咩出水。
不過近年佢滋陰做多左,外用保濕做返足,依家都改善左好多,好左7成。



引用:
原帖由 112008 於 2019-4-19 03:31 PM 發表




都明, 不過中醫都無睇, 就去做放血。
身子弱的人, 啱?
從文字都睇到生活習慣對健康影響, 不過身體係人家, 要點管理, 不便出聲了。
通常呢啲放血,應該係由中醫師,針灸師(針灸要另一個証)呢操作。唔會自己都做得



引用:
原帖由 112008 於 2019-4-19 04:00 PM 發表




若果中醫話你適合做, ok無問題。
但香港人只要有人讚好, 就唔會諗, 做左先算, 怕執輸嘛。
有醫得醫師會講解俾你知, 但好多你肯俾錢, 咪同你做囉。
經你咁提左應該唔會啦



回覆 引用 TOP

引用:
原帖由 地獄朋友 於 2019-4-19 04:07 PM 發表

我個中醫會先把脈,覺得我合適才和我放血,她也說放血也不可太頻密地做,因為我不是年青,氣血就一定冇後生時咁好。中醫在第一次幫我放血時也說明效果人人不同,但我就有好好的效果,所以我才去做第二次。
我弟弟的整個背部,两隻手臂長滿红疹,超痕,晚上又睡不着,睇極中医都吾得,於是他也去放過一两次,又系效果好好,做完至今成三個月都冇再出。
所以我才在此介绍一下如有濕疹皮肤問題,醫到冇哂辦法的話,也可一試。 ...
唔會話醫到無晒辦法的...
所有事必定有原因,搵到源頭,又搵到適當對治方法自然可以慢慢恢復。
通常係搵錯路徑先走左寃枉路



回覆 引用 TOP

[隱藏]
最近有兩個人都問靜脈曲張問題。

痔瘡,其實都係靜脈曲張,係肛門靜脈。有痔瘡,建議若在家,紙巾略抹7成乾淨,就用花灑沖洗較好。因為不斷地乾拭擦佢,係會加重情況。留意吓,多數係長係你拭擦方向嗰邊。


精油可以用:熏陸香、絲柏、廣藿香、天竺葵。配瓊崖海棠油。痔瘡一日搽幾次,效果唔錯。每5ml油可以加3-4滴精油(雖然睇落似多啲,但其實每次只用到1-2滴油,當中所含精油量唔高)

至於腳,手嗰啲,因為係末肢,特別腳部,幾受壓受力,就要搽較長時間,往心臟方向輕掃嚟搽。

[ 本帖最後由 yeung_dd 於 2019-4-22 09:11 PM 編輯 ]



回覆 引用 TOP

最近麒麟果賣得比以前平左。我都食多左少少。
對於有便秘問題,麒麟果係幾有幫助,但平日腸胃易敏感腹瀉嘅就唔好食或只淺嚐即止。
麒麟果有兩個產地:哥倫比亞。厄瓜多爾
哥倫比亞產嘅通便能力比厄瓜多爾強好多。
所以我只選厄瓜多爾嘅溫和啲嚟食,唔單為清腸,本身佢亦含好多多酚抗氧化物。
老人腸道蠕動慢,好多都有偶發便秘,我就經常拎兩隻俾我奶奶,叫佢每次食半只嚟幫助吓腸道蠕動。



引用:
原帖由 地獄朋友 於 2019-4-24 04:32 PM 發表




我諗我上次就是吃了一個產自哥倫比亞的麒麟果了,结果瀉了十多次。。。
我買時會睇標籤知道產地先買。
哥倫比亞嘅幾乎係一食就痾。
厄瓜多爾,我第一次食時唔知係咪條腸未適應佢,食左半隻時反應都快,大約2個鐘去,唔算瀉,軟便。但到之後第二食就無咁明顯,要到隔天先反應。

依家都習慣左偶然買次大家食半隻咁清清宿便。
試過隔兩日先見返啲黑核仔,可能條腸都適應左。



引用:
原帖由 112008 於 2019-4-24 04:51 PM 發表




問過買生果的2個地區分別, 佢話係新, 舊果樹的分別, 不過無深究了。
識人食enzymes去廁所的, 我又8吓食過, 對我完全唔得, 胃痛到死死吓, 最勁係食完15分鐘就嘔, 宣佈放棄。 ...
唔係咁分別。哥倫比亞係原生產地=奇異果原生地係中國彌猴桃。

有啲自制叫酵素嘅水果+高糖液,嗰啲嚴格嚟講非酵素嚟。



回覆 引用 TOP

引用:
原帖由 MosBEE 於 2019-5-11 12:28 AM 發表

一直以來我都係對手白過面,面長期係鐵青色嘅...
剛剛三文治按面時照鏡,猛然發現自己對手竟然比塊面黃!應該掉返轉講,係因為日子有功,塊面提亮咗好多
真係要多謝DD教導、多謝DD 牌,讓我地由外至內,由內之外,肉體同心靈都獲益良多😘 ...
咁好?😱
我都要努力啲先得...

近排玩園藝,成日曬,手都黑左好多...



回覆 引用 TOP

[隱藏]
引用:
原帖由 112008 於 2019-5-13 04:07 PM 發表

我的盆栽有蚊滋飛來飛去, 我攞左薰衣草花水去噴, 搞掂, 慳番唔使買植物殺虫水
我都試吓先。
呢排好有心機,打理返露台,種左藍莓,士多啤梨,蕃茄(都係種啲食得嘅化算啲)...為左減啲蟲害,各種左盆熱帶羅勒,薄荷。

提示吓:盆栽,葉片太密時要疏吓啲老葉,有啲無咩用搶養份嘅盲枝可以剪左。
夏天高溫,植物唔通風好易惹蟲害、菌害。



回覆 引用 TOP

提示:支持鍵盤翻頁左 右
[按此隱藏 Google 建議的相符內容]