註冊 登入



打印

關於bb擺酒

關於bb擺酒 E-mail 此主題給朋友

[隱藏]
啱啱做佐老豆,bb出世之後陸續收到d親戚朋友嘅利是同禮物啦,有個親戚(外家)封佐一封大利是俾bb,我老婆收起佐,跟住就商量話幫bb擺酒,我老婆戈邊就唔想擺話嘥錢,但係我屋企人都想熱鬧一下小擺慶祝嘅,於是同我老婆戈邊商量,我外母話已經請佐d送禮嘅朋友食佐飯(之前封大利是戈個仲未請),結果我外母要佐四圍。問題就係我老婆唔肯攞返封大利是出嚟俾bb擺酒用,而係要我屋企出晒。原因係我外母之前已經請佐d送佐禮嘅朋友食飯,用佐好多錢。然後我建議不如我同我屋企一半一半,我唔想屋企人負擔咁大,而且bb係我哋嘅。然而我老婆都係堅持要我屋企出晒,即使出最多只會出返個封大利是,其他多就冇。我哋兩家人一共先擺八圍。

希望各位俾d意見,我好迷惘。



精選樓盤
擺你個仔嘅百日宴仲要你父母出錢? 要唔要問埋你阿公阿婆阿嫲阿爺拎?


啲人黎到都會比利是, 照計唔會點蝕,


女家唔想擺, 咪淨請男家囉, 做乜夾硬要四圍? 收左人禮想淨袋又想請返人食飯但唔出錢, 好乞衣..



引用:
原帖由 @miu 於 2018-11-12 09:11 PM 發表

擺你個仔嘅百日宴仲要你父母出錢? 要唔要問埋你阿公阿婆阿嫲阿爺拎?


啲人黎到都會比利是, 照計唔會點蝕,


女家唔想擺, 咪淨請男家囉, 做乜夾硬要四圍? 收左人禮想淨袋又想請返人食飯但唔出錢, 好乞衣.. ...
之前我有同我屋企商量過,兩老想擺好睇啲,所以會幫手出一啲,佢哋認為問題唔大,但係我老婆唔想佢屋企出錢,但係又要佐幾圍…我老婆外家係唔知呢件事,以為我哋搞掂晒,係我老婆刪閘,宜家吵緊好煩。



樓主兩公婆自己出$,豐儉由人,滿月不同結婚,人情不會多,部分人可能送細件金器比BB


眾醉我醒會煩惱
眾醒我醉要吃虧

回覆 引用 TOP

[隱藏]
兩公婆自己出
做得人阿爸阿媽仲要伸手同老人家攞錢,你地兩個知唔知醜



引用:
原帖由 Erikson338 於 2018-11-12 11:07 PM 發表

兩公婆自己出
做得人阿爸阿媽仲要伸手同老人家攞錢,你地兩個知唔知醜
講得啱



個仔邊個生,錢邊個比


回覆 引用 TOP

擺泥吧鬼 門面野做比大人睇 BB完全冇得益 完全5知咩事


回覆 引用 TOP

結婚擺酒,bb滿月酒,全部應該你兩公婆比錢。


回覆 引用 TOP

[隱藏]
富2代喎,
BB擺酒都要屋企人比錢。



回覆 引用 TOP

就算你老婆要你出埋女家的4圍, 當你8000蚊一圍, 
都係32000, 你為左32000同你老婆嗌交?
你求期去借私人貸款都借到幾皮野啦



你老婆外家都已經話唔擺,你又麻麻煩煩咁要女家請人嚟!八圍酒,幾皮嘢都出唔起,又要老豆老母出,如果個B知個老豆咁廢,可能寧願捐返入亞媽個肚度,無眼屎,乾淨盲!


回覆 引用 TOP

結咗婚已經係另一個家庭啦!
連仔都識生證據確鑿係一個百份百成年人,點解幫自已個仔擺酒都關第二三個家庭事?
老婆仲有趣收左人情代代平安都得又唔似係家庭成員之一喎
父母想幫手人情識做咪得囉!
咁大個人嗰幾萬蚊打個電話比銀行做分期一年都係千令蚊息,收完人情可能已經夠找條數,成年人呢啲野唔使人教呀?



回覆 引用 TOP

百日宴做咩要問父母攞錢??
簡單啲唔好問你父母攞錢~所有使費你地2公婆自己負責返
咁就唔使拗點解你父母出錢但佢父母唔出錢啦~



回覆 引用 TOP

[隱藏]
乜而家D青年咁廢,擺唔擺酒自己決定!父母想熱鬧,你可以擺,錢銀方面要父母俾直頭廢柴!


回覆 引用 TOP

 35 123
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。