打印

[小學教育] 令小朋友記得d中文字點寫的方法

令小朋友記得d中文字點寫的方法 E-mail 此主題給朋友

[隱藏]
我自己的方法,當然不是我班弱智小學老師的方法!

當年我讀慈雲山16座聖X德小學,佢地只有一招,就係打,不合格就打,一打人,就用左半堂,對埋補充答案,都無乜時間剩,根本無時間教書。

佢地覺得讀一次詞語,用五分鐘,就可以令小朋友記得個字點寫!唔記得,默完書就知道邊個字小朋友唔記得,咁打到佢記得囉!

你哋認為得嗎?如果用打的方法可以令人記得知識,咁點解無一個聖X德老師,會打到自己仔女入醫院先?乜唔係越打越有記性,越打越有學問,再打可以攞諾貝爾獎?

你話用「打」這個方法,係咪唔work 先?

根本只係d 癲婆用來發洩,用人地d仔女來做出氣袋!

~~~


好了,咁我係點記呢,其實有好多方法的,最有效的,就係畫圖畫!

好多字,係象形文字,你將相應部分,畫返公仔出來,佢就會記得。例如「龜」字,你畫隻龜,背脊係一個X,前面有兩隻爪,小朋友就不會再同「蠅」字的「黽」撈亂。

擅用簡體字,「醫」字,好多人都寫左「医」做「臣」,但學簡體字先的人,一定不會錯,因為佢地只寫医。

講故事,例如個「亂」字,好多筆劃,好難寫,你就數一數,有三個三角形,分別是「厶」「令」的下半部及「又」,爪其實是一隻手,就說那隻手,見混亂了,就執住手「令」,命「厶」及「又」企返入帳篷入面,另外豎多「乚」,唔俾帳篷冧!

......


如果知道成個字是如何創造出來的,當然更好,鬼唔知阿媽係女人!

但不是所有父母都是學者,試下不同方法又無妨,最重要係小朋友記得點寫!默書無錯不用扣分!

[ 本帖最後由 高大雀躍的腳指 於 2018-11-11 10:32 AM 編輯 ]



回覆 引用 TOP

樓主都幾記仇。。。。。打你個老師都退左休,你想得到咩結果 ? 咁唔忿氣,不如上高登搵起底組幫手啦。。。。。。。


引用:
原帖由 tomickwan 於 2018-11-11 12:59 AM 發表

樓主都幾記仇。。。。。打你個老師都退左休,你想得到咩結果 ? 咁唔忿氣,不如上高登搵起底組幫手啦。。。。。。。
打我的老屍有好多個,起得邊個?

咁你覺得打小朋友的方法好?定創意學習法好先?

用以下作為量度標準:
效果更佳?
效率更快?
小朋友更有興趣?
大人同小朋友關係更好?



回覆 引用 TOP

聯想法,經常寫錯妨礙的「妨」為「防」,好簡單,搵機會講:「女人真係麻煩,阻住哂!」,講多兩次,就話:「唔怪之得,個『妨』字係『女』字邊啦!」

擅用有部首查字的字典,其實好多手部動作,係「扌」部,腳部動作係「足」部。
這是歸類法!



回覆 引用 TOP

[隱藏]
唔...其實我覺得熟能生巧, 啲字寫多幾次其實就會有印象, 我細個嗰陣時係一邊寫字一邊讀出嚟, 寫多幾次就記得了, 不過你嗰個方法應該會更有趣


引用:
原帖由 AcssultBo 於 2018-11-12 06:22 PM 發表

唔...其實我覺得熟能生巧, 啲字寫多幾次其實就會有印象, 我細個嗰陣時係一邊寫字一邊讀出嚟, 寫多幾次就記得了, 不過你嗰個方法應該會更有趣
人人的天份不同,你要寫多幾次先有印象,我見過有小朋友,完全無寫過,只看一看,但已經識默。



回覆 引用 TOP

盡用五官學習法。
通常,我們用眼去看字,用耳去聽字的讀音,用手去抄寫個字!

但你的小朋友,有無用嗅覺、味覺、觸覺去學字呢?

將酸、甜、苦、辣、鹹...的食物,裝入不同的樽,外面就貼這些字,讓小朋友自己取食,味覺有助他們回憶字怎樣寫!

嗅覺一樣可以用來幫助回憶,例如:薄荷、玫瑰、醋、豉油、胡椒、薑、辣椒...這些字對於小朋友,都有一定難度,小朋友一邊學寫,你一邊用來整食物讓他聞,瓶上亦寫了這些字,他下次聞到味道,就會記得㸃寫!



回覆 引用 TOP

大目標分拆成小目標法

髮、鬍、鬚、鬢、鬃、髻...都好多筆畫!

叫小朋友先學寫上半部份:髟,抄熟了默熟了,再加下半部分,自然容易多了!

「鬱」字都可以拆開來寫!

成年人要記得,你有成年人的基礎,你有時都執筆忘字,小朋友毫無基礎,係更加難!



回覆 引用 TOP

有無人試咁?覺得有無效?


回覆 引用 TOP

[隱藏]
簡體字?又幾好喎


del

[ 本帖最後由 高大雀躍的腳指 於 2018-11-17 02:14 AM 編輯 ]



回覆 引用 TOP

del

[ 本帖最後由 高大雀躍的腳指 於 2018-11-17 12:11 PM 編輯 ]



回覆 引用 TOP

當然不能亂用,就像護字就不能用,簡體「护」用手及聲音,繁體「護」用言語及象形!
但「醫」字真的好用。

[ 本帖最後由 高大雀躍的腳指 於 2018-11-18 01:49 AM 編輯 ]



回覆 引用 TOP

顏色法

不知大家有無玩過一種遊戲,是要你讀一些顏色字,但「紅」就用綠色去寫,「黃」就用紅色寫,慢慢來,都讀得啱,一快就混亂了,讀了該字的顏色。

因為顏色有助人對字的認知。

在家裡,用字咭及不同顏色的筆去寫相應的字,其實是可以幫小朋友記字的。

例如:橙,橘子,都用橙色筆寫。
茄子,用紫色。
鋼,用銀色。
錢幣,用金色。

甚至,只是他經常忘記的部分,才用顏色筆寫,咁就可以加強記憶!



[隱藏]
我小時侯, 老帥教用口講字點寫, 短時間學好多字


 29 12
 提示:支持鍵盤翻頁 ←左 右→






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。