註冊 登入



打印

[眼部護理] 尖沙咀網紅店整眉衰左,求介紹洗眉⋯

本主題由 YanNessIsMe 於 2018-11-22 05:58 PM 關閉

尖沙咀網紅店整眉衰左,求介紹洗眉⋯ E-mail 此主題給朋友

[隱藏]
其實平時我真係好少會上網話人,不過真次真係好bad experience,所以想分享,同埋呻下⋯⋯ 早排去左一間尖沙咀既整眉中心整眉, (好似叫氫氧眉),我見到咁多網紅去過(教韓語小教室個個),諗住d女神都夠膽去整,應該唔差掛,所以就膽粗粗試下,點知真心中伏。本來我約既時候就$3600,點知買單就$5000先落樓⋯ 詳文如下⋯

我去到等左一陣先有接待員黎問我做氫氧眉定係粉氧眉, 我問佢有咩分別, 我只係知我book個個係$3600,跟住佢就行開左, 我以為佢去拎D相比我參考啦, 點知係拎部手提電話照字讀左一篇野我聽… 大致係輕氧就眉筆畫咁, 粉氧眉就似用粉畫, 聽完等於無聽, 都唔明即係咩樣咩分別, 咁就只好問佢我適合邊種做法呢? 佢就叫我等~

等左成9個字先到我畫眉,佢話佢地粉氧眉就$3600,氫氧眉就加$500,我問佢有咩分別,(我真係唔知有咩分別),加上我本身無預咁多budget,就話做$3600個個啦,點知佢話「如果$3600個個就無咁靚囉,會無咁自然囉」 我心諗,如果$3600整得唔靚咁你點解要俾人揀呢?設計哩個item出黎做乜?我黎得整就緊係想整靚架啦,你講到咁我只好焗俾。之後幫我塗左麻膏話敷30分鐘, 叫我坐係出面等。

我想講真係好似酒樓等位/急症室等睇醫生咁,我一黎到既時候已經等左45分鐘先到我,其實我約左個個時間,都根本唔係個個時間俾我,去到都係要等⋯ 然後敷麻又叫我坐出面等,我眼見5-6個人條眉敷住保鮮紙排排坐係出面,其實我真係無諗過係無私人空間到咁,大家尷尷尬尬咁坐埋一齊,低頭玩電話⋯ 坐我後面個女仔都忍唔住出聲嘈,話等左個半鐘都未到佢。結果,我坐左「1小時15分鐘」先到我入房整!我聽到隔離個女仔話佢都等左一個鐘!其實我都明佢想做多d客,但你唔夠人手又唔夠房就唔好book咁多啦⋯⋯

之後終於到我做,點知佢不斷話我無眉尾要加 $800 做埋彷真眉毛會自然D⋯ 我心諗「大佬,又要加錢?」其實我真係唔想加,結果佢又講到好嚴重咁,如果唔加就一定整得唔靚⋯ 唉,我又唯有加錢⋯ 不過哩個整眉師態度真係超級差同串,問多2句都唔耐煩咁,只係不斷叫我加錢。不過真係整得好快,20分鐘整完。不過我3點鐘到,等左45分鐘到我畫眉,再等左1個鐘先到我整眉,剩係等都等左2個鐘⋯

最後條眉同我想像中完全唔同,又粗又實色,眉頭又唔對稱,根本唔係佢Ig所講既不會變黃小虎⋯⋯ 我睇佢整網紅d相好靚,但點解整我就整成咁⋯ 係咪整客就求其d?? 仲有好多隱藏收費。 我聽到佢地幾乎每個女仔都叫人整$5000個個,如果唔整就一定唔靚~ 我做左第五日都仲紅腫,依家甩哂蕉都仲好實色。仲有,我完全睇唔到彷真眉毛係邊,個$800 白加!! 仲要比老公話我成個王小虎咁, 超後悔去呢度整眉, 而家想洗左條眉但又唔敢再去呢度洗, 想搵其他地方洗⋯ 求介紹地方俾我洗眉😭😭


岩岩整完第4日⋯


[ 本帖最後由 yin2niy 於 2018-10-23 10:41 PM 編輯 ]



熱賣及精選
你係咪指mx bexxxf? 我呢排都好想整眉,唔想成日畫,本來見呢間咁多明星去,都想幫襯。。

結完焦甩左會唔會冇咁黑呀?



引用:
原帖由 MissSuzy 於 2018-10-23 10:20 PM 發表

你係咪指mx bexxxf? 我呢排都好想整眉,唔想成日畫,本來見呢間咁多明星去,都想幫襯。。

結完焦甩左會唔會冇咁黑呀?
係⋯ 依家甩完焦係咁⋯ 我勸你真係唔好去,我話佢整到唔對稱,佢話唔會免費幫我洗返。洗眉係$1800,但話俾discount我$1200洗⋯ 我唔敢去洗



你做呢間有冇補色呀?
同埋你做的係咩色?
我之前做個間 同我朋友去做個間
整完都冇你做呢間有四方櫃咁唔自然

你宜家做咗幾耐呀 ?
做laser 好樣衰



[隱藏]
提示: 違規內容已被屏蔽
引用:
原帖由 yin2niy 於 2018-10-23 10:33 PM 發表


係⋯ 依家甩完焦係咁⋯ 我勸你真係唔好去,我話佢整到唔對稱,佢話唔會免費幫我洗返。洗眉係$1800,但話俾discount我$1200洗⋯ 我唔敢去洗
好慘真係唔對稱喎...其實佢哋應該售後服務



我都有喺呢間做過呀sis!
呢間有隱形收費,我唔認同佢嘅銷售手法!我之前有做過飄眉,見甩色咪問價錢,嗰時係$3xxx!但上到去就話我做過飄眉要加$500調色費!之前又冇提過做過飄眉要加錢,上到去先同客講,感覺唔好!加上又唔係洗眉,每個客想做嘅色都唔同,有灰有啡,都係要調色,真係唔明點解要收多$500!不過當時覺得已經上到去就照加錢照做!
做嗰時有叫我加$800整仿真眉毛,當時加咗,其實都只係畫咗幾下,返去補色嗰時佢直頭冇再幫我整仿真眉毛!
補色後佢會叫你加$100買包cream話條眉啲色可以keep好啲!但包cream嘅size其實同平時一包包啲護膚品sample一樣,我覺得唔值咁貴,所以我冇加喇!
我條眉再甩色都唔會揀去呢間整喇!



我見你都唔係好深色
你個度包唔包補色呀?
不過個眉形改改佢好啲
有小小娘 宜家唔流行一字眉 或太粗的眉



引用:
原帖由 sunshine29 於 2018-10-23 11:27 PM 發表


好慘真係唔對稱喎...其實佢哋應該售後服務
完全無售後服務,只識叫我俾錢



回覆 引用 TOP

[隱藏]
引用:
原帖由 前往永恆的OL 於 2018-10-23 11:57 PM 發表

我都有喺呢間做過呀sis!
呢間有隱形收費,我唔認同佢嘅銷售手法!我之前有做過飄眉,見甩色咪問價錢,嗰時係$3xxx!但上到去就話我做過飄眉要加$500調色費!之前又冇提過做過飄眉要加錢,上到去先同客講,感覺唔好!加上又唔係洗眉,每個客想做嘅色都唔同,有灰有啡,都係要調色,真係唔明點解要收多$500!不過當時覺得已經上到去就照加錢照做!
做嗰時有叫我加$800整仿真眉毛,當時加咗,其實都只係畫咗幾 ...
唉⋯ 其實真係好呃錢,我最後都有買個支護色藥膏,超細包⋯ 我最後悔就係加左$800做仿眉,加左同無加都無分別⋯



回覆 引用 TOP

引用:
原帖由 MEIYAU 於 2018-10-24 12:09 AM 發表

我見你都唔係好深色
你個度包唔包補色呀?
不過個眉形改改佢好啲
有小小娘 宜家唔流行一字眉 或太粗的眉
甩左蕉好d... 不過個眉形真係勁唔靚



引用:
原帖由 yin2niy 於 2018-10-24 12:54 AM 發表


甩左蕉好d... 不過個眉形真係勁唔靚
間野叫咩名?



我之前 都係尖沙咀  山林道16號 比個叫camen既白痴女人整 做衰左   洗左  仲要洗下  我初時 洗果間 唔係pico  我發現pico洗得快好多  你揾間pico洗啦


我覺得可以告間嘢,點解可以咁屈人地錢


[隱藏]
提示: 違規內容已被屏蔽
 52 1234
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。