註冊 登入



打印

我係咪好衰?

我係咪好衰? E-mail 此主題給朋友

[隱藏]
我今年三十中間,剛離婚,之前喺Paktor識咗個嚟香港做medical researcher嘅外國人,大家好好傾,過咗三個星期佢話佢鍾意我,話佢出完trip返嚟喺埋一齊(佢嗰時剛完成咗合約嘅試用期跟住要去柬埔寨做八星期幫第二個機構做一張安裝醫療設備嘅contract ,佢講嗰時去咗兩個星期左右,返嚟香港就開始合約嘅第一期),期間大家都成日講We chat,偶爾會喺電話傾幾句,中間有一晚被佢嚇親,傾傾吓wechat無啦啦話I feel so hot for thinking of you,我忍唔住Hah,跟住佢send咗兩張下面嘅相過嚟,其中一張仲係做緊某一個動作㖭(真係講到有D唔好意思),我即晚冇講嘢,淨係話我第二日返早要早D瞓,第二朝我留言俾佢叫佢唔好再send呢D相過嚟,同佢講大家文化唔同,叫佢咁私隱嘅嘢唔駛同我講同send相過嚟,佢都應承咗唔再send過嚟,我同自己講大家文化唔同,但有D懷疑佢想同我一齊其實係當我係女朋友跟當我係喺香港嘅一個洩慾對象但係掛名嘅女朋友?呢件事令我同佢發展嘅心態有D保留。跟住佢嗰幾日佢都留言講D好好聽嘅說話,過咗一星期左右有一晚佢同我講佢同佢請嘅一班工人喺hinterland俾人劫晒D錢同銀行咭,佢send咗去個機構話終止張合約,但嗰邊覆返要賠5000英鎊(因為佢話佢係呢張合約嘅負責人,所以要負責返),佢最初話同兩個friends(佢冇得同父母借,因為佢父母喺佢細個嗰時已經唔喺度)同銀行借錢,但係不成功,跟住就開始問我借,我同佢講我每個月都係剛夠用同俾家用阿媽,銀行又要還私人貸款所以唔可以再借,又唔想問friend 同屋企人借,過咗兩日佢開始話佢一日只夠錢食一餐,又send埋卡片同喺香港做嘢嗰張合約過嚟話保證會還返錢,但係我一直都表明我幫佢唔到,開始我都覺得同佢chat都開始有壓力(因為佢成日都講借錢同唔開心,關心佢有冇食飯佢又成日話求其食咗餐,聽完個心真係好唔舒服,但又幫唔到同開解唔到佢),去到一個星期後嗰日之前嗰晚我瞓得三個鐘,做嘢又好攰,放工send message 俾佢,佢講咗句如果佢對我咁重要我應該可以幫到佢,嗰吓我真係着咗(我好唔鍾意人哋咁講呢D嘢叫我去做嘢,我性格係我覺得我幫到你又覺得你值得我幫我自然會做,加上嗰個我同佢講咗我真係好攰,我嗰吓覺得佢話好愛我但又好唔體諒我,同埋我性格講嘢有時都幾直),嗰吓我講咗句你唔係認為你對我嚟講緊要過我同屋企人講完想借錢而關係差咗呀?跟住佢就冇再留過message喇,過咗一個星期左右,我再留言同佢講唔好意思我講嘢咁直,雖然我哋無發展但係希望佢個問題可以解決到,但都係冇覆...我用佢個名search 過,佢LinkedIn真係有file,所以我覺得佢真係香港做嘢(同埋同佢平時大家講嘅話題都幾肯定,因為咁啱佢宿舍住嗰頭同我以前返學好近,講D嘢都冇咩破綻...)

大家覺得我咁講係咪好衰?其實我原意係唔想佢嘥時間喺我身上借錢...我之後見過佢個paktor file有login過,我覺得點解喺咁嘅時勢仲有心情上交友app。其實差唔多過咗成兩個月,但係個心都係有D放不下...



好似警訊 騙案咁


回覆 引用 TOP

新手post多膠帖
求其攞1分算



回覆 引用 TOP

仲chat. 好想俾人呃錢?


回覆 引用 TOP

[隱藏]
你想俾人呃埋錢,先放下??


引用:
原帖由 Mcice 於 2018-10-11 01:36 AM 發表

你想俾人呃埋錢,先放下??
冇聯絡喇,只係事後覺得自己講嘢好似好難聽



引用:
原帖由 kellyllyy 於 2018-10-11 01:51 AM 發表


冇聯絡喇,只係事後覺得自己講嘢好似好難聽
一啲都唔衰,你做得好好,叻叻



尋晚留咗言之後,個心都好似鬆咗,將呢兩個月心中想講嘅嘢講晒出嚟,多謝大家睇我寫到咁長嘅文


回覆 引用 TOP

引用:
原帖由 kellyllyy 於 10-10-2018 23:21 發表

我今年三十中間,剛離婚,之前喺Paktor識咗個嚟香港做medical researcher嘅外國人,大家好好傾,過咗三個星期佢話佢鍾意我,話佢出完trip返嚟喺埋一齊(佢嗰時剛完成咗合約嘅試用期跟住要去柬埔寨做八星期幫第二個機構做一張安裝醫療設備嘅contract ,佢講嗰時去咗兩個星期左右,返嚟香港就開始合約嘅第一期),期間大家都成日講We chat,偶爾會喺電話傾幾句,中間有一晚被佢嚇親,傾 ...
冇衰呀⋯⋯冇理由走去問人借錢,再借比人,
他幾唔掂都仲生存到,冇事呀⋯⋯別自責
利申:試過visa透支借$比人,什麼唔掂,原來最後拿去賭,贏了只還本金比我,利息都蝕埋俾佢



[隱藏]
智障, 掛住食洋腸


回覆 引用 TOP

你唔係信下嘛?網上情緣騙案橋段喎


引用:
原帖由 kellyllyy 於 2018-10-10 11:21 PM 發表

我今年三十中間,剛離婚,之前喺Paktor識咗個嚟香港做medical researcher嘅外國人,大家好好傾,過咗三個星期佢話佢鍾意我,話佢出完trip返嚟喺埋一齊(佢嗰時剛完成咗合約嘅試用期跟住要去柬埔寨做八星期幫第二個機構做一張安裝醫療設備嘅contract ,佢講嗰時去咗兩個星期左右,返嚟香港就開始合約嘅第一期),期間大家都成日講We chat,偶爾會喺電話傾幾句,中間有一晚被佢嚇親,傾 ...
Hi,kellylyyu 妳做咩工作?🤔🤔



引用:
原帖由 蔚藍色的雨雲 於 2018-10-11 10:42 AM 發表

你唔係信下嘛?網上情緣騙案橋段喎
所以最後冇借錢俾佢,只不過覺得咁講係咪好難聽



引用:
原帖由 Cool魔1號 於 2018-10-11 11:12 AM 發表


Hi,kellylyyu 妳做咩工作?🤔🤔
政府工,不過唔係咩嘢高級嘅rank



[隱藏]
引用:
原帖由 kellyllyy 於 2018-10-11 11:17 AM 發表


政府工,不過唔係咩嘢高級嘅rank
哦!我可以pm妳?



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。