註冊 登入



打印

[暗瘡斑印] 暗瘡A酸紀錄*內有暗瘡圖片!可能會令人不安!

暗瘡A酸紀錄*內有暗瘡圖片!可能會令人不安! E-mail 此主題給朋友

[隱藏]
小妹今年18歲,由青春期開始一直係油性皮膚,直至17年8月開始大爆發,最嚴重既時期,全面有過百粒膿頭
(只係計白色膿頭,未計紅色谷緊個啲)
好快去左睇中醫,睇左大半年,身體好左好多,腸胃同生理上嘅野都調理好左
暗瘡亦好轉左,不過相對普通人,我仍然係好嚴重
近呢兩個月啲中藥開始食極都冇乜用
所以決定睇西醫
西醫一見到我就即刻開A酸同埋荷爾蒙藥比我,話我係囊腫性暗瘡
仲問我點解唔早啲來睇😭
呢度係今日未開始食A酸既相
今晚會開始食


之後一路食會一路係度紀錄番我啲暗瘡既情況,希望好得番!
我係決定睇西醫之前都做左好多research,亦都有啲擔心,但係副作用呢家野因人而異,所以想係呢度幫自己做個紀錄,亦都比大家參考下
如果遲啲我啲暗瘡好番既,希望呢個post可以幫到其他同路人!
生暗瘡真係可以好影響情緒...加油!



熱賣及精選
加油


回覆 引用 TOP

加油,祝樓主快d好番💪🏼💪🏼


如果一生只能仰慕一位偶像
永永遠遠
那只會是Ivana

忽然喜歡上Khalil :)

回覆 引用 TOP

醫生有無話你係幾多級?我都食緊第三個星期...加油


[隱藏]
引用:
原帖由 k愛s 於 2018-8-5 09:50 PM 發表

醫生有無話你係幾多級?我都食緊第三個星期...加油
冇講,你都加油!



回覆 引用 TOP

呢度係食左一個禮拜既相,之前有啲忙遲左post,聽日就影第二個禮拜啲相


太近有啲相focus唔到,最清呢張
等我形容下面部既其他情況
1. 除左呢邊面外眉毛兩邊生左兩堆石頭瘡,冇膿頭,禁佢好痛個隻
ps 以前好少係呢個位生
2. 下巴同額頭既暗瘡好左啲啲

姐係生多左石頭瘡,平時唔生瘡個啲位都生埋,應該係醫生講既爆發期

副作用方面未係好明顯,嘴唇有啲乾,一日要搽幾次潤唇膏,比起我冬天個陣仲要乾

不過可能係因為我油性皮膚,好少爆拆,所以先覺得嘴唇咁樣已經係好乾

面油少左,但係仲會出,平半日就滿面油光,而家大概全日先t字位有油光



引用:
原帖由 肥肥(^ω^) 於 2018-8-17 02:12 AM 發表

呢度係食左一個禮拜既相,之前有啲忙遲左post,聽日就影第二個禮拜啲相


太近有啲相focus唔到,最清呢張
等我形容下面部既其他情況
1. 除左呢邊面外眉毛兩邊生左兩堆石頭瘡,冇膿頭,禁佢好痛個隻
ps 以前好少係呢個位生
2. 下巴同額頭既暗瘡好左啲啲

姐係生多左石頭瘡,平時唔生瘡個啲位都生埋,應該係醫生講既爆發期

副作用方面未係好明顯,嘴唇有啲乾,一日要搽幾次潤唇膏,比起我冬天個陣仲 ...
有無食抗生素...?因為你都幾嚴重,食埋會無爆得甘勁



引用:
原帖由 k愛s 於 2018-8-17 06:24 PM 發表


有無食抗生素...?因為你都幾嚴重,食埋會無爆得甘勁
醫生有開抗生素藥膏比我搽,同埋有食埋荷爾蒙藥



回覆 引用 TOP

加油呀樓主!我依家三十幾歲人都仲爆緊瘡,所以我都好明白你既感受同無奈架!


[隱藏]
加油樓主
我依家都食梗80mg一日 食左一個半月 好左好多不過仲有好多印
樓主仲咁後生 會好得快好多



引用:
原帖由 wingodrn 於 2018-8-18 08:04 AM 發表

加油樓主
我依家都食梗80mg一日 食左一個半月 好左好多不過仲有好多印
樓主仲咁後生 會好得快好多
你都加油!承你貴言!



回覆 引用 TOP

第二個星期
全面差不多冇曬膿頭,keep住有一至兩粒瘡係面
亦少左好多面油


全面都係咁樣既狀況,大部分都係紅印

離遠望塊面都係紅色為主,仍然係行出街大家都會關心我既程度

不過實在好耐冇見過自己皮膚有咁好,都幾開心


至於副作用開始出來,兩邊嘴角都乾到爆開左

鼻同手都有地圖樣既甩皮,不過皮屑好碎,未甩得好嚴重,相機難啲影出來

有一邊鼻翼甚至乾到損左

身體就好容易刮出白痕,似冬天個陣

之後再繼續觀察~希望啲印可以去得快啲!



回覆 引用 TOP

樓主加油,我30幾歲人爆瘡仲勁過後生個時。睇左幾次西醫都無乜好轉,醫生話我唔算嚴重,所以無開藥我食,只係比哦護膚品同暗瘡膏我用,不過不失。用完唔覺得好大改善

有時Facebook 彈返啲當年今周的相出黎,個時啲皮膚勁好,而家咁樣真係好傷心



加油呀!我都食過A酸
但都有返發
希望你唔會啦



[隱藏]
引用:
原帖由 semiknow 於 2018-8-19 11:27 PM 發表

樓主加油,我30幾歲人爆瘡仲勁過後生個時。睇左幾次西醫都無乜好轉,醫生話我唔算嚴重,所以無開藥我食,只係比哦護膚品同暗瘡膏我用,不過不失。用完唔覺得好大改善

有時Facebook 彈返啲當年今周的相出黎,個時啲皮膚勁好,而家咁樣真係好傷心 ...
加油啊,皮膚呢啲野好睇體質,有時我地呢啲暗瘡體質既真係好難搞...



回覆 引用 TOP

 73 12345
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。