註冊 登入



打印

愈來愈頂唔順老婆同佢個家姐

愈來愈頂唔順老婆同佢個家姐 E-mail 此主題給朋友

[隱藏]
其實我都唔知由邊度開始講好, 但唔呻下, 我就來癲。
咁樣啦,就由最最新鮮熱辣0既開始講.
我同老婆兩名仔女同住, 我媽即嫲嫲好少有機會見到兩個孫, 今日專登炆埋海參排骨拎上我屋企, 同買了一條斑上來俾工人姐姐煮. 之後我媽怕阻住我哋, 冇留低一齊食晚飯. 佢覺得即使見唔到兒孫,但我哋食到佢帶0既食物, 佢便開心了.
我覺得正常人, 點都會多謝和讚下老人家咁有心, 但老婆係一句說話都冇講. 我覺得點都叫讀過咁多書,也是教徒, 點解咁唔體會老人家; 反而同一晚佢家姐買個美心蛋糕上來, 佢同佢家姐兩個不停0係度讚話好好食, 好難得買到新出0既款......
我可能太小氣, 點解我咁嬲? 因為呢幾年我愈來愈發現老婆好偏心自己屋企. 本來愛護自己原生家庭不是壞事, 但總係覺得怪怪的. 例如佢會緊張自己屋企0個邊的活動, 我呢邊媽同太公約食父親節飯, 佢可以唔覆WHATSAPP, 然後食飯當天早上先問我去唔去, 我心諗就算去, 你點叫長輩們臨時為後輩訂多幾個位?
由於過去絕大多數我那邊家庭聚會老婆都以小朋友午睡而唔出席, 依家佢哋已自動SKIP唔約我哋. 其實大仔不用午睡的, 我老婆通常陪細嗰個午睡, 然後自己瞓埋一份, 大仔就得番一個人喺廳睇電視或一個人玩(我有時假期上午要番工). 咁我話不如我放工帶個仔同長輩們食下玩下, 佢又反對, 話去就一定要帶埋細0既. 咁其實即係迫我哋唔去.
之前我媽家中裝修, 來我屋企住了個半月. 咁我個仔平時好多嘢學, 部分興趣班是在老婆家姐屋企, 同表哥表弟一齊上. 所以老婆同佢家姐就安排了我個仔一放學就會去姨媽度, 上完興趣班,接著食埋飯, 玩埋先番自己屋企. 裝修那個半月, 我媽日盼夜盼, 煮埋晚飯, 想同個孫見多啲, 同枱食飯, 但都無符. 我不反對偶而幾個表兄弟一齊玩一齊食, 但都要平衡下番下自己屋企. 但我老婆不是當耳邊風, 就係話佢都叫唔郁個仔.
有段時間個仔因太長時間在姨媽屋企生活, 冇晒我哋自己家的家規,  連我家中工人姐姐都睇唔過眼, 話佢咁樣成日受姨媽家影響會出問題. 有次我真係發火,因為我見到個仔不單止我, 連我老婆即佢阿媽的說話都不瞅不采, 叫個仔搞清楚邊度係你0既屋企. 語氣重了, 之後我都要同個仔解釋番, 唉.

PS 關於下面有人話我, 即樓主, 偏心自己阿媽0既...唔點講呢? 我都想知我點偏心了自己阿媽? 可否指出大家理性討論下, 可能當局者迷.

[ 本帖最後由 midnightexpress 於 2018-7-7 03:27 AM 編輯 ]



精選樓盤
所謂教徒,我曾經認識過,,我只能講諗嘢有問題


引用:
原帖由 midnightexpress 於 2018-7-6 11:33 PM 發表

其實我都唔知由邊度開始講好, 但唔呻下, 我就來癲。
咁樣啦,就由最最新鮮熱辣0既開始講.
我同老婆兩名仔女同住, 我媽即嫲嫲好少有機會見到兩個孫, 今日專登炆埋海參排骨拎上我屋企, 同買了一條斑上來俾工人姐姐煮. 之後我媽怕阻住我哋, 冇留低一齊食晚飯. 佢覺得即使見唔到兒孫,但我哋食到佢帶0既食物, 佢便開心了.
我覺得正常人, 點都會多謝和讚下老人家咁有心, 但老婆係一句說話都冇講 ...
樓主真系好廢無得埋怨別人



回覆 引用 TOP

另外一樣嘢就係大家對家居整潔的重視程度.
其實我預咗好多女仔因為是家中寶貝, 原生家庭都不會要求佢哋執屋做家務. 我要求好簡單, 你只要有心去令個家整潔便可以了, 唔識執? 唔緊要,我教你; 好攰? 唔緊要, 我執, 只要你有心我便我老懷安慰了. 但我發現, 每次叫佢買少啲嘢, 掉咗冇用既野, 佢一係完全冇反應, 我好似同空氣講嘢, 一係就黑面. 我心諗你搞到屋企咁亂, 我已經係好好語氣,你仲要黑番我面.
話說我有次開唔到衣櫃,發現被大褸頂住, 好奇數下, 淨係大大小小羽絨,有12件, 一打! 那次我先知道原來香港咁凍 --其實依家都開唔郁度門,太多塞住咗;  或者教佢幾年冇著0既衫捐出去(家中十一尺大衣櫃,我只用一個櫃桶, 同埋幾件掛0既褸, 其他佢用晒, 仲有六尺床下底全是佢啲衫,但又唔著,用尼龍繩一捆捆紥住. 女仔貪靚好事, 賞心悅目嘛,但你都唔著,紮住佢 況且有啲都唔靚,例如D帽戴到佢好唔精神, 鞋著到佢肥,咁KEEP住做乜呢?)
佢又人哋送乜都照收, 個仔學跆拳道, 已經有頭套同護甲, 跟住表哥唔學, 一整套一模一樣0既頭套護甲就去咗我屋企. 有玩過都知, 套護甲幾咁阻埞呀; 大仔同細0既讀同一幼稚園, 書本可續用. 開學前我幫個細0既整埋書本, 發現除了大0既留落的一套, 仲有三套相同既, 原來又係收留了其他人送0既. 仔女房換床要搬開衣櫃,太重, 我要扲衣櫃入面D 野出來, 居然發現個仔夏天有35條褲, 80件T或背心, 仲未計番學內外衣!!! 我話俾夠你七條日日轉款, 其他那些人地俾你唔係照收吓?!
去年我執屋, 俾我見到一棟近兩尺高的2015,16年0既舊兒童雜誌--台灣出0既<巧虎>, 我話要掉, 佢家姐剛好0係度, 佢話, 你唔好搞呢棟書, 呢啲係移咗民0既舅母的, 要還番俾佢. 我話佢地移民前有用0既嘢應已入晒貨櫃, 佢居然話,遲D佢地去英國探舅母, 會帶過去. 我心諗, 唔係呀, 山長水遠帶咁重過期雜誌去英國???
仲有D學期尾仲唔掉的上年開學通告,家教會活動通告, 都唔知留來做乜, 同佢講佢又係黑晒面. 家中一張BB床用了幾手, 話仲有人想要, 咁由暑假等對方來取, 但原來老婆反口, 想俾細路用多陣,但又唔同我講,直到聖誔先話依家可以俾人喇, 但過咗聖誕,冇人來取,過埋新年假, 都冇人.等了又等, 張床舖滿塵同雜物, 剛巧家中有人不停咳,我真係好嬲.
其實影響我生活空間我都算了, 但有時太多0野, 小朋友活動空間細咗, 雜物多又影響空氣,細路經常咳, 鼻敏感, 我唔知同家中多嘢有冇關係, 但我睇法係可減少一個造成小朋友病0既可能性, 我哋做家長的就要去實行.但佢唔係咁睇, 佢話佢重視小朋友的學習, 同人相處等等. 我覺得係,無錯, 但同時很多家長花數以百萬去住大D, 花巨款去裝修, 都係想家人住得舒服D, 點解我地反其道而行呢?

講開執嘢, 我想起以前唔知試過話雪櫃好多過期嘢,定係屋企好亂, 佢居然同佢個朋友話我唔似男人, 淨係理家頭細務. 我心諗我都唔想理, 但太嚴重影響到同住家人嘛.
那次我無意聽到佢同朋友電話話我唔似男人, 真係好傷心, 好似俾人出賣咁, 家中水電細型裝修洗冷氣,樣樣我做, 唔通咁都唔似男人?! 我也從來冇在他人面前話過老婆不是,但佢竟然背後咁話我. 那一個月我直情真係懷疑自己是否有問題. 佢雖然後來有同我SAY  SORRY, 但點都有條刺在我心中--往後, 我開始覺得佢心底裡可能根本唔尊重我, 所以好多時我的意見, 我的家人, 佢都不重視.

[ 本帖最後由 midnightexpress 於 2018-7-7 02:42 AM 編輯 ]



[隱藏]
我知樓主有顧慮,一係平心靜氣同你老婆講,如果佢明事理就最好。相反如果你老婆平時都揸開fit巴渣既就好難搞得掂,一係就吵一鑊金 總之最好娶個好老婆


提示: 作者被禁止或刪除 內容自動屏蔽
引用:
原帖由 midnightexpress 於 2018-7-6 11:33 PM 發表

其實我都唔知由邊度開始講好, 但唔呻下, 我就來癲。
咁樣啦,就由最最新鮮熱辣0既開始講.
我同老婆兩名仔女同住, 我媽即嫲嫲好少有機會見到兩個孫, 今日專登炆埋海參排骨拎上我屋企, 同買了一條斑上來俾工人姐姐煮. 之後我媽怕阻住我哋, 冇留低一齊食晚飯. 佢覺得即使見唔到兒孫,但我哋食到佢帶0既食物, 佢便開心了.
我覺得正常人, 點都會多謝和讚下老人家咁有心, 但老婆係一句說話都冇講 ...
垃圾老婆!難為樓主。

Ps. 我最睇唔起敎徒。根本入會為利益。仆街教徒多



引用:
原帖由 鮮柳橙綠茶 於 2018-7-6 11:55 PM 發表

所謂教徒,我曾經認識過,,我只能講諗嘢有問題
同意。根本教徒好多勢利小人



引用:
原帖由 midnightexpress 於 2018-7-7 12:38 AM 發表

另外一樣嘢就係大家對家居整潔的重視程度.
其實我預咗好多女仔因為是家中寶貝, 原生家庭都不會要求佢哋執屋做家務. 我要求好簡單, 你只要有心去令個家整潔便可以了, 唔識執? 唔緊要,我教你; 好攰? 唔緊要, 我執, 只要你有心我便我老懷安慰了. 但我發現, 每次叫佢買少啲嘢, 掉咗冇用既野, 佢一係完全冇反應, 我好似同空氣講嘢, 一係就黑面. 我心諗你搞到屋企咁亂, 我已經係好好語氣,你仲 ...
呢尐女人撚係女人。垃圾人士

好心樓主拎尐男子氣概啦。 食唔住老婆 !



回覆 引用 TOP

[隱藏]
家事女人覺得自己有權力管晒,呢個情況好普遍,所以一個家庭只可以一個女主人家。

我老婆出席男家聚會,九成遲到,一成無到,點講都冇用,每一次都有新嘅原因。唔好亂諗嘢,相處唔到就唔好逼大家,以後你安排多啲活動,包飲包食大家都開心。



唔知點解, 好多事都見到佢淨係聽外家, 尤其佢家姐說話. 例如我哋小朋友好中意游水, 我話不如溫完習(因知第二日考試唔難)趁有太陽去游啦, 佢又話唔好, 好快會有游水堂, 唔駛自己去. 但幾分鐘後, 佢又會話佢家姐話大家都溫好書了, 不如去游水啦.
小朋友少少病, 或者天氣少少雨, 我都要小朋友繼續原訂0既課外活動,但佢又係聽佢家姐話,中意就番, 唔中意就唔番. 佢家姐仲要事後同小朋友講, 做事要有毅力,唔好因少少事半途而廢, 我聽到簡直想...
以前個工人姐姐我覺得都多嘢做, 佢又聽佢外家話,話佢好得閒, 跟住叫佢去外家甚至佢家姐度幫手.佢同佢外家點到個工人姐姐暈咁濟, 一日幾十個電話, 一時要佢做呢樣, 一時做那樣, 剛要做時,又改ORDER, 搞到我有時自己杯都自己順手洗咗唔想麻煩姐姐.
有時自己屋企兩個小朋友要搞, 佢又分身去理佢媽0既事 (那時外母病要搵醫生), 又或者要安排佢外家呢樣那樣活動, 我話不如分工合作, 叫家姐幫下, 佢兩個大D, 易搞D. 佢又唔肯.
另一好奇怪0既事,就係佢話同我個妹教育理念唔同, 所以佢每次只要有我妹在場場合,佢都會黑面!
我發現佢愈來愈唔尊重我哋, 我依家都對佢屋企有以前咁熱情了.

[ 本帖最後由 midnightexpress 於 2018-7-7 02:59 AM 編輯 ]



引用:
原帖由 faimark 於 2018-7-7 00:45 發表


別怪我多口,有d人只盲目自己媽媽先好。人地媽媽做乜也看不到。。。
得罪哂🙏🏻
我buy你
我都覺得樓主好美化左自己媽咪



引用:
原帖由 midnightexpress 於 2018-7-6 11:33 PM 發表

其實我都唔知由邊度開始講好, 但唔呻下, 我就來癲。
咁樣啦,就由最最新鮮熱辣0既開始講.
我同老婆兩名仔女同住, 我媽即嫲嫲好少有機會見到兩個孫, 今日專登炆埋海參排骨拎上我屋企, 同買了一條斑上來俾工人姐姐煮. 之後我媽怕阻住我哋, 冇留低一齊食晚飯. 佢覺得即使見唔到兒孫,但我哋食到佢帶0既食物, 佢便開心了.
我覺得正常人, 點都會多謝和讚下老人家咁有心, 但老婆係一句說話都冇講 ...
娶錯老婆毀一生



引用:
原帖由 midnightexpress 於 2018-7-7 12:38 AM 發表

另外一樣嘢就係大家對家居整潔的重視程度.
其實我預咗好多女仔因為是家中寶貝, 原生家庭都不會要求佢哋執屋做家務. 我要求好簡單, 你只要有心去令個家整潔便可以了, 唔識執? 唔緊要,我教你; 好攰? 唔緊要, 我執, 只要你有心我便我老懷安慰了. 但我發現, 每次叫佢買少啲嘢, 掉咗冇用既野, 佢一係完全冇反應, 我好似同空氣講嘢, 一係就黑面. 我心諗你搞到屋企咁亂, 我已經係好好語氣,你仲 ...
樓主,小弟好同情你,我覺得你要同老婆傾下,表達你嘅睇法,家人嗰啲都算,屋企變什物房呢下睇到我火L滾。。。如果傾完都冇改變,可能你要諗下一步。。。,呢啲咁嘅大女人好難頂。。。



[隱藏]
引用:
原帖由 Peiian 於 2018-7-7 01:26 AM 發表


我buy你
我都覺得樓主好美化左自己媽咪
我都覺,很偏心自己媽咪



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。