註冊 登入



打印

發現爸爸出軌

發現爸爸出軌 E-mail 此主題給朋友

[隱藏]
我想請教下,如果知道爸爸出軌應該點做?話俾媽媽知定私下同爸爸傾哩個問題?件事已經發生左差唔多半年啦(由我發現開始計),希望大家俾d意見我,等我可以多方面考慮點解決,謝謝🙇🏻‍♀️🙇🏻‍♀️


比多點資料,爸媽幾歲?佢地平日相處如何?知唔知小三係邊識?小三本身有冇家庭?


引用:
原帖由 iLove_穎兒 於 2018-5-16 07:34 AM 發表

比多點資料,爸媽幾歲?佢地平日相處如何?知唔知小三係邊識?小三本身有冇家庭?
爸爸80啦,媽媽50幾,其實都係老夫老妻啦,對小三既資料一無所知,我都係有次係屋企匆匆見過一面,爸爸果時話佢係上黎屋企按摩既(我先唔信)之後因為某d事我同佢嘈,佢先認話果個係佢老婆(當然我媽媽先係法律上佢既老婆)我聽到梗係嬲啦,但係我驚我同媽媽講哩件事,佢會好傷心,但係唔同佢講呃住佢我又好辛苦。我爸爸曾經同媽媽講話年紀大,無錢想拎綜援,我媽媽話咁我返工我俾屋企雜費啦,但係佢成日都話無錢,我懷疑佢跟本就係要養另一頭家,所以件事發生後我一直都唔想面對我爸爸,我唔知點面對我眼前哩個無理我同媽媽感受既男人。但係我又覺得咁唔係辦法,問題始終要解決~



那女人可能跟樓主阿爸有更久的關係.......感情事好難阻到佢老人家, 樓主不如考慮實際狀況

和阿媽生活, 經濟上有無問題? 如果你們可以應付到, 就無野可輸

如果阿媽沒有什麼身心疾病, 其實同佢講比較好, 無理由最親的人最後才知, 你知又無講, 仲hurt, 況且兩個一起商量, 有仔女做後盾, 事情就易應付好多



[隱藏]
引用:
原帖由 401 於 2018-5-16 09:42 AM 發表

那女人可能跟樓主阿爸有更久的關係.......感情事好難阻到佢老人家, 樓主不如考慮實際狀況

和阿媽生活, 經濟上有無問題? 如果你們可以應付到, 就無野可輸

如果阿媽沒有什麼身心疾病, 其實同佢講比較好, 無理由最親的人最後才知, 你知又無講, 仲hurt, 況且兩個一起商量, 有仔女做後盾, 事情就易應付好多 ...
我認經濟上最大既問題係住屋囉,佢地住公屋,上一篇漏左打,(爸爸係話無錢想攞綜援提議離婚,媽媽覺得爸爸年紀大因爲錢而離婚對一個老人家黎講好慘,先話佢去做野佢負責開支)我困惑既係媽媽知道真相佢係咪真係承受到呢?



引用:
原帖由 捕夢網之戀 於 2018-5-16 09:51 AM 發表


爸爸係話無錢想攞綜援提議離婚,媽媽覺得爸爸年紀大因爲錢而離婚對一個老人家黎講好慘,先話佢去做野佢負責開支)我困惑既係媽媽知道真相佢係咪真係承受到呢?
咁即係........阿爸已經部署得好周詳, 無彎轉

情況壞到咁, 阿媽一定要知, 不然去到死角先知無路可走就更難承受

你有無收入? 查清楚離婚戶的單位係點樣安排, 處理難題唔好放太多情緒在內, 實際理智先能減少傷害



小三本身有冇家庭?


引用:
原帖由 捕夢網之戀 於 2018-5-16 02:11 AM 發表

我想請教下,如果知道爸爸出軌應該點做?話俾媽媽知定私下同爸爸傾哩個問題?件事已經發生左差唔多半年啦(由我發現開始計),希望大家俾d意見我,等我可以多方面考慮點解決,謝謝🙇🏻‍♀️🙇🏻‍♀️ ...
你爸都成80歲啦。隻眼開隻眼閉,佢想做乜都由得佢啦。當係報養育之恩都要啦。



回覆 引用 TOP

引用:
原帖由 捕夢網之戀 於 2018-5-16 09:29 AM 發表


爸爸80啦,媽媽50幾,其實都係老夫老妻啦,對小三既資料一無所知,我都係有次係屋企匆匆見過一面,爸爸果時話佢係上黎屋企按摩既(我先唔信)之後因為某d事我同佢嘈,佢先認話果個係佢老婆(當然我媽媽先係法律上佢既老婆)我聽到梗係嬲啦,但係我驚我同媽媽講哩件事,佢會好傷心,但係唔同佢講呃住佢我又好辛苦。我爸爸曾經同媽媽講話年紀大,無錢想拎綜援,我媽媽話咁我返工我俾屋企雜費啦,但係佢成日都話無錢,我懷疑佢 ...
爸爸80啦,媽媽50幾 - 老夫少妻,你媽都有可能係外面有其他關係,或者有過其他關係。你可能只係知事實嘅一半。上一代嘅事。留翻比上一代處理啦。



[隱藏]
應該要講,免得媽媽工作賺錢比你爸貼錢比個女人,咁嘅老豆要唔要都擺


引用:
原帖由 401 於 2018-5-16 10:01 AM 發表



咁即係........阿爸已經部署得好周詳, 無彎轉

情況壞到咁, 阿媽一定要知, 不然去到死角先知無路可走就更難承受

你有無收入? 查清楚離婚戶的單位係點樣安排, 處理難題唔好放太多情緒在內, 實際理智先能減少傷害 ...
我有做野,媽媽都有做野,因為以家爸爸唔使負責屋企開支所以佢冇再提要離婚啦。我有上屋處睇過,佢話離婚分戶既話可能會暫時安排同唔識既人住住先,我其實并唔希望佢地要去到離婚哩一步,始終手心手背都係肉



引用:
原帖由 公司小馬 於 2018-5-16 10:38 AM 發表

小三本身有冇家庭?
小三既一切我一無所知,淨係知有個咁既人存在



回覆 引用 TOP

引用:
原帖由 wanmh 於 2018-5-16 12:51 PM 發表



爸爸80啦,媽媽50幾 - 老夫少妻,你媽都有可能係外面有其他關係,或者有過其他關係。你可能只係知事實嘅一半。上一代嘅事。留翻比上一代處理啦。 ...
你講既我都明,所以我要扮咩都唔知係對大家都好?



引用:
原帖由 捕夢網之戀 於 2018-5-16 01:14 PM 發表


你講既我都明,所以我要扮咩都唔知係對大家都好?
當然,老實講 你媽可能一早都知。你夾硬要揚出黎,你媽可能會更難過。你同你媽之後要走嘅路係更長。無謂太執著現在。



[隱藏]
唔好理!大人事大人處理


回覆 引用 TOP

 44 123
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。