註冊 登入



打印

(有圖)去完深圳搵高醫生整7點縫缐雙眼皮..(但眼尾依家有兩點野突左出嚟,有冇sis都有咁嘅情況?有冇sis可以俾定拆線嘅contact我?)

(有圖)去完深圳搵高醫生整7點縫缐雙眼皮..(但眼尾依家有兩點野突左出嚟,有冇sis都有咁嘅情況?有冇sis可以俾定拆線嘅contact我?) E-mail 此主題給朋友

[隱藏]
本身我整咗三次雙眼皮,第一次叫吊線喺香港做,第二次佢哋叫縫線喺深圳搵咗個男醫生做,第三次經朋友介紹下搵咗深圳高醫生做.

每次都係雙眼皮有事先整過,第一次整嘅雙眼皮越嚟越DUP, 於是搵咗深圳男醫生整,最唔開心都係哩次,整到唔平衡,一高一低,經過一年半嘅百分百消腫後,又再化下妝,好彩唔太明顯,但好可惜一年半後發現條線分叉(看圖)..畫眼線又要就住,影相又明顯影到個叉位..之後今次就搵咗高醫生做

我心諗又要腫過,最難捱就係等消腫呢個過程.. 我朋友就話搵高醫生做五點縫線就唔腫架啦(因為佢自己都係搵高醫生做五點)..好啦咁上到去咨詢,我就問醫生做邊一隻冇咁腫,因為佢有好幾個唔同嘅價錢,然後高醫生就話「7點8點縫線係最唔腫」,之後我問「咦咩唔係五點冇咁腫咩?我朋友係咁講」..之後醫生就話「我諗你朋友搞錯左囉,五點係最腫,七點八點先至係最唔腫,三日後可以化妝,五點嘅話一星期或以上先化到妝」...

咁我信佢啦最後做咗七點,當然到第七日都仲未化到妝(看圖Day7, 可能燈光問題,但其實仲紫緊黃緊眼角位仲紅緊),冷敷熱敷都做齊了,輕輕摸下眼皮都仲有啲啲痛,打乞嚏都要就住..手術過程中我問高醫生,我本來條線使唔使拆,佢話唔使拆㗎啦..

但我嘅疑問就係眼尾有兩粒突出嚟嘅嘢,輕輕摸落去係線頭😏,有一粒係第二次整完眼仔嘅時候已經喺度,第二粒就係今次高醫生做完之後先有🤦🏻‍♀️..而左邊眼係冇嘅.唔知關唔關事果兩粒野事啦,右邊眼係特別痛 (in case我日後要拆返果兩粒野出嚟,有冇靚靚都可以提供下喺邊度折線好?有冇人有近似我嘅情況?)

總括嚟講,今次係我三次整眼裏面最滿意嘅一次,相信消晒腫之後效果應該唔錯,高醫生做得好balance.其實腫緊嘅時候大概都知道佢做成點.. 依家個問題係果兩粒線頭...未搵高醫生之前已經有一粒(係個男醫生留低,一年半都仲喺度)..



附件

IMG_3856.JPG (175.29 KB)

2018-5-15 08:14 PM

IMG_3856.JPG

IMG_3857.JPG (218.7 KB)

2018-5-15 08:14 PM

IMG_3857.JPG

IMG_3858.JPG (176.9 KB)

2018-5-15 08:14 PM

IMG_3858.JPG

熱賣及精選
感謝分享

效果有滿意真的太好了

一切辛苦都值得 



回覆 引用 TOP

應該冇乜問題等佢消腫啦


樓主,我之前逢雙眼皮都有咁樣,你條線發緊炎,你去藥房買支消炎眼藥膏,大概$40支, 早午晚查一次,三,四日左右就消㗎啦


[隱藏]
引用:
原帖由 前來Cute肚臍 於 2018-5-17 02:36 AM 發表

樓主,我之前逢雙眼皮都有咁樣,你條線發緊炎,你去藥房買支消炎眼藥膏,大概$40支, 早午晚查一次,三,四日左右就消㗎啦
你意思係突出黎果兩粒野既位置發緊炎嗎?



回覆 引用 TOP

引用:
原帖由 安娜貝兒 於 2018-5-16 03:06 PM 發表

應該冇乜問題等佢消腫啦
嗯嗯~唯有內心等待



回覆 引用 TOP

系呀,搽咗藥膏就好快消㗎啦


回覆 引用 TOP

因為你身體排斥嗰啲線啊,所以先會發炎,但你搽咗藥膏都唔好先去拆囉


引用:
原帖由 前來Cute肚臍 於 2018-5-17 11:20 PM 發表

因為你身體排斥嗰啲線啊,所以先會發炎,但你搽咗藥膏都唔好先去拆囉
好啊,謝謝你建議!
我以為係佢埋尾嘅時候打結打得唔好所以凸起左😅



回覆 引用 TOP

[隱藏]
但以我經驗好快會消ga la


回覆 引用 TOP

做得幾好 幾靚


回覆 引用 TOP

引用:
原帖由 babybubu8 於 2018-5-15 08:14 PM 發表

本身我整咗三次雙眼皮,第一次叫吊線喺香港做,第二次佢哋叫縫線喺深圳搵咗個男醫生做,第三次經朋友介紹下搵咗深圳高醫生做.

每次都係雙眼皮有事先整過,第一次整嘅雙眼皮越嚟越DUP, 於是搵咗深圳男醫生整,最唔開心都係哩次,整到唔平衡,一高一低,經過一年半嘅百分百消腫後,又再化下妝,好彩唔太明顯,但好可惜一年半後發現條線分叉(看圖)..畫眼線又要就住,影相又明顯影到個叉位..之後今次就搵咗高醫生做 ...
你好,請問你整咗幾錢?可唔可以pm個醫生資料俾我?



回覆 引用 TOP

睇落去似線頭,不過時間會說明一切。因為我自己都系同你一樣,初初整完唔會太明顯太凸。但三個月後慢慢浮上黎,仲要見到個線頭條線好似就吉穿個眼皮走出黎。起初啲醫護話我隻眼生油脂粒喎結果再比醫生一睇就話系線頭。


回覆 引用 TOP

請問可唔可以pm高醫生資料 thanks 🙇‍♀️


回覆 引用 TOP

[隱藏]
係咪割架,有冇開眼頭/尾?幾靚喎。


回覆 引用 TOP

 21 12
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。