註冊 登入



打印

單身不婚族的感觸

本主題由 YanNessIsMe 於 2018-7-29 09:50 AM 關閉

單身不婚族的感觸 E-mail 此主題給朋友

[隱藏]
本人中女一名
因媽咪前排身體唔好,冇做野兩個月全日照顧佢起居
喺佢住院期間,深深體會到人真係好脆弱,死亡之神隨時會降臨

一直以尼屋企有咩事都係我一個人撐住,就算媽咪病果段期間,我情緒壓力大到爆煲,日日以淚洗面,我都冇出過聲冇同人提過,只係一個人默默擔心

呢段時間媽咪好反 d,但幾健康嘅人都總有離世嘅一日,更何況我媽咪身體比一般人差,吹下風都會馬上病,所以要時刻留意

當身邊朋友早已成家立室,生兒育女,我始終獨自一個,即使有人對自己有意思,我都係堅持無伴侶生活,因為上半生我已撐起頭家,我唔想下半世再比頭家束博,可能我比較自私,除左媽咪,我唔想再付出照顧別人

大部分人青年時期考試讀書,中年時期生兒育女為工作拼博,到老年時期行動不便一身病痛,一生人就係咁,有感自己仲有好多地方未去過,仲有好多事物未體會過,所以我一早已決定,盡孝道陪媽咪一世,然後獨自離開香港,去想去嘅地方生活

補充:
愛需要及時,希望各位珍惜身邊人!

[ 本帖最後由 ladycici 於 2018-5-25 10:20 PM 編輯 ]



熱賣及精選
每人想法都唔同~~自己覺得邊條路合適咪照行囉~~好好照顧媽咪啦~~媽媽得一個咋~~


孝順女👏其實E十大把不婚族 自由自在 無拘無束 幾好


引用:
原帖由 tampong 於 14-5-2018 08:31 AM 發表

每人想法都唔同~~自己覺得邊條路合適咪照行囉~~好好照顧媽咪啦~~媽媽得一個咋~~
之前幫媽咪沖涼,見倒媽咪瘦左好多,好心酸
所以當父母仍健在,要好珍惜



[隱藏]
引用:
原帖由 ladycici 於 2018-5-14 09:06 AM 發表



之前幫媽咪沖涼,見倒媽咪瘦左好多,好心酸
所以當父母仍健在,要好珍惜
絕對正確~~因爲我媽媽都有大病過~~所以要好好珍惜



回覆 引用 TOP

好好照顧媽媽,趁她仍在,不然會後悔一世!
加油💪樓主,你自己都要保重身體



引用:
原帖由 Joyce888888 於 14-5-2018 08:53 AM 發表

孝順女👏其實E十大把不婚族 自由自在 無拘無束 幾好
我喺醫院見倒個婆婆,佢有個女,但佢女自己有家庭,冇辦法照顧佢老人家,平時佢一個住老人院,佢個女探完病後反去揍仔,個阿婆不停喺度喊...話寧願住院可以見倒個女都唔想反老人院冇人理



引用:
原帖由 ladycici 於 2018-5-14 09:12 AM 發表


我喺醫院見倒個婆婆,佢有個女,但佢女自己有家庭,冇辦法照顧佢老人家,平時佢一個住老人院,佢個女探完病後反去揍仔,個阿婆不停喺度喊...話寧願住院可以見倒個女都唔想反老人院冇人理 ...
咁點解唔接個老母一齊住要佢住老人院?



有冇結婚從來唔係你生命成功或快樂嘅唯一指標. 如果你諗得通根本唔洗話咩要離開香港. 更加唔洗理會果啲咩單身被單身言論. 

實情討論區都係一群自我感覺良好嘅飛機友居多.

平淡是福,身體健康最緊要.



***想要有直昇機 想要和你飛到宇宙去
想要和你融化在一起 融化在銀河裡***
[隱藏]
引用:
原帖由 tungtsang2 於 14-5-2018 09:09 AM 發表

好好照顧媽媽,趁她仍在,不然會後悔一世!
加油💪樓主,你自己都要保重身體
多謝你
我以家已經好後悔,怪自己細個成日發媽咪脾氣,出尼做野時又冇時間照顧佢,所以以家冇收入,都要多 d 照顧佢



引用:
原帖由 kennylau2011 於 14-5-2018 09:18 AM 發表




咁點解唔接個老母一齊住要佢住老人院?
呢樣我就唔知,始終人地家事,家家有本難唸的經,就算個女同阿媽住,可能佢老公唔想都未定

但其實真係有好多老人家住老人院,我媽留院期間,間病房有 8 個人,除左我媽咪,其他 7 個都系直接喺老人院送院,有另一個阿婆,兒孫滿堂,佢都係自己一個住老人院

[ 本帖最後由 ladycici 於 2018-5-14 09:58 AM 編輯 ]



引用:
原帖由 ladycici 於 2018-5-14 09:33 AM 發表


呢樣我就唔知,始終人地家事,家家有本難唸的經,就算個女同阿媽住,但可能佢老公唔想呢都未定

但其實真係有好多老人家住老人院,我媽留院期間,間病房有 8 個人,除左我媽咪,其他 7 個都系直接喺老人院送院,有另一個阿婆,兒孫滿堂,佢都係自己一個住老人院 ...
同意!如果老人家可以簡單自理到(去廁所丶冲涼丶步行),我也希望可以老人在家,怕佢地孤獨。我爸爸宜家也需要住安老院舍,我會定期探佢,等佢覺得有人關心。



結左婚都可以照顧到媽咪架,最緊要你另一半唔介意同你媽咪一齊住咪得囉。我覺得人唔可能一輩子單身既,咁樣會好孤獨寂寞架


樓主,其實你一點也不孤單,我亦一樣。我母親幾年前已經過世,現在我做回自己。同時、孝我也是盡了全力,無悔了。你也加油💪


[隱藏]
引用:
原帖由 ladycici 於 2018-5-14 08:27 AM 發表

本人中女一名
因媽咪前排身體唔好,冇做野兩個月全日照顧佢起居
喺佢住院期間,深深體會到人真係好脆弱,死亡之神隨時會降臨

一直以尼屋企有咩事都係我一個人撐住,就算媽咪病果段期間,我情緒壓力大到爆煲,日日以淚洗面,我都冇出過聲冇同人提過,只係一個人默默擔心

呢段時間媽咪好反 d,但幾健康嘅人都總有離世嘅一日,更何況我媽咪身體比一般人差,吹下風都會馬上病,所以要時刻留意

當身邊朋友早已成家立室,生兒育女,我始終獨自一個,即使有人對自己有意思,我都係堅持無伴侶生活,因為上半生我已撐起頭家,我唔想下半世再比頭家束博,可能我比較自私,除左媽咪,我唔想再付出照顧別人

大部分人青年時期考試讀書,中年時期生兒育女為工作拼博,到老年時期行動不便一身病痛,一生人就係咁,有感自己仲有好多地方未去過,仲有好多事物未體會過,所以我一早已決定,盡孝道陪媽咪一世,然後獨自離開香港,去想去嘅地方生活
有自己諗法係好事我支持你而且講真拍拖結婚唔一定等於幸福你有眼睇好多家庭都係不愉快或者夫妻關係一潭死水生埋細路日日家嘈屋閉咁就一世



熄燈,鎖門,爆大鑊

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。