註冊 登入



打印

(超長篇, 內有放閃, 不喜勿進) 我的先苦後甜情路

(超長篇, 內有放閃, 不喜勿進) 我的先苦後甜情路 E-mail 此主題給朋友

[隱藏]
先講下我自己. 今年32歲中女, 非常平凡, 一個招牌跌落黎責死十個果隻。

樣貌不討好- 我覺得自己好醜樣, 面圓鼻大口大; 身形平凡- 162cm, 108磅, 不高不矮不肥不瘦; 家境平凡- 小康之家冇咩多餘錢但又三餐溫飽有瓦遮頭; 學歷平凡- 中學傳統名校既bottom 20%畢業, 大學係poly廢科; 工作平凡- 大law firm跟EP既小秘書一名, 俗稱打雜.

樣樣都好平凡, 所以自小我就唔係有自信既人.

唯二有樣野, 可能比其他女仔突出少少 - 但係講堅, 我係真心唔鐘意既 – 就係我上圍, D-E級. 我從不暴露低胸, 夏天最多係高領背心, 打晒底, 但個形都0係度... 所以出街D麻甩佬就成日望望望, 我就最憎, 望乜春0者又唔會比你摸. (題外話我覺得胸細既人著衫先有class).總之我唔鍾意受人注目, off the spot light冇人注意我就最好啦.

另一樣, 係我性格. 性格雖唔溫柔唔嗲唔姣唔小鳥依人,但我獨立自主, 從無害人之心. 我努力工作, 我孝順父母, 我待人真誠, 我樂於助人, 我平易近人, 我仲有少少麻甩佬性格, 同港女係徹底沾唔上邊既.

講返我既感情, 中6時初戀, 2個月貨仔, 因為性格不合分手. 期間我地只係拖過手同攬過下, 點知分手後佢就作故仔周圍同人講佢同我搞過. 可能青頭仔覺得咁講會有面D掛.

點知下一個仲大獲.


[ 本帖最後由 樹上藍色主題 於 2018-3-13 05:36 PM 編輯 ]



實用相關搜尋: 大學 秘書 著衫
到大學時, 拍第2次拖. 對方黑黑實實鋼條身型好鬼陽光咁, 笑起上黎真係毫無抵抗力, 完全中晒我杯茶. 但點知拍落一陣先知, 原來性格一D都唔陽光, 反而陰陰沉沉咁. 成日要我報到, 成日質疑我去左邊, 同邊個邊個男同學係咪有野咁. 大佬呀你望下我先啦, 邊有咁charming呀… 不過佢唔口賤既時候對我又好好, 好在乎我, 所以冇事, 當時太愛佢, 只覺得「佢都係緊張我愛我所以咁0者」。

後黎我去做part time sales賣手袋, 開始自己賺洗費. 但佢就唔肯搵工, 一路只攞住屋企比既零用, 但又妒忌我錢多過佢, 所以佢對我既不信任&佢既口賤更加變本加厲. 佢開始用人身攻擊.

幫佢買飯食冇肥叉買正常叉, 佢會鬧我白痴呀, 肥野呀, 冇用呀. 有時放工累, 我想自己返屋企有D personal time, 佢就認定我係同男同學男同事幽會, 姣西呀.不過事實當然絕對冇, 對得住天地良心. 嚴重d既係話我係佢既私家雞呀咁 (但明明佢就係唔係好得, 而且猜金錢交易). 其實好難聽, 不過當時覺得, 「佢都係緊張我愛我所以咁0者」。

好記得有一日食食下飯, 佢同我講(exact wording):「喂你對波咁撚細, 去隆胸啦」。咁講野, 極其侮辱, 更何況果個係我愛既人. 我唔係在乎自己個size, 我係在乎佢冇尊重我。當刻雖然個心0係度流血, 但我好努力唔比自己喊出黎, 淨係強顏歡笑。但一如以往地憨9, 我都係用「佢都係緊張我愛我所以咁0者」黎自欺欺人。可能係咁, 令佢更加覺得侮辱我係no big deal, 更加睇唔起我.  

我同佢呀媽好fd, 一個好nice既auntie. 而且我地工作地點好近, 有時岩時間既會約埋一齊返佢度. 果日冬至早放, auntie約我一齊返去飲啖湯先再返自己屋企. 一開佢房門, 就見到佢攬住條坐0係佢大脾, 佢夢寐以求既大波妹. 衣衫整齊既, 一齊打機好不溫馨咁. 然後唔知點解, 好似係我做錯咁, 我講左句「唔好意思」, 然後輕輕閂門調頭走。事後佢咩解釋都冇, 連搵都唔bother搵我, 默默地就咁分手了. 反而係auntie打黎同我say sorry咁.

「佢都係緊張我愛我所以咁0者」呢錯到盡處既廢話, 困左我近三年, 令我卑躬屈膝, 放低自尊近3年。真係自討苦吃作繭自縛唔抵可憐。

Anyway, 後黎單身左幾年, 出現過一兩枝爛桃花, 一路對愛情都冇咩憧憬. 直至9年前遇上佢.


[ 本帖最後由 樹上藍色主題 於 2018-3-13 05:39 PM 編輯 ]



實用相關搜尋: 愛情 緊張 大學 交易
呢個人痴痴地, 明明有外形有品味, 即有女埋身果種. 明明眼角高, D前女友係好索果D. 明明本可大把選擇, 但偏偏撞邪睇上我. 明明高傲, 但偏偏對我展示最溫柔真實一面。

我一直都話自己係醜小鴨一隻, 我擔心一個條件咁好既佢, 睇得上我係因為想玩我. 所以我一開始好有保留, 唔敢交晒自己比佢. 但隨住時間, 佢用行動証明佢係愛我, 忠於我, 憐惜我. 更重要係, 佢同時會尊重我, 信任我, 放任我, 欣賞我。

我有問過佢做咩咁重口味睇上我, 佢就會一臉認真咁同我講我有幾好有幾好, 佢愛既係我性格. 我又同佢講話地球上得佢一個先會覺得我好, 佢答係因為其他人眼盲唔識野. 又會out of nowhere咁0係我身上搵D野黎讚我. 例如話我笑聲好得意呀, 性格好呀, 係最好呀, 呢件衫著得我好靚呀之類的. 但重點, 永不會放在我上圍.

頂佢唔順好肉麻, 雖然我知 9成9都係氹我既說話, 咩話我靚果d認真就輸啦. 但久而久之, 我開始覺得自己「咦我自己係咪都並不是咁一文不值呢」「我係咪其實都有D優點呢」. 搵到個識得appreciate你又唔當你老馮既人, 真不易. 相愛又相敬, 太可貴。

佢大我2年既, 開始時得25歲, 但思想已十分成熟, 唔蒲唔酒唔毒戒左煙. 性格穩重有計劃有遠見. 總之我覺得stick around就好溫暖, 成日想快D放工可以見到佢痴住佢. 工作上我地雖唔同行業, 但不過都多得佢鼓勵及提點下,而家我既事業及財政都叫拙壯成長.

我人生中, 第一次有人咁寵愛我, 唔使我改善任何野, 就係愛原本既我. 連我親生呀媽都冇佢對我咁好. 有排我做完手術要休養3星期, 我返左娘家 (諗住有人睇住). 點知我呀媽都冇咩點理我, 日日淨係識煲上奶湯或豬腳薑比我果個仲有大拿拿4個月先生得既呀嫂, 仲要日日親手由灣仔courier入去沙田, 仲要幫佢地執埋狗屎. 我呢, 想話順便痴啖湯黎飲下都話唔得. 結果係由佢, 一個高薪厚職忙人, 新手, 每星期2-3次親自去一次街市/海味街買野, 落手落腳學煲湯我飲.

睇到呢度, 你會話, 一個咁完美既男人點會睇得上我呢個咁ordinary既人咁唔公平? 對, 因為佢唔係男人, 佢係女人, 一個比男人更懂得去愛人既女人, 我既同性, 一個我完全放心依賴, 可托附既將來.

我非常感謝主, 0係satan盡情傷害我後派個天使比我. 我地比較幸運, 得到4大長老支持, 下個月, 我地就會返佢既出生地注冊結婚, 正式成為合法couple. 雖然香港冇法律效力, 但, 1) 真係唔關le唔legal事, 只係想commit自己餘生比對方; 2) 佢公司對same-sex marriage有同樣benefit; 3) 反正我從不喜歡小朋友, 唔會生的了.

我唔係要鼓吹同性戀, 呢D野唔係話我鼓吹就話可以改變到任何人既性取向的. (更唔好同我講同性戀一定會有愛滋, 一定會破壞人家庭呢D比”錫咀會有bb”更白痴的說話, no, pls don't ever. 請唔好自貶身價)

我要帶出既, 係你只要好好地做人, 忠於自己地做人, 唔好妄自菲薄, 總會有人識得欣賞你. 過往遇到唔好既人和事, 都只係為襯托你日後既甜. 唔好比以前既事困住你, 因the one總係會無啦啦出現, 未必係你expected既形式, 但一出現, 你就知, 係佢啦. 各位冇自信/單身的各位, 唔好灰心!

完。

(最後認真,「基路難行」? 其實唔難。主要睇雙方有冇心去行架0者)


[ 本帖最後由 樹上藍色主題 於 2018-3-13 05:46 PM 編輯 ]






.






[隱藏]
good long story! congrats!






這張合成圖片向我們呈現出地球夜晚的樣子, 城市的燈光輝映出我們這個星球比較繁榮的區域

回覆 引用 TOP

有冇精讀篇?
已閲#1 冇心機再睇落去了。







點解作故可以作到咁撚長

[ 本帖最後由 廢人搵廢工. 於 2018-3-13 06:42 PM 編輯 ]



熱門搜尋: 胃癌 植牙 醫療保險 中醫診所 醫療用品 物理治療 情緒管理

回覆 引用 TOP

結局竟然是這樣😱





太長,淨係睇咗第一版,聽到你講話身材超勁,咁你就唔使怕一定有男人鍾意你






回覆 引用 TOP

[隱藏]
Congrats☺️☺️


熱門搜尋: 胃癌 植牙 醫療保險 中醫診所 醫療用品

回覆 引用 TOP

終於睇晒了
恭喜你有個幸福的家庭!



實用相關搜尋: 幸福

回覆 引用 TOP

恭喜樓主






回覆 引用 TOP

Hahahaha 真有你的






no big deal

回覆 引用 TOP

恭喜樓主
其實人最緊要搵到岩的另一伴
性別自己都唔care的時候
都唔需要care其他人
愛很簡單不論性別



熱門搜尋: 日文 課程 dse degree 補習社

回覆 引用 TOP

[隱藏]
引用:
原帖由 樹上藍色主題 於 2018-3-13 05:33 PM 發表

到大學時, 拍第2次拖. 對方黑黑實實鋼條身型好鬼陽光咁, 笑起上黎真係毫無抵抗力, 完全中晒我杯茶. 但點知拍落一陣先知, 原來性格一D都唔陽光, 反而陰陰沉沉咁. 成日要我報到, 成日質疑我去左邊, 同邊個邊個男同學係 ...
好奇一問, 樓主上圍D-E cup佢都嫌細叫你隆胸?
係佢屋企坐大脾果個女仔到底有幾大?



實用相關搜尋: 大學
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。